ចរាចរណ៍

សង្ស័យស្រវឹងបុរសម្នាក់បើករថយន្តបុករះចូលកន្លែងលក់គ្រឿងសមុទ្រ

បានផុស

៣ ខែ មុន

នៅ

ថ្ងៃសៅរ៍ ២ វិច្ឆិកា ២០២៤

ដោយ

បុរសម្នាក់វ័យប្រហែល៥០ឆ្នាំជាងបើករថយន្តមួយគ្រឿងក្នុងល្បឿនលឿនដល់ផ្លូវកោងបត់មិនទាន់បុករះចូលកន្លែងលក់គ្រឿងសមុទ្របណ្ដាលឲ្យខូចខាតរថយន្តមួយគ្រឿងទៀត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុហេតុការណ៍នេះបានកេីតឡេីងនៅវេលាម៉ោង១២យប់ រំលងអធ្រាត្រឈានចូលថ្ងៃទី០២ ខែវិច្ឆិកា ឆ្នាំ២០២៤ ស្ថិតតាមបណ្ដោយផ្លូវ២៧១ សង្កាត់អូរបែកក្អម ខណ្ឌសែនសុខ រាជធានីភ្នំពេញ។

បើតាមប្រភពពីកន្លែងកើតហេតុបានអោយដឹងថា មុនពេលកើតហេតុគេបានឃើញរថយន្តមួយគ្រឿងម៉ាក LAND CRUISER ពណ៌ក្រហម ពាក់ផ្លាកលេខ ភ្នំពេញ 2E-6941 បើកបរដោយបុរសម្នាក់វ័យប្រហែល៥០ឆ្នាំជាង ក្នុងទិសដៅពីជើងមកត្បូងក្នុងល្បឿនលឿនលុះមកដល់ចំណុចកើតហេតុផ្លូវកោង បួងចង្កូតមកទាន់បានជ្រុលទៅបុករថយន្ដ Fortuner ពណ៌ស ពាក់ផ្លាកលេខ ភ្នំពេញ 2BB-9956 ដែលចតចោលមុខផ្ទះរួចរថយន្តមិនទាន់អស់ល្បឿនក៏ជ្រុលបុកចូលហាងលក់គ្រឿងសមុទ្របន្ថែមបណ្ដាលឲ្យរងការខូចខាត។

បើតាមការបញ្ជាក់ពីម្ចាស់ហាងបានឲ្យដឹងថា បុរសដែលបើករថយន្តបុករះនេះ ពេលបង្កគ្រោះចរាចរណ៍រួចត្រូវបានបុគ្គលិក និងអ្នកធើ្វដំណើរជួយឃាត់ប្រគល់ជូនសមត្ថកិច្ច ដោយពេលចុះពីលើរថយន្តមានក្លិនស្រា។

ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃអធិការដ្ឋាននគរបាលខណ្ឌសែនសុខចុះមកធ្វើការវាស់វែងយករថយន្តទៅរក្សាទុករង់ចាំការដោះស្រាយនៅពេលក្រោយ៕

អត្ថបទ៖ ម៉េង