Connect with us

ចរាចរណ៍

ជិះម៉ូតូវ៉ាជែងមិនប្រយ័ត្ន រអិលដួល ត្រូវរថយន្តដឹកប្រេងសាំង បុកកិន ស្លាប់ម្នាក់

បានផុស

នៅ

យុវជន​ម្នាក់ ត្រូវ​បាន​រថយន្ត​ដឹក​ប្រេងសាំង បុក និង​កិន ចំ​ពាក់​កណ្ដាល​ខ្លួន​ជាប់​ក្រោម​រថយន្ត ក្រោយ​ជិះ​ម៉ូតូ​មួយ​គ្រឿង ព្យាយាម​វ៉ា​ជែង រួច​ក៏​រអិលដួល ស្រប​នឹង​រថយន្ត​មក​ដល់​កិន​ស្លាប់​តែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍​ភ្ញាក់ផ្អើល​នេះ កាលពី​វេលា​ម៉ោង ១ និង ២០ នាទី​រសៀល ថ្ងៃ​ទី ១៨ ខែ​កញ្ញា ឆ្នាំ ២០២៤ លើ​កំណាត់​ផ្លូវ​បេតុង ព្រៃ​ស ភូមិ​ត្រពាំង​ស្វាយ សង្កាត់​ព្រៃវែង ខណ្ឌ​ដង្កោ រាជធានី​ភ្នំពេញ។

តាម​សាក្សី​ឃើញ​ហេតុការណ៍​ប្រាប់​ឲ្យ​ដឹង​ថា មុន​ពេល​កើតហេតុ គេ​ឃើញ​យុវជន​ខាងលើ ជិះ​ម៉ូតូ​មួយ​គ្រឿង ម៉ាក​ហុងដា​ឌ្រីម​សង់ សេ ១២៥ ពណ៌​ខ្មៅ ពាក់​ស្លាក​លេខ​តាកែវ 1M-3553 ក្នុង​ទិសដៅ​ពី​កើត​ទៅ​លិច បាន​វ៉ា​ជែង​គេឯង​ពេញ​ផ្លូវ លុះ​មកដល់​ចំណុច​កើតហេតុ ក៏​រអិល​ដួល​ទៅ​នឹង​បេតុង ស្រប​ពេល​នោះ មាន​រថយន្ត​ដឹក​ប្រេងសាំង​មួយ​គ្រឿង ម៉ាក​ហ៊ី​យ៉ាន់​ដាយ ពាក់​ស្លាក​លេខ ភ្នំពេញ 3G-1637 បើកបរ​ដោយ​បុរស​ម្នាក់ ទិសដៅ​ស្របគ្នា ជាមួយ​ម៉ូតូ ក៏​ជ្រុល​កិន​ចំ​ជនរងគ្រោះ​ពាក់​កណ្ដាល​ខ្លួន​ត្រឹម​ចង្កេះ​ជាប់​ក្រោម​កង់​រថយន្ត​ស្លាប់​តែម្ដង ភ្លាមៗ អ្នកបើកបរ ត្រូវ​បាន​ប្រជាពលរដ្ឋ​ឃាត់​ប្រគល់​ឲ្យ​សមត្ថកិច្ច​ផង​ដែរ។

ចំពោះ​សព​មិន​ទាន់​ស្គាល់​អត្តសញ្ញាណ​នៅឡើយ​ទេ មាន​វ័យ​ប្រមាណ​ជាង ២០ ឆ្នាំ ពាក់​អាវយឺត​ខ្មៅ​ដៃ​ខ្លី ខោ​ខោវប៊យ ពណ៌​ខៀវ ពាក់​មួក​សុវត្ថិភាព​ពណ៌​ស។

ក្រោយ​កើតហេតុ​សមត្ថកិច្ច​មូលដ្ឋាន​បាន​សហការ​ជាមួយ​សមត្ថកិច្ច​ជំនាញ​ចុះ​មក​វាស់វែង​អូស​យក​រថយន្ត​បង្ក និង​ម៉ូតូ ទៅ​រក្សាទុក​នៅ​ការិយាល័យ​ចរាចរណ៍​ផ្លូវគោក រង់ចាំ​ដោះស្រាយ​តាម​នីតិវិធី​ច្បាប់។ ចំណែក​សព ត្រូវ​បាន​សមត្ថកិច្ច​ស្រាវជ្រាវ​រក​សាច់ញាតិ​មក​ទទួល​យក​ទៅ​ធ្វើ​បុណ្យ​តាម​ប្រពៃណី៕

អត្ថបទ ៖ សំណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៦ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៩ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ១១ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១២ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម