ចរាចរណ៍

យុវជនម្នាក់ ជិះម៉ូតូលឿនបុករថយន្តពីក្រោយ រងរបួសធ្ងន់ បញ្ជូនទៅមន្ទីរពេទ្យ

បានផុស

២ ខែ មុន

នៅ

ថ្ងៃអាទិត្យ ៣ វិច្ឆិកា ២០២៤

ដោយ

អ៊ិន ពិសី

យុវជនម្នាក់ បើកម៉ូតូលឿន ស្របពេលមេឃកំពុងរលឹម ជ្រុលទៅបុករថយន្តមួយគ្រឿង កំពុងឈប់ស្តុប បណ្ដាលឲ្យរងរបួសធ្ងន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ១២ និង ១០ នាទី រំលងអធ្រាត្រ ឈានចូលថ្ងៃទី ០៣ ខែវិច្ឆិកា ឆ្នាំ ២០២៤ ស្ថិតតាមបណ្ដោយផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ។

តាមប្រភពអ្នកឃើញហេតុការណ៍ប្រាប់ឲ្យដឹងថា មានយុវជនម្នាក់ ជិះម៉ូតូហុងដាឌ្រីម ពណ៌ខ្មៅ ពាក់ស្លាកលេខ កណ្ដាល 1AN-7492 ក្នុងល្បឿនលឿន ទិសដៅពីលិចទៅកើត លុះមកដល់ចំណុចកើតហេតុ ស្រាប់តែជ្រុលទៅបុកពីក្រោយរថយន្តមួយគ្រឿង ម៉ាក តូយូតា ALPHARD ពាក់ស្លាកលេខ កម្ពុជា XHPC.28 ដែលកំពុងឈប់ស្តុប បណ្ដាលឲ្យរងការខូចខាត។ ចំណែកម្ចាស់ម៉ូតូបោកខ្លួនជាមួយនឹងកញ្ចក់ក្រោយរថយន្ត រងរបួសធ្ងន់ បញ្ជូនទៅមន្ទីរពេទ្យ។

ក្រោយកើតហេតុសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែងយករថយន្ត និងម៉ូតូ ទៅរក្សាទុក រង់ចាំការដោះស្រាយនៅពេលក្រោយ៕

អត្ថបទ ៖ រដ្ឋា