ចរាចរណ៍

បុរសម្នាក់ សង្ស័យស្រវឹង បើករថយន្តបុករះកន្លែងលក់នំបញ្ចុកស្រុះ ខូចខាតម៉ូតូជាច្រើនគ្រឿង

បានផុស

៥ ខែ មុន

នៅ

ថ្ងៃសៅរ៍ ១៩ តុលា ២០២៤

ដោយ

បុរសម្នាក់ សង្ស័យបើកបរក្នុងស្ថានភាពស្រវឹង បុករះកន្លែងលក់នំបញ្ចុកវៀតណាម បណ្ដាលឲ្យខូចខាតម៉ូតូជាច្រើនគ្រឿង សំណាងល្អគ្មានអ្នករងរបួស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើងកាលពីវេលាម៉ោង ២ និង ៥០ នាទី រំលងអធ្រាត្រ ឈានចូលថ្ងៃទី ១៩ ខែតុលា ឆ្នាំ ២០២៤ ស្ថិតតាមបណ្ដោយផ្លូវ ៣៦៩ មុខផ្សារច្បារអំពៅ សង្កាត់ច្បារអំពៅទី ២ ខណ្ឌច្បារអំពៅ រាជធានីភ្នំពេញ។

បើតាមប្រភពពីប្រជាពលរដ្ឋបានឲ្យដឹងថា មុនពេលកើតហេតុគេបានឃើញបុរសម្នាក់បើករថយន្ត ព្រូស ពាក់ផ្លាកលេខភ្នំពេញ 2BQ-0219 ក្នុងទិសដៅពីត្បូងមកជើង លុះមកដល់ចំណុចកើតហេតុរថយន្តខាងលើបានបុករះចូលកន្លែងលក់នំបញ្ចុកស្រុះ បណ្ដាលឲ្យរងការខូចខាតសម្ភារៈមួយចំនួននៅកន្លែងនោះ សំណាងល្អគ្មាននរណាម្នាក់រងរបួស ឬ បាត់បង់អាយុជីវិត។

ក្រោយកើតហេតុសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វើការវាស់វែងយករថយន្ត និងម៉ូតូ ទៅរក្សាទុក ដើម្បីរង់ចាំដោះស្រាយនៅពេលក្រោយ៕

អត្ថបទ ៖ ម៉េង