ចរាចរណ៍

រថយន្ត ២ គ្រឿង បើកបុករបាំងថ្មចែកទ្រូងផ្លូវចំនួន ២ កន្លែងផ្សេងគ្នា ក្នុងមូលដ្ឋានខណ្ឌទួលគោក

បានផុស

២ ខែ មុន

នៅ

ថ្ងៃព្រហស្បតិ៍ ១២ ធ្នូ ២០២៤

ដោយ

នៅខណ្ឌទួលគោក មានករណីគ្រោះថ្នាក់ចរាចរណ៍រថយន្ត ២ គ្រឿង បើកលឿន បុករបាំងថ្មចែកទ្រូងផ្លូវចំនួន ២ កន្លែងផ្សេងគ្នា បណ្ដាលឲ្យខូចខាតរថយន្ត និងរបាំងថ្មចែកទ្រូងផ្លូវយ៉ាងដំណំ សំណាងល្អមិនមាននរណាម្នាក់បាត់បង់អាយុជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍គ្រោះថ្នាក់ចរាចរណ៍ទី១.កើតឡើងកាលពីវេលាម៉ោង ១០ និង ១០ នាទី យប់ ថ្ងៃទី ១១ ខែធ្នូ ឆ្នាំ ២០២៤ ស្ថិតតាមបណ្ដោយផ្លូវ ២៨៩ កែងផ្លូវ ៥២៨ សង្កាត់បឹងកក់ទី ១ ខណ្ឌទួលគោក រាជធានីភ្នំពេញ ដោយបុរសម្នាក់បើករថយន្តម៉ាក CAMRY ពណ៌ស ពាក់ផ្លាកលេខ ភ្នំពេញ 2BH-6422 ១ គ្រឿង ក្នុងល្បឿនលឿន ទិសដៅពីត្បូងមកជើង ខណៈមកដល់ចំណុចកើតហេតុ ស្រាប់តែរ៉េចង្កូតបុករបាំងថ្មពុះចែកទ្រូងផ្លូវបណ្ដាលឲ្យខ្ទាតចេញពីជួរចំនួន ២ ផ្ទាំង។

ហេតុការណ៍គ្រោះថ្នាក់ចរាចរណ៍ទី២.កើតឡើងកាលពីវេលាម៉ោង ១២ និង ១០ នាទី រំលងអធ្រាត្រ ឈានចូលថ្ងៃទី ១២ ខែធ្នូ ឆ្នាំ ២០២៤ ស្ថិតតាមបណ្ដោយផ្លូវ ៣៥៥ កែងផ្លូវ ៥១៦ សង្កាត់បឹងកក់ទី ១ ខណ្ឌទួលគោក រាជធានីភ្នំពេញ។

បើតាមប្រភពពីកន្លែងកើតហេតុបានឲ្យដឹងថា គេបានឃើញបុរសម្នាក់បើករថយន្ត ១ គ្រឿង ម៉ាក NISSAN FRONTIER ពណ៌ស ពាក់ផ្លាកលេខ ភ្នំពេញ 2AG-4200 ទិសដៅពីជើងមកត្បូងក្នុងល្បឿនលឿន ខណៈមកដល់ចំណុចកើតហេតុបានរ៉េចង្កូតបុករបាំងថ្មពុះចែកផ្លូវបណ្ដាលឲ្យខ្ទាតចេញពីជួរចំនួន ១ ផ្ទាំង។ ចំណែករថយន្តរងការខូចខាតផ្នែកចំហៀងខាងឆ្វេង សំណាងល្អអ្នកបើកបររថយន្តមិនរងរបួសនោះទេ។