ចរាចរណ៍

បុរសម្នាក់ ជិះម៉ូតូរ៉េចូលផ្លូវម្ខាង ត្រូវរថយន្តកុងតឺន័រកិនធ្លាយខួរស្លាប់

បានផុស

៣ ខែ មុន

នៅ

ថ្ងៃព្រហស្បតិ៍ ៧ វិច្ឆិកា ២០២៤

ដោយ

អ៊ិន ពិសី

បុរសម្នាក់ សង្ស័យជិះម៉ូតូទាំងងងុយដេក បានរ៉េចង្កូតចូលកុងតឺន័រ ត្រូវរថយន្តកិនធ្លាយខួរស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង ៣ និង ៣០ នាទី រំលងអធ្រាត្រ ឈានចូលថ្ងៃទី ៧ ខែវិច្ឆិកា ឆ្នាំ ២០២៤ នៅតាមបណ្ដោយផ្លូវជាតិលេខ ៤ សង្កាត់កន្ទោក ខណ្ឌកំបូល រាជធានីភ្នំពេញ។

ជនរងគ្រោះជិះម៉ូតូម៉ាកឌ្រីមសង់ស៊េរី ២០១៩ ពណ៌ខ្មៅ ពាក់ស្លាកលេខ ត្បូងឃ្មុំ 1G-4746 បើកបរតាមបណ្ដោយផ្លូវជាតិលេខ ៤ ក្នុងទិសដៅពីកើតទៅលិច។ ចំណែករថយន្តកុងតឺន័រ ម៉ាក FUSO ពណ៌ស ពាក់ស្លាកលេខភ្នំពេញ 3D-1712 បើកបរតាមបណ្ដោយផ្លូវជាតិលេខ ៤ ក្នុងទិសដៅពីលិចទៅកើត។

តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញជនរងគ្រោះជិះម៉ូតូទិសដៅពីកើតទៅលិចក្នុងល្បឿនមធ្យម លុះមកដល់ចំណុចកើតហេតុស្រាប់តែរេចង្កូតទៅផ្នែកខាងឆ្វេងបុកជាមួយរថយន្តកុងតឺន័រចំហៀងខាងឆ្វេង បណ្ដាលឲ្យកិនជនរងគ្រោះធ្លាយខួរស្លាប់ភ្លាមៗ នៅកន្លែងកើតហេតុ។ ភ្លាមៗ នោះ អ្នកបើកបររថយន្តកុងតឺន័រ បានចុះពីលើរថយន្តគេចខ្លួនបាត់ស្រមោល។

ក្រោយកើតហេតុ ជំនាញចរាចរណ៍រាជធានីភ្នំពេញ ធ្វើការវាស់វែងយករថយន្ត ព្រមទាំងម៉ូតូជនរងគ្រោះទៅរក្សាទុក ដើម្បីរង់ចាំការដោះស្រាយ។ ចំណែកសព រង់ចាំសាច់ញាតិ និងប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ ៖ សំណាង