ចរាចរណ៍

កង់បីឥណ្ឌា ១ គ្រឿង បើកបញ្ច្រាសចរាចរណ៍ ត្រូវរថយន្តស្ទូចបុកពេញទំហឹង ខ្ទាតជាច្រើនម៉ែត្រ

បានផុស

២ ខែ មុន

នៅ

ថ្ងៃពុធ ១៥ មករា ២០២៥

ដោយ

ម៉ូតូកង់បីឡាំប៉ាតាឥណ្ឌា ១ គ្រឿង បើកបញ្ច្រាសចរាចរណ៍ ត្រូវរថយន្តស្ទូចបុកពេញទំហឹង ខ្ទាតជាច្រើនម៉ែត្រ បណ្ដាលឲ្យរងការខូចខាតយ៉ាងធ្ងន់ធ្ងរ រីឯអ្នកបើកបរ និងអ្នករួមដំណើរ រងរបួសស្រាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង ៤ និង ៣០ នាទី ទៀបភ្លឺ ថ្ងៃទី ១៥ ខែមករា ឆ្នាំ ២០២៥ ស្ថិតតាមបណ្ដោយផ្លូវភ្នំពេញហាណូយ សង្កាត់ឃ្មួញ ខណ្ឌសែនសុខ រាជធានីភ្នំពេញ។

តាមប្រភពព័ត៌មានពីកន្លែងកើតហេតុបាននិយាយប្រាប់ថា នៅមុនពេលកើតហេតុគេឃើញរថយន្តស្ទូច ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3E-8978 បើកតាមបណ្ដោយផ្លូវភ្នំពេញហាណូយ ទិសដៅពីជើងទៅត្បូង ក្នុងល្បឿនយ៉ាងលឿន លុះមកដល់ចំណុចកើតហេតុ ស្រាប់តែឃើញម៉ូតូកង់បីឡាំប៉ាតាឥណ្ឌា ពណ៌ស ពាក់ស្លាកលេខ ភ្នំពេញ 1LC-5868 បើកតាមបណ្ដោយផ្លូវភ្នំពេញហាណូយ ទិសដៅពីត្បូងទៅជើង ដោយបើកបញ្ច្រាសចរាចរណ៍។ ក្នុងនោះ ដោយរថយន្តបើកលឿន ជាន់ហ្វ្រាំងមិនជាប់ ក៏ជ្រុលបុកម៉ូតូកង់បីឡាំប៉ាតាឥណ្ឌាខាងលើពេញទំហឹង ខ្ទាតជាច្រើនម៉ែត្រ បណ្ដាលឲ្យរងការខូចខាតយ៉ាងដំណំ តែសំណាងល្អជនរងគ្រោះ ២ នាក់ ប្តី-ប្រពន្ធ រងរបួសស្រាល។ ចំណែករថយន្តស្ទូចវិញ បានរ៉េចង្កូតឡើងលើខឿនពុះចែកទ្រូងផ្លូវ រងការខូចខាតតិចតួច។ ដោយឡែក ពេលគ្រោះថ្នាក់ភ្លាមៗ អ្នកបើកបររថយន្ត ភ័យ ក៏នាំគ្នារត់គេចខ្លួនបាត់ស្រមោលតែម្តង។

ក្រោយពេលកើតហេតុដោយកម្លាំងសមត្ថកិច្ចនគរបាលប៉ុស្តិ៍មកដល់ ហើយភាគីតំណាងខាងរថយន្តស្ទូចបានមកដោះស្រាយ សុំសម្របសម្រួល លើកឡើងពីកំហុសរបស់ម៉ូតូកង់បីនោះគឺខាងរថយន្តជួយចេញថ្លៃខូចខាតមួយចំនួនជាមនោសញ្ចេតនាបញ្ចប់រឿងនៅកន្លែងកើតហេតុភ្លាមៗ៕

អត្ថបទ ៖ សំណាង