រថយន្តកុងតឺន័របុក​រះនៅផ្លូវជាតិលេខ៣របួសធ្ងន់ស្រាល៥នាក់

រថយន្តកុងតឺន័រមួយគ្រឿងបេីកបរក្នុងល្បឿនលឿនគេចឧបសគ្គនៅខាងមុខជ្រុលទៅបុកបង្គោលភ្លេីងបំភ្លឺផ្លូវបាក់អស់មួយដេីម ហេីយឆ្លងទៅចំណែកផ្លូវម្ខាងទៀតបន្តបុករះម៉ូតូ និងម៉៉ូតូកង់បី សួនច្បារពុះចែកទ្រូងផ្លូវបណ្ដាលឲ្យមនុស្ស៥នាក់រងរបួសធ្ងន់។

ហេតុការណ៍នេះបង្កការភ្ញាក់ផ្អេីលកាលពីវេលាម៉ោង០៨និង២៥នាទីថ្ងៃ០៦ ខែវិច្ឆិកា​ ឆ្នាំ២០២៤ នៅតាមផ្លូវជាតិលេខ៣ ភូមិពងទឹក សង្កាត់ពងទឹក ខណ្ឌដង្កោ រាជធានីភ្នំពេញ។

ជនរងគ្រោះទី១​ មានឈ្មោះ​ ឃឹម ផុន ភេទស្រី​ អាយុ៧៥ឆ្នាំ​ មានទីលំនៅភូមិចង្កាដូង ឃុំ​ព្រៃវិហារ ស្រុក​គងពិសី​ ខេត្តកំពង់ស្ពឺ រងរបួសបាក់កដៃស្ដាំ រលត់ជើងខាងឆ្វេង។ ទី២​ ឈ្មោះ ងួន ចាន់ធឿន ភេទស្រី អាយុ​២៥ឆ្នាំ រស់នៅភូមិគ ឃុំចំណាលើ ស្រុកស្ទោង ខេត្តកំពង់ធំ រងរបួសបាក់ជើងឆ្វេង។ ចំណែក៣នាក់ទៀតរងរបួសស្រាលសុំទៅព្យាលបាលដោយខ្លួនឯង។

តាមប្រភពព័ត៌មានបានឱ្យដឹងថា​ មុនពេលកេីតហេតុគេបានឃេីញរថយន្តកុងតឺន័រ​មួយគ្រឿងធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីជេីងទៅត្បូងក្នុងល្បឿនលឿន ខណៈមកដល់ចំណុចកេីតហេតុក៏គេចពីយានយន្តនៅខាងមុខក៏បួងចង្កូតមកខាងឆ្វេងដៃជ្រុលបុកបង្គោលភ្លេីងមួយដេីមនៅលេីសួនច្បារពុះចែកទ្រូងផ្លូវឆ្លងទៅផ្លូវម្ខាងទៀតជ្រុលបុករៈម៉ូតូហុងដាមួយគ្រឿង និងកង់បីឥណ្ឌាមួយគ្រឿងទៀតដែលកំពុងបេីកបរក្នុងទិសដៅពីត្បូងមកជេីងបណ្តាលឱ្យរងរបួសធ្ងន់ស្រាលចំនួន៥នាក់​ ហេីយរថយន្តក៏បានបួងចង្កូតមកខាងស្តាំឡេីងសួនច្បារពុះចែកផ្លូវមកវិញជ្រុលដាំក្បាលធ្លាក់ផ្លូវចូលប្រឡាយទឹកតែម្តង។

ក្រោយកេីតហេតុជនរងគ្រោះដែលធ្ងន់ចំនួន២នាក់ត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០​ ជួយដឹកបញ្ជូនទៅព្យាបាលនៅមន្ទីរពេទ្យព្រះកុសុមះ​ ចំណែកជនរងគ្រោះ៣នាក់ទៀតរងរបួសស្រាលក៏សុំទៅព្យាបាលដោយខ្លួនឯង​ ដោយឡែកយានយន្តទាំងសងខាងត្រូវបានសមត្ថកិច្ចយកទៅរក្សាទុកនៅការិយាល័យនគរបាលចរាចរណ៍នៃស្នងការដ្ឋាននគរបាលរាជធានីភ្នំពេញដេីម្បីរង់ចាំដោះស្រាយពេលក្រោយ៕

អត្ថបទ៖ សុខា