ចរាចរណ៍

រថយន្ត ០២ គ្រឿង បុកគ្នា នៅផ្លូវបំបែកជាបួន រេចង្កូតបុកបង្កាន់ដៃដែកផ្ទះពលរដ្ឋរងការខូចខាត

បានផុស

៣ ខែ មុន

នៅ

ថ្ងៃអង្គារ ៣ ធ្នូ ២០២៤

ដោយ

បុរសជនជាតិចិនបើករថយន្តម៉ាក camry hybrid ជ្រុលទៅបុកនឹងរថយន្តម៉ាក toyota prius ដែលបើកដោយបុរសខ្មែរ នៅផ្លូវបំបែកជាបួន បណ្ដាលឲ្យរថយន្តទាំង ២ គ្រឿង រេចង្កូតបុកបង្កាន់ដៃដែករបងផ្ទះប្រជាពលរដ្ឋរងការខូចខាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ០១ រំលងអធ្រាត្រ ឈានចូលថ្ងៃទី ០៣ ខែធ្នូ ឆ្នាំ ២០២៤ ចំណុចផ្លូវ ១៩៤ កែងផ្លូវ ៣៧៤ សង្កាត់ទួលស្វាយព្រៃទី ០១ ខណ្ឌបឹងកេងកង រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញប្ដីប្រពន្ធ ០២ នាក់ ដោយបុរសជាប្តីជាអ្នកបើករថយន្តម៉ាក toyota prius ពណ៌ទឹកប្រាក់ ពាក់ស្លាកលេខ ភ្នំពេញ 2BT 8224 បើកធ្វើដំណើរតាមបណ្ដោយផ្លូវ ១៩៣ ទិសដៅពីកើតទៅលិច លុះមកដល់ចំណុចកើតហេតុដែលជាផ្លូវបំបែកជាបួន ស្រាប់តែបុរសជនជាតិចិនម្នាក់ បានបើករថយន្តម៉ាក camry hybrid ពណ៌ស ពាក់ស្លាកលេខ ភ្នំពេញ 2W8109 ធ្វើដំណើរតាមបណ្ដោយផ្លូវ ៣៧៤ ទិសដៅត្បូងទៅជើងក្នុងល្បឿនលឿន ក៏ជ្រុលបុករថយន្ត toyota prius ចំថ្ពាល់មុខចំហៀងខាងឆ្វេងយ៉ាងពេញទំហឹង បណ្ដាលឲ្យរថយន្តទាំង ២ គ្រឿង រេចង្កូតបុកផ្ទប់បង្កាន់ដៃដែករបងផ្ទះប្រជាពលរដ្ឋតិចតួច និងធ្វើឲ្យរថយន្ត toyota prius រងការខូចខាតកំពិតទ្វារមុខចំហៀងខាងឆ្វេង និងវៀចកង់ ព្រមទាំងធ្វើឲ្យមនុស្សរបួសតិចតួច។ ដោយឡែកខាងរថយន្ត camry hybrid រងការខូចខាតខ្ទេចផ្នែកខាងមុខ តែមិនមានគ្រោះថ្នាក់ដល់មនុស្សនោះទេ។

ក្រោយកើតហេតុក៏មានតំណាងភាគីទាំងសងខាងបានសម្របសម្រួលគ្នា ដោយខាងរថយន្ត camry hybrid សុខចិត្តចេញថ្លៃការជួសជុលទៅខាងរថយន្ត ក៏ដូចជាម្ចាស់ផ្ទះ ដើម្បីបញ្ចប់រឿង៕

អត្ថបទ ៖ សុខា