ចរាចរណ៍

រថយន្ត ១ គ្រឿង បើកសុខៗ ស្រាប់តែឆ្លងចរន្តឆេះយ៉ាងសន្ធោសន្ធៅ

បានផុស

៣ ខែ មុន

នៅ

ថ្ងៃសុក្រ ២០ ធ្នូ ២០២៤

ដោយ

រថយន្ត ១ គ្រឿង ធ្វើដំណើរតាមផ្លូវសុខៗ ស្រាប់តែឆ្លងចរន្តឆេះយ៉ាងសន្ធោសន្ធៅ ផ្អើលប្រជាពលរដ្ឋជិតខាងនាំគ្នាទាញបំពង់ពន្លត់អគ្គិភ័យបាញ់ទប់ស្កាត់ រួចទាក់ទងទៅរថយន្តពន្លត់អគ្គិភ័យមកជួយអន្តរាគមន៍បាញ់ពន្លត់ភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះដែរបានកើតឡើងកាលពីវេលាម៉ោង ៦ និង ៤០ នាទី យប់ ថ្ងៃទី ១៩ ខែធ្នូ ឆ្នាំ ២០២៤ ស្ថិតនៅលើផ្លូវបេតុង ភូមិចំការឪឡឹក ២ សង្កាត់កាកាបទី ២ ខណ្ឌពោធិ៍សែនជ័យ រាជធានីភ្នំពេញ។

បើតាមការបញ្ជាក់ពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញបុរសម្នាក់ បានបើករថយន្ត ១ គ្រឿង ពណ៌ខ្មៅ ពាក់ស្លាកលេខរដ្ឋ 09 2-0042 ធ្វើដំណើរតាមបណ្ដោយផ្លូវបេតុងទិសដៅពីជើងមកត្បូង ខណៈមកដល់ចំណុចខាងលើ ស្រាប់តែឆ្លងចរន្តបណ្តាលឲ្យឆេះផ្នែកខាងមុខ នៃរថយន្ត យ៉ាងសន្ធោសន្ធៅ។ ភ្លាមនោះដែរ តៃកុងរថយន្ត ក៏បានបើកទ្វារយកកូនតូច ២ នាក់ រត់ចេញមកក្រៅ ស្រែកឲ្យអ្នកជិតខាងជួយ ដោយខ្លះទាញធុងទឹកមកជួយពន្លត់ ខ្លះទៀតទាញបំពង់ពន្លត់អគ្គិភ័យចេញពីផ្ទះរៀងខ្លួនមកជួយបាញ់ពន្លត់ តែភ្លើងឆេះខ្លាំងពេក មិនអាចទប់ស្កាត់អណ្តាតភ្លើងបាន ក៏នាំគ្នាទាក់ទងទៅសមត្ថកិច្ចសុំរថយន្តពន្លត់អគ្គិភ័យមកជួយអន្តរាគមន៍បាញ់ពន្លត់ជាបន្ទាន់។

ក្រោយពេលកើតហេតុបន្ទាប់ពីខាងរថយន្តបង្ការពន្លត់អគ្គិភ័យមកបាញ់ចំនួន ១ រថយន្ត ភ្លើងក៏រលត់អស់ទាំងស្រុង ខាងសមត្ថកិច្ចបានឲ្យម្ចាស់ស្ទូចអូសរថយន្តយកទៅជួសជុលខ្លួនឯង៕

អត្ថបទ ៖ សំណាង