ចរាចរណ៍

បុគ្គលិកធនាគារម្នាក់ជិះម៉ូតូវ៉ាជែងជ្រុលបុករះរបាំងថ្មពុះចែកទ្រូងផ្លូវស្លាប់ភ្លាមៗ

បានផុស

៩ នាទី មុន

នៅ

ថ្ងៃពុធ ១១ កញ្ញា ២០២៤

ដោយ

បុរសម្នាក់ចេញពីធ្វើការជួបជុំផឹកស៊ីជាមួយមិត្តភ័ក្ដិរួចបេីកបរក្នុងស្ថានភាពស្រវឹងវ៉ាជែងរថយន្តជ្រុលទៅបុករះឃឿនពុះចែកទ្រូងផ្លូវបណ្ដាលឲ្យស្លាប់បាត់បង់ជីវិតភ្លាមៗនៅកន្លែងកេីតហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កឲ្យមានការភ្ញាក់ផ្អើលកាលវេលាម៉ោង៩យប់ ថ្ងៃទី១០ ខែកញ្ញា ឆ្នាំ២០២៤ ស្ថិតនៅតាមបណ្ដោយផ្លូវសហព័ន្ធរុស្ស៊ី ទល់មុខផ្ទះសំណាក់ កៅ ខេន ចំណុចភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យរាជធានី។

សពរងគ្រោះឈ្មោះ ឆន ដារ៉ូ ភេទប្រុសអាយុ២៩ឆ្នាំ មុខរបរបុគ្គលិកបំរេីការ ធនាគារ បច្ចុប្បន្នស្នាក់នៅសង្កាត់ភ្លេីងឆេះរទេះ សង្កាត់កំបូល ខណ្ឌកំបូល រាជធានីភ្នំពេញ និងមានស្រុកកំណើតនៅខេត្តកំពង់ចាម។

យោងតាមប្រភពពីកន្លែងកើតហេតុបានឲ្យដឹងថា មុនកើតហេតុគេឃើញជនរងគ្រោះជិះម៉ូតូម្នាក់ឯងម៉ាកហុងដាឌ្រីមសង់ឆ្នាំ២០១៩ ពណ៌ខ្មៅ ពាក់ស្លាកលេខ ត្បូងឃ្មុំ1G-4838 ធ្វើដំណើរតាមបណ្ដោយផ្លូវសហព័ន្ធរុស្ស៊ីក្នុងទិសដៅពីកេីតមកលិចក្នុងល្បឿនលឿនរួចបានវ៉ាជែងរថយន្តមួយគ្រឿងមិនចាំម៉ាកចូលមកកណ្ដាលផ្លូវបណ្ដាលឲ្យជ្រុលចង្កូតទៅបុករះជាមួយរបាំងថ្មពុះចែកទ្រូងផ្លូវជាច្រើនម៉ែត្រ ផ្លោងបោកក្បាលបែកហូរឈាមស្លាប់ភ្លាមៗ រីឯវិញម៉ូតូខ្ទាតហួសទៅមុខប្រមាណជាង៣០ម៉ែត្រស្លាប់ភ្លាមៗនៅកន្លែងកើតហេតុ។

ប្រភពពីមិត្តភ័ក្ដិស្រីដែលរួមការងារជាមួយជនរងគ្រោះបានឲ្យដឹងថា មុនពេលកេីតហេតុជនរងគ្រោះបានចេញពីធ្វើការក៏ទៅជួបជុំផឹកស៊ីជាមិត្តភ័ក្ដិបន្ទាប់ពីផឹកស៊ីរួចហើយក៏ជិះម៉ូតូត្រឡប់ទៅផ្ទះវិញទើបជួបគ្រោះថ្នាក់ចរាចរណ៍តែម្ដង។

បច្ចុប្បន្នសពជនរងគ្រោះត្រូវបាននគរបាលផ្នែកជំនាញចរាចរណ៍ធ្វើលិខិតប្រគល់ឲ្យក្រុមគ្រួសារដឹកយកទៅធ្វើបុណ្យតាមប្រពៃណីនៅឯស្រុកកំណើត។ ចំណែកម៉ូតូត្រូវបាននគរបាលជំនាញចរាចរណ៍យកទៅរក្សាទុកបណ្ដោះអាសន្ននៅចរាចរណ៍ផ្លូវគោកខណ្ឌពោធិ៍សែនជ័យ៕

អត្ថបទ៖ សុភា