ចរាចរណ៍

យុវជនម្នាក់ ត្រូវរថយន្តក្រឡុកស៊ីម៉ងត៍បុកពីក្រោយ រួចកិនស្លាប់

បានផុស

២ ខែ មុន

នៅ

ថ្ងៃអង្គារ ១០ ធ្នូ ២០២៤

ដោយ

អ៊ិន ពិសី

យុវជនម្នាក់ ជិះម៉ូតូក្រោមស្ពានសុខៗ ត្រូវរថយន្តក្រឡុកស៊ីម៉ងត៍បុកពីក្រោយ រួចកិន ស្លាប់យ៉ាងអាណោចអាធ័ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ១១ និង ៤៥ នាទីយប់ ថ្ងៃទី ០៩ ខែធ្នូ ឆ្នាំ ២០២៤ នៅចំណុចក្រោមស្ពានអាកាសព្រះមុនីវង្ស សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

យោងតាមប្រភពព័ត៌មានពីប្រជាពលរដ្ឋបានប្រាប់ឲ្យដឹងថា មុនពេលកើតហេតុគេឃើញមានបុរសម្នាក់បើករថយន្តក្រឡុកស៊ីម៉ងត៍ SCG ពាក់ស្លាកលេខភ្នំពេញ 5A-0995 ក្នុងល្បឿនលឿន ទិសដៅពីជើងទៅត្បូង បើកតាមក្រោមស្ពាន ខណៈមកដល់ចំណុចកើតហេតុ ស្រាប់តែបុកម៉ូតូ Honda Beats ០១ គ្រឿង គ្មានស្លាកលេខ កំពុងធ្វើដំណើរតាមក្រោមស្ពានពីក្រោយ ហើយកិន បណ្ដាលឲ្យយុវជនម្នាក់ស្លាប់ភ្លាមៗ។ ចំណែកអ្នកបើករថយន្តបង្ក បានចុះពីលើរថយន្តគេចខ្លួនបាត់ស្រមោល។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ធ្វើការវាស់វែងយកម៉ូតូ និងរថយន្តរក្សាទុក រួចប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ ៖ រដ្ឋា