ចរាចរណ៍

យុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ

បានផុស

៣ ខែ មុន

នៅ

ថ្ងៃចន្ទ ១៣ មករា ២០២៥

ដោយ

យុវជនវ័យ ១៨ ឆ្នាំម្នាក់ ដែលជាជាងផ្សារដែក ចេញពីធ្វើការសង្ស័យជិះម៉ូតូលឿនជ្រុលទៅបុកខឿនស្ពានព្រែកព្នៅ បណ្ដាលឲ្យដួលបោកក្បាលស្លាប់ភ្លាមៗ នៅនឹងកន្លែងកើតហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើងកាលពីវេលាម៉ោង ៧ និង ៥០ នាទីយប់ ថ្ងៃទី ១២ ខែមករា ឆ្នាំ ២០២៥ ស្ថិតក្នុងសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។

បើតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេបានឃើញយុវជនម្នាក់ជិះម៉ូតូ១ គ្រឿង ម៉ាក Honda Dream ពណ៌ខ្មៅ ពាក់ស្លាកលេខ កំពត 1R-5174 ធ្វើដំណើរតែម្នាក់ឯង ក្នុងទិសដៅពីលិចមកកើតឆ្លងស្ពានព្រែកព្នៅ ខណៈមកដល់ចំណុចកើតហេតុសង្ស័យជិះចុះពីលើស្ពានល្បឿនលឿនបានជ្រុលទៅបុកជាមួយខឿនស្ពាន បណ្ដាលឲ្យបោកភ្លាមៗ អ្នកធ្វើដំណើរឆ្លងកាត់បានទាក់ទងហៅរថយន្តសង្គ្រោះមក តែជាអកុសលជនរងគ្រោះបានស្លាប់បាត់ទៅហើយ។

បើតាមការបញ្ជាក់ពីអ្នកធ្វើការជាមួយបានឲ្យដឹងថា ជនរងគ្រោះឈ្មោះ មាស សំណាង អាយុ ១៨ ឆ្នាំ មានស្រុកកំណើតនៅខេត្តកំពត ទើបចេញពីធ្វើការទាំងអស់គ្នា រួចបានជិះមកម៉ូតូត្រលប់ទៅកន្លែងស្នាក់នៅវិញ ដោយចេញមកមុនក្រោយគ្នាតែបន្តិចនោះទេ។ ពេលដែលគាត់ជិះមកដល់ចំណុចកើតហេតុ ក៏ឃើញជនរងគ្រោះជិះម៉ូតូបុកខឿនស្ពានស្លាប់។

ក្រោយកើតហេតុសមត្ថកិច្ចជំនាញចរាចរណ៍ផ្លូវគោក នៃអធិការដ្ឋាននគរបាលខណ្ឌចំការមន ធ្វើការវាស់វែងយកម៉ូតូទៅរក្សាទុក និងប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ ៖ ម៉េង