ចរាចរណ៍

បើករថយន្តឆ្លងផ្លូវបំបែកខ្វះការប្រុងប្រយ័ត្ន ជ្រុលបុករថយន្តមួយគ្រឿង ក្រឡាប់ផ្ងារជើង នៅកោះពេជ្រ

បានផុស

៤ ខែ មុន

នៅ

ថ្ងៃសុក្រ ១៨ តុលា ២០២៤

ដោយ

ជនជាតិកូរ៉េម្នាក់ បើករថយន្តឆ្លងផ្លូវបំបែកជាបួន ខ្វះការប្រុងប្រយ័ត្ន ជ្រុលបុករថយន្តរបស់ជនជាតិចិនម្នាក់ ពេញទំហឹង បណ្ដាលឲ្យក្រឡាប់ផ្ងារជើង ផ្អើលសមត្ថកិច្ច និងប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះថ្នាក់ចរាចរណ៍នេះដែរបង្កការភ្ញាក់ផ្អើលកាលពីវេលាម៉ោង ១០ និង ៤០ នាទីព្រឹក ថ្ងៃទី ១៨ ខែតុលា ឆ្នាំ ២០២៤ ត្រង់ចំណុចផ្លូវបំបែកជាបួន ក្បែរគល់ស្ពានហង្ស ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

ប្រភពព័ត៌មានពីសន្តិសុខក្បែរគល់ស្ពានហង្ស បានប្រាប់ឲ្យដឹងថា គេឃើញមានបុរសជនជាតិកូរ៉េម្នាក់ បើករថយន្តមួយគ្រឿង ម៉ាក JAC ពណ៌ស ពាក់ស្លាកលេខ ភ្នំពេញ 2AO- 5201 ទិសដៅពីលិចទៅកើត តាមបណ្ដោយផ្លូវសុភមង្គល លុះមកដល់ចំណុចផ្លូវបំបែកជាបួន រថយន្តខាងលើបានឆ្លងផ្លូវដោយខ្វះការប្រុងប្រយ័ត្ន ក៏ជ្រុលបុករថយន្តមួយគ្រឿង ម៉ាក ALPHARD ពណ៌ខ្មៅ ពាក់ស្លាកលេខ ភ្នំពេញ 2AZ-0082 ចំទ្វារខាងស្ដាំពេញទំហឹង ដែលបើកដោយជនជាតិចិន ក្នុងទិសដៅពីជើងទៅត្បូង បណ្ដាលឲ្យរេចង្កូតបុកក្បាលនាគពុះចែកផ្លូវ វៀចចេញពីជួរ។ រីឯរថយន្តក្រឡាប់រងការខូចខាតស្ទើរទាំងស្រុង។

ក្រោយកើតហេតុ ដោយតំណាងភាគីទាំងសងខាងជជែកយកឈ្នះរៀងខ្លួន សមត្ថកិច្ចសម្រេចទាក់ទងទៅកាន់ជំនាញចរាចរណ៍ផ្លូវគោក ដើម្បីមកស្ទូចយករថយន្តទាំង ០២ គ្រឿង ទៅរក្សាទុក រង់ចាំដោះស្រាយពេលក្រោយ៕

អត្ថបទ ៖ រដ្ឋា