ចរាចរណ៍

តាក់ស៊ី ១ គ្រឿង បុករបាំងថ្មចែកទ្រូងផ្លូវ ក្រឡាប់ឆេះមនុស្ស ២ នាក់ ស្លាប់ក្នុងរថយន្ត អ្នកបើកបររបួសធ្ងន់

បានផុស

៣ ខែ មុន

នៅ

ថ្ងៃសៅរ៍ ៤ មករា ២០២៥

ដោយ

រថយន្តតាក់ស៊ី ១ គ្រឿង សង្ស័យអ្នកបើកបរងងុយដេក បានរេចង្កូតបុករបាំងថ្មចែកទ្រូងផ្លូវក្រឡាប់ជាច្រើនជុំ បណ្ដាលឲ្យឆេះយ៉ាងសន្ធោសន្ធៅ និងមានមនុស្សប្រុស-ស្រី ២ នាក់ ឆេះស្លាប់ក្នុងរថយន្ត ។ ចំណែកឯអ្នកបើកបររងរបួសធ្ងន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ៣ និង ១២ នាទី ទៀបភ្លឺ ឈានចូលថ្ងៃទី ៤ ខែមករា ឆ្នាំ ២០២៥ នេះ ស្ថិតនៅលើផ្លូវជាតិលេខ ២១A ក្រុងតាខ្មៅ ខេត្តកណ្ដាល។

បើតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្ត ១ គ្រឿង ម៉ាកតូយ៉ូតាព្រូស ពណ៌ខៀវ ពាក់ស្លាកលេខ ភ្នំពេញ 2BD-1735 និងមានមនុស្សប្រុស-ស្រី ២ នាក់ទៀតរួមដំណើរជាមួយ បើកបរទិសដៅពីជើងទៅត្បូងក្នុងល្បឿនលឿន ខណៈមកដល់ចំណុចកើតហេតុរថយន្តសង្ស័យរេចង្កូតបុករបាំងថ្មចែកទ្រូងផ្លូវបណ្ដាលឲ្យក្រឡាប់ជាច្រើនជុំ បង្កជាអគ្គិភ័យឆាបឆេះយ៉ាងសន្ធោសន្ធៅ។ ភ្លាមៗ អ្នកដំណើរឆ្លងកាត់បានព្យាយាមយកទឹកជះ និងយកមែកឈើមកវាយពន្លត់ភ្លើង តែមិនរលត់ ឆេះខូចខាតរថយន្តទាំងស្រុង និងមានមនុស្សប្រុស-ស្រី ២ នាក់ ឆេះស្លាប់ក្នុងរថយន្ត ចំណែកអ្នកបើកបររងរបួសធ្ងន់។

ក្រោយពេលកើតហេតុ សមត្ថកិច្ចជំនាញ នៃអធិការក្រុងតាខ្មៅ បានចុះទៅដល់ធ្វើការវាស់វែង និងរកអត្តសញ្ញាណជនរងគ្រោះ ស្វែងរកក្រុមគ្រួសារសាច់ញាតិមកទទួលយកសពទៅធ្វើបុណ្យតាមប្រពៃណី៕

អត្ថបទ ៖ ម៉េង