ចរាចរណ៍

យុវជន ០២ នាក់ ជិះម៉ូតូឌុបគ្នាក្នុងល្បឿនលឿន ដល់ផ្លូវបំបែកជាបួន ជ្រុលបុករថយន្ត រងរបួសបញ្ជូនទៅមន្ទីរពេទ្យ

បានផុស

២ ខែ មុន

នៅ

ថ្ងៃពុធ ៤ ធ្នូ ២០២៤

ដោយ

យុវជន ០២ នាក់ ជិះម៉ូតូដឹកគ្នាក្នុងល្បឿនលឿន លុះដល់ផ្លូវបំបែកជាបួនមិនបង្អង់ ក៏ជ្រុលទៅបុកពេញទំហឹងជាមួយនឹងរថយន្តស៊េរីទំនើប ០១ គ្រឿង បណ្ដាលឲ្យរងរបួសធ្ងន់-ស្រាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ១ និង ១០ នាទី រំលងអធ្រាត្រ ឈានចូលថ្ងៃទី ០៤ ខែធ្នូ ឆ្នាំ ២០២៤ ស្ថិតតាមបណ្ដោយផ្លូវ ៥១ កែងផ្លូវ ២៩៤ សង្កាត់បឹងកេងកងទី ០១ ខណ្ឌបឹងកេងកង រាជធានីភ្នំពេញ។

បើតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេបានឃើញយុវជន ០២ នាក់ ជិះម៉ូតូ HONDA SCOOPY ពាក់ផ្លាកលេខ ភ្នំពេញ 1JC-8458 ជិះឌុបគ្នាក្នុងល្បឿនលឿន ខណៈមកដល់ផ្លូវបំបែកជាបួន មិនបង្អង់ ក៏ជ្រុលបុកជាមួយរថយន្ត BMW ពាក់ផ្លាកលេខ ភ្នំពេញ 2AG-5363 បណ្ដាលឲ្យរងការខូចខាតរថយន្តមួយចំហៀង និងរងរបួសធ្ងន់-ស្រាល ទាំងពីរនាក់ បញ្ជូនទៅកាន់មន្ទីរពេទ្យ។

ក្រោយកើតហេតុសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែងយករថយន្ត និងម៉ូតូ ទៅរក្សាទុក រង់ចាំការដោះស្រាយនៅពេលក្រោយ៕

អត្ថបទ ៖ ម៉េង