ចរាចរណ៍

ស្ត្រីម្នាក់ សង្ស័យជិះម៉ូតូលឿន ជ្រុលកៀរសួនចែកទ្រូងផ្លូវ ដួលបាក់.ក ស្លាប់

បានផុស

៤ សប្តាហ៍ មុន

នៅ

ថ្ងៃចន្ទ ៣ កុម្ភៈ ២០២៥

ដោយ

អ៊ិន ពិសី

ស្ត្រីម្នាក់ សង្ស័យជិះម៉ូតូលឿន ជ្រុលទៅកៀរសួនចែកទ្រូងផ្លូវ បណ្តាលឱ្យដួលបាក់.ក ស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ១២ និង ៣០ នាទី រំលងអធ្រាត្រ ឈានចូលថ្ងៃទី ៣ ខែកុម្ភៈ ឆ្នាំ ២០២៥ តាមបណ្ដោយផ្លូវ ២១៧ ភូមិព្រែកជ្រៃ សង្កាត់ស្ពានថ្ម ខណ្ឌដង្កោ រាជធានីភ្នំពេញ។

សពនារីខាងលើមានឈ្មោះ ចា សុខភាព អាយុ ៤០ ឆ្នាំ មុខរបរសំអាងការ ស្នាក់នៅភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ។ ជិះម៉ូតូម៉ាកហុងដាឌ្រីម ស៊េរីឆ្នាំ ២០១៣ ពណ៌ខ្មៅ ពាក់ស្លាកលេខ ភ្នំពេញ 1BR 5237។

តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញស្ត្រីរងគ្រោះជិះម៉ូតូ តាមបណ្ដោយផ្លូវ ២១៧ ទិសដៅពីជើងទៅត្បូង លុះមកដល់ចំណុចកើតហេតុ ក៏ជ្រុលកៀរខឿនសួនច្បារពុះចែកទ្រូងផ្លូវបណ្ដាលឱ្យដួលទាំងម៉ូតូ និងមនុស្សអូសជាច្រើនម៉ែត្រ ជនរងគ្រោះបាក់.ក បែកក្បាល ស្លាប់តែម្ដង។

តាមប្រភពពីសាច់ញាតិបានបញ្ជាក់ថា ជនរងគ្រោះបានចេញពីម្តុំព្រែកជ្រៃ (កន្លែងការងារ) ត្រលប់ទៅផ្ទះដូចរាល់ដង លុះនៅវេលាកើតហេតុ ក៏មានសមត្ថកិច្ចទូរស័ព្ទមកប្រាប់ថា នារីរងគ្រោះជួបហេតុការណ៍នេះតែម្ដង។

ក្រោយពេលកើតហេតុសមត្ថកិច្ចបានប្រគល់សពជូនសាច់ញាតិយកទៅធ្វើបុណ្យតាមប្រពៃណី។ ចំណែកម៉ូតូសមត្ថកិច្ចយកទៅទៅរក្សាទុកនៅអធិការដ្ឋាននគរបាលខណ្ឌដង្កោ៕

អត្ថបទ ៖ សំណាង