ចរាចរណ៍

ស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់

បានផុស

៤ សប្តាហ៍ មុន

នៅ

ថ្ងៃសៅរ៍ ២១ ធ្នូ ២០២៤

ដោយ

អ៊ិន ពិសី

ស្ត្រីម្នាក់ ជិះម៉ូតូលឿន ឡើងវ៉ារថយន្តមិនទាន់ផុត ជ្រុលទៅទាក់ដៃចង្កូតជាមួយកង់ ដួលបោកក្បាលស្លាប់ ផ្អើលទាំងព្រឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះដែរបង្កការភ្ញាក់ផ្អើលកាលពីវេលាម៉ោង ០៦ និង ៣៥ នាទី ព្រឹក ថ្ងៃទី ២១ ខែធ្នូ ឆ្នាំ ២០២៤ នេះ ក្នុងទីក្រុងកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ។ សពមានឈ្មោះ ឆន សុខលី ភេទស្រី ជនជាតិខ្មែរ មុខរបរបុគ្គលិកធ្វើការនៅក្រុមហ៊ុន យី ដា មីនូហ្វេកធឺរើ ខូ អិលធីឌី។

ប្រភពព័ត៌មានពីអ្នកធ្វើដំណើរបានប្រាប់ឲ្យដឹងថា មុនពេលកើតហេតុ គេឃើញស្ត្រីម្នាក់ ជិះម៉ូតូ ១ គ្រឿង ម៉ាកហុងដាឌ្រីម ស៊េរី ២០១៨ ពណ៌ខ្មៅ ពាក់ស្លាកលេខ កណ្តាល 1AA-4555 ជិះក្នុងល្បឿនលឿន ទិសដៅពីលិចទៅកើត គោលដៅចេញពីធ្វើការត្រឡប់ទៅផ្ទះនៅឯសង្កាត់ក្បាលកោះ។ ខណៈជិះមកដល់ចំណុចកើតហេតុ ស្ត្រីខាងលើ បានបន្ថែមល្បឿនឡើងវ៉ារថយន្ត ១ គ្រឿង មិនស្គាល់ម៉ាក ក៏វាក់អើជាមួយបុរសម្នាក់ជាអ្នកជិះកង់ហាត់ប្រាណដែលជិះលើផ្លូវក្នុងទិសដៅស្របគ្នា បណ្តាលឲ្យទាក់ដៃចង្កូតជាមួយកង់ ដួលបោកក្បាលស្លាប់ភ្លាមៗ។ ចំណែកឯបុរសជាអ្នកជិះកង់ហាត់ប្រាណ គ្រាន់តែរបួសរលាត់ដៃជើងតែប៉ុណ្ណោះ។

ក្រោយកើតហេតុ សមត្ថកិច្ចមូលដ្ឋាន បានចុះមកដល់ទីតាំងគ្រោះថ្នាក់ រួចធ្វើការវាស់វែងយកម៉ូតូ និងកង់ ទៅរក្សាទុកនៅអធិការខណ្ឌច្បារអំពៅ រង់ចាំដោះស្រាយពេលក្រោយ។ ចំណែកសពស្ត្រីរងគ្រោះ បានប្រគល់ជូនសាច់ញាតិយកទៅធ្វើបុណ្យតាមប្រពៃណីនៅផ្ទះរបស់ខ្លួនក្នុងសង្កាត់ក្បាលកោះ៕

អត្ថបទ ៖ រដ្ឋា