ចរាចរណ៍

បុរសម្នាក់ ស្រវឹងជោក បើករថយន្តបុកម៉ូតូពីក្រោយ ស្លាប់មនុស្សម្នាក់យ៉ាងអាណោចអាធ័ម

បានផុស

១ ខែ មុន

នៅ

ថ្ងៃចន្ទ ១១ វិច្ឆិកា ២០២៤

ដោយ

អ៊ិន ពិសី

បុរសម្នាក់ ស្រវឹងជោក បើករថយន្តលឿនជ្រុលបុកម៉ូតូមួយគ្រឿងពីក្រោយ បណ្ដាលឲ្យម្ចាស់ម៉ូតូ បោកក្បាលនឹងថ្នល់ស្លាប់យ៉ាងរន្ធត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ដ៏រន្ធត់នេះកើតឡើងកាលពីវេលាម៉ោង ០៤ និង ៤០ នាទី ទៀបភ្លឺ ឈានចូលថ្ងៃទី ១១ ខែវិច្ឆិកា ឆ្នាំ ២០២៤ ស្ថិតនៅមុខច្រកចេញវិមានរដ្ឋសភាជាតិ ផ្លូវរដ្ឋសភាជាតិ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

តាមប្រភពព័ត៌មានពីប្រជាពលរដ្ឋនៅក្បែរកន្លែងកើតហេតុ បានប្រាប់ឲ្យដឹងថា គេឃើញបុរសម្នាក់ បើករថយន្តមួយគ្រឿង ម៉ាក តូយូតា ព្រុស ពណ៌ស ពាក់ស្លាកលេខ ភ្នំពេញ 2BG-0883 ទើបតែបើកចេញពីហាងផឹកស៊ីមួយកន្លែង ក្នុងល្បឿនយ៉ាងលឿន ខណៈមកដល់ចំណុចកើតហេតុ រថយន្តបានទៅបុកម៉ូតូមួយគ្រឿង ម៉ាក ស្កុបពី ពណ៌ក្រហម ពាក់ស្លាកលេខ ភ្នំពេញ 1BV-1140 ពីក្រោយ បណ្ដាលឲ្យប៉ើងម្ចាស់ម៉ូតូ បោកក្បាលស្លាប់ភ្លាមៗ នៅកន្លែងកើតហេតុតែម្ដង។ ភ្លាមៗ ជនបង្កបានព្យាយាមបើករត់ទាំងស្ថានភាពម៉ូតូនៅជាប់ពីមុខរថយន្តអូសជាង ២០០ ម៉ែត្រ ទើបត្រូវប្រជាពលរដ្ឋ អ្នករត់កង់បី និងអ្នករត់តាក់ស៊ី នាំគ្នាជួយឃាត់បាន រង់ចាំប្រគល់ឲ្យសមត្ថកិច្ច។

ក្រោយកើតហេតុ សមត្ថកិច្ចមូលដ្ឋាន បានទាក់ទងទៅកាន់មន្ត្រីជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីមកវាស់វែងយករថយន្ត រួមនឹងម៉ូតូ ទៅរក្សាទុក រង់ចាំដោះស្រាយ។ ចំណែកសពជនរងគ្រោះ(មិនទាន់ស្គាល់អត្តសញ្ញាណ) កំពុងស្រាវជ្រាវរកសាច់ញាតិ ដើម្បីមកទទួលយកទៅធ្វើបុណ្យតាមប្រពៃណី៕

អត្ថបទ ៖ រដ្ឋា