ចរាចរណ៍

ស្រវឹងស្រារេចង្កូតទៅបុករថយន្តដឹកសំណាញ់ដែក សំណាងរងរបួសស្រាល

បានផុស

៤ years មុន

នៅ

ថ្ងៃព្រហស្បតិ៍ ១៨ មីនា ២០២១

ដោយ

ស្វាយរៀង ៖ បុរសម្នាក់រងរបួសស្រាល ខណៈដែលស្រវឹងស្រាឡើងជោកជាំបើកបររេចង្កូតទៅបុករថយន្តhiyandai ដឹកសំណាញ់ដែកបណ្តាលអោយខូចខាតរថយន្តយ៉ាងដំណំ។ ករណីគ្រោះថ្នាក់ចរាចរណ៍នេះបានកើតឡើងនៅវេលាម៉ោង៦និង០៥នាទីព្រលប់ ថ្ងៃទី១៨ ខែមីនា ឆ្នាំ២០២១ នៅលើផ្លូវជាតិលេខ៣១៧ ស្ថិតក្នុងភូមិអង្គ្រង ឃុំស្វាយរំពារ ស្រុកស្វាយទាប ខេត្តស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសមត្ថកិច្ចបានឲ្យដឹងថា នៅមុនពេលកើតហេតុមានរថយន្តមួយគ្រឿង ម៉ាកCAMRY ពណ៌ ទឹកប្រាក់ ស្លាកលេខភ្នំពេញ 2Q.3427 បើកបរដោយបុរសម្នាក់ឈ្មោះ សេក ណារ៉ូ ភេទប្រុស អាយុ ២៧ឆ្នាំ ជនជាតិខ្មែររស់នៅភូមិ ចំបក់កោង ឃុំចក ស្រុករំដួលខេត្តស្វាយរៀង ធ្វើដំណើរពីទិសដៅពីជើងទៅត្បូង។

ប្រភពបានបន្តទៀតថា លុះមកដល់ចំណុចកើតហេតុខាងលើបានរេចង្កូតទៅបុកចំ ចំហៀងរថយន្តម៉ាកHIYANDAI ពណ៌សរ ស្លាកលេខ ស្វាយរៀង3D.2365 ដឹកសំណាញ់ដែកដែលធ្វើដំណើរពីត្បូងទៅខាងជើងបញ្ច្រាសទិសគ្នាបណ្តាលឲ្យរថយន្តCAMRYឆ្លាមខូចខាតធ្ងន់ រីឯម្ចាស់គ្រាន់តែរងរបួសស្រាលចំណែក រថយន្តដឹកទំនិញHIYANDAI ខូចខាត និងខូចអីវ៉ាន់តិចតួច។

ចំពោះមធ្យោបាយទាំងពីរគ្រឿង ត្រូវបានសមត្ថកិច្ចយកមករក្សាទុកនៅប៉ុស្តិ៍នគរបាលរដ្ឋបាលស្វាយរំពារ ដើម្បីរង់ចាំដោះស្រាយគ្នាពេលក្រោយ។ មូលហេតុ អ្នកបើកបររថយន្តCAMRYឆ្លាមរេចង្កូតចូលមកបុករថយន្តដឹកទំនិញក្នុងស្ថានភាពស្រវឹង៕

ដោយ ៖ អ៊ុងភក្ដី