ចរាចរណ៍

រថយន្តស្ទូចធុនធំ ១ គ្រឿង បើកបុករបាំងថ្មពុះចែកទ្រូងផ្លូវ រងការខូចខាតអស់ ៤ ផ្ទាំង

បានផុស

២ ខែ មុន

នៅ

ថ្ងៃពុធ ២៧ វិច្ឆិកា ២០២៤

ដោយ

រថយន្តស្ទូចធុនធំ ១ គ្រឿង កំពុងតែបើកបរសុខៗ ស្រាប់តែគាំងចង្កូតរថយន្តរ៉េមកខាងឆ្វេងបុករបាំងថ្មពុះចែកទ្រូងផ្លូវ រងការខូចខាតអស់ចំនួន ៤ ផ្ទាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ៥ ទៀបភ្លឺ ឈានចូលថ្ងៃទី ២៧ ខែវិច្ឆិកា ឆ្នាំ ២០២៤ នៅចំណុចក្រោមស្ពានអាកាស ៧ មករា ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។

តាមប្រភពព័ត៌មានពីប្រជាពលរដ្ឋនៅកន្លែងកើតហេតុបាននិយាយប្រាប់ថា នៅមុនពេលកើតហេតុគេឃើញរថយន្តស្ទូចធុនធំ ១ គ្រឿង ពាក់ស្លាកលេខ ភ្នំពេញ 5A-0080 បើកតាមបណ្ដោយផ្លូវ ៥៩៨ ទិសដៅពីជើងទៅត្បូងក្នុងល្បឿនយ៉ាងលឿន ហើយក៏បានរ៉េចង្កូតទៅផ្នែកខាងឆ្វេង បណ្ដាលឲ្យបុករបាំងថ្មពុះចែកទ្រូងផ្លូវ រងការខូចខាតអស់ចំនួន ៤ ផ្ទាំង ក្នុងនោះដួលរលំអស់ចំនួន ២ ផ្ទាំង ខូចទ្រង់ទ្រាយចំនួន ២ ផ្ទាំង សរុបទាំងអស់ចំនួន ៤ ផ្ទាំង ហើយរថយន្តបង្កខាងលើដាច់កាឡេបើកទៅមុខមិនរួចនៅគាំងនៅកន្លែងកើតហេតុផងដែរ។

បើតាមប្រភពព័ត៌មានពីអ្នកបើកបរបាននិយាយប្រាប់ថា រថយន្តគាត់គាំងចង្កូត ហើយបានរ៉េចង្កូតទៅបុករបាំងថ្មពុះចែកទ្រូងផ្លូវរងការខូចខាតតែម្ដង។

ក្រោយកើតហេតុកម្លាំងសមត្ថកិច្ចនគរបាលប៉ុស្តិ៍សង្កាត់ទឹកថ្លា បានទាក់ទងទៅសមត្ថកិច្ចជំនាញ នៃការិយាល័យចរាចរណ៍ផ្លូវគោករាជធានីភ្នំពេញ ដើម្បីយករថយន្តបង្កខាងលើទៅរក្សាទុក រង់ចាំការដោះស្រាយពេលក្រោយ៕

អត្ថបទ ៖ សំណាង