ចរាចរណ៍

បុរសម្នាក់ បើកម៉ូតូលឿនដូចហោះ ជ្រុលបុករថយន្តកុងតឺន័រពីក្រោយ រងរបួសធ្ងន់

បានផុស

៣៤ វិនាទី មុន

នៅ

ថ្ងៃចន្ទ ១១ វិច្ឆិកា ២០២៤

ដោយ

អ៊ិន ពិសី

បុរសម្នាក់ ជិះម៉ូតូក្នុងល្បឿនលឿនដូចហោះជ្រុលទៅបុករថយន្តកុងតឺន័រពីក្រោយ បណ្តាលឲ្យរងរបួសធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រោះថ្នាក់ចរាចរណ៍ដ៏រន្ធត់នេះដែរបានកើតឡើងកាលពីវេលាម៉ោង ១០ និង ៤០ នាទីយប់ ថ្ងៃទី ០៩ ខែវិច្ឆិកា ឆ្នាំ ២០២៤ ស្ថិតតាមបណ្ដោយផ្លូវម៉ៅសេទុង កែង ២០៥ ក្នុងសង្កាត់ទួលស្វាយទី ០២ ខណ្ឌបឹងកេងកង រាជធានីភ្នំពេញ។

តាមប្រភពព័ត៌មានពីប្រជាពលរដ្ឋបានប្រាប់ឲ្យដឹងថា មុនកើតហេតុគេឃើញបុរសម្នាក់ ជិះម៉ូតូ ហុងដាឌ្រីម ឆ្នាំ ២០២២ ពណ៌ខ្មៅ ពាក់ស្លាកលេខ តាកែវ 1Z-2389 ក្នុងល្បឿនលឿន តាមបណ្ដោយផ្លូវម៉ៅសេទុង ទិសដៅពីកើតមកលិចជ្រុលទៅបុករថយន្តកុងតឺន័រ ពាក់ស្លាកលេខ ភ្នំពេញ 3G-5808 ទិសដៅស្របគ្នាពីក្រោយ បណ្ដាលឲ្យអ្នកជិះម៉ូតូរងរបួសធ្ងន់ធ្ងរ។ ចំណែកឯរថយន្តរងការខូចខាតផ្នែកខាងក្រោយ។ ខណៈពេលរថយន្តសង្គ្រោះមកដល់ពេទ្យបញ្ជាក់បឋមថា ជនរងគ្រោះមានសង្ឃឹមតិច ព្រោះថាសភាពជនរងគ្រោះគឺ បាក់ដៃ បាក់ជើង ចំណែកឯក្បាលជនរងគ្រោះក៏បែកធំ ថែមទៀត។

ក្រោយកើតហេតុសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វើការវាស់វែងយករថយន្ត និងម៉ូតូ ទៅរក្សាទុក ដើម្បីរង់ចាំដោះស្រាយនៅពេលក្រោយ៕

អត្ថបទ ៖ ម៉េង