ចរាចរណ៍

បុរសម្នាក់ បើកកង់បីឥណ្ឌាបុករថយន្ត Range Rover រងរបួសធ្ងន់

បានផុស

១៨ វិនាទី មុន

នៅ

ថ្ងៃអង្គារ ៣ ធ្នូ ២០២៤

ដោយ

បុរសម្នាក់ បើកកង់បីឥណ្ឌា មកបុករថយន្តស៊េរីទំនើប ម៉ាក Range Rover ពេញទំហឹង បណ្ដាលឲ្យរងរបួសធ្ងន់ ចំណែករថយន្តព្យាយាមបើកគេចពីកន្លែងកើតហេតុត្រូវប្រជាពលរដ្ឋដេញឃាត់បាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងនៅវេលាម៉ោង ២ និង ២០ នាទី រំលងអធ្រាត្រ ថ្ងៃទី ០៣ ខែធ្នូ ឆ្នាំ ២០២៤ ស្ថិតតាមបណ្ដោយផ្លូវ ១៨៣ កែង ៤៣០ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។

បើតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់បើកកង់បីឥណ្ឌា ពាក់ផ្លាកលេខភ្នំពេញ 1IG-7692 តាមបណ្ដោយផ្លូវ ៤៣០ ទិសដៅពីត្បូងទៅជើង ខណៈមកដល់ចំណុចកើតហេតុ ជ្រុលទៅបុករថយន្ត Range Rover ពាក់ផ្លាកលេខភ្នំពេញ 2AK-5886 ធ្វើដំណើរតាមបណ្ដោយផ្លូវ ១៨៣ ទិសដៅពីលិចទៅកើត បណ្ដាលឲ្យអ្នកជិះកង់បីរងរបួសធ្ងន់បញ្ជូនទៅកាន់មន្ទីរពេទ្យ។ ភ្លាមៗ នោះ អ្នកបើករថយន្តបែរជាព្យាយាមបើករថយន្តគេចពីកន្លែងកើតហេតុ ត្រូវប្រជាពលរដ្ឋដេញតាមឃាត់ប្រគល់ជូនសមត្ថកិច្ច។

ក្រោយកើតហេតុសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វើការវាស់វែងយករថយន្ត និងម៉ូតូកង់បីឥណ្ឌាទៅរក្សាទុក ដើម្បីរង់ចាំដោះស្រាយនៅពេលក្រោយ៕

អត្ថបទ ៖ ម៉េង