ចរាចរណ៍
យុវជនម្នាក់ បើកម៉ូតូឆ្លងផ្លូវត្រូវរថយន្ត ១ គ្រឿង បុកអូសជាច្រើនម៉ែត្រ ស្លាប់ភ្លាមៗ នៅកន្លែងកើតហេតុ
យុវជនម្នាក់ ជិះម៉ូតូទៅហូបចុកជាមួយមិត្តភ័ក្ដិ ខណៈពេលកំពុងជិះឆ្លងផ្លូវ ត្រូវបានរថយន្តម៉ាកស្តាររិចបើកបុកអូសជាច្រើនម៉ែត្របណ្តាលឲ្យស្លាប់ភ្លាមៗ នៅកន្លែងកើតហេតុ។
ហេតុការណ៍នេះកើតឡើងកាលពីវេលាម៉ោង ៤ និង ៣៥ នាទី រំលងអធ្រាត្រ ឈានចូលថ្ងៃទី ២៨ ខែកុម្ភៈ ឆ្នាំ ២០២៥ ស្ថិតនៅតាមបណ្ដោយផ្លូវកម្ពុជាក្រោម កែងផ្លូវ ២៥៩ សង្កាត់ទឹកល្អក់ទី ១ ខណ្ឌទួលគោក រាជធានីភ្នំពេញ។
សពឈ្មោះ គង់ បញ្ញា ភេទប្រុស អាយុ ២៦ ឆ្នាំ មុខរបរបុគ្គលិកហាង រស់នៅម្តុំផ្សារសាំហាន់ ខណ្ឌឫស្សីកែវ រាជធានីភ្នំពេញ មានស្រុកកំណើតនៅខេត្តកំពង់ធំ។
តាមប្រភពព័ត៌មានពីកន្លែងកើតហេតុបាននិយាយថា នៅមុនពេលកើតហេតុគេឃើញជនរងគ្រោះជិះម៉ូតូម៉ាកឌ្រីមសង់ ស៊េរី ២០១៤ ជិះម្នាក់ឯង ដោយធ្វើដំណើរតាមបណ្ដោយផ្លូវ ២៥៩ ទិសដៅពីត្បូងទៅជើង ក្នុងល្បឿនលឿនមធ្យម ហើយបើកឆ្លងផ្លូវកម្ពុជាក្រោម។ ខណៈពេលឆ្លងបានជាងពាក់កណ្ដាលផ្លូវ ស្រាប់តែឃើញរថយន្តម៉ាកស្តាររិច ពណ៌ខ្មៅ មិនចាំស្លាកលេខ បើកតាមបណ្ដោយផ្លូវកម្ពុជាក្រោម ទិសដៅពីកើតទៅលិច ក្នុងល្បឿនយ៉ាងលឿន ហើយជាន់ហ្វ្រាំងមិនជាប់ ក៏ជ្រុលទៅបុកម៉ូតូជនរងគ្រោះពេញទំហឹងខ្ទាតជាច្រើនម៉ែត្រ បណ្ដាលឲ្យជនរងគ្រោះស្លាប់ភ្លាមៗ នៅកន្លែងកើតហេតុ។ ចំណែករថយន្តបង្ក បានព្យាយាមបើករត់គេចខ្លួនបាត់ស្រមោលតែម្ដង។
ដោយឡែកតាមប្រភពព័ត៌មានពីមិត្តភ័ក្ដិដែលធ្វើដំណើរមកតាមក្រោយ បានឲ្យដឹងថា នៅមុនពេលកើតហេតុជនរងគ្រោះជិះម៉ូតូម៉ាកឌ្រីមសង់ ស៊េរី ២០១៤ ពណ៌ខ្មៅ ពាក់ស្លាកលេខ កំពង់ធំ 1D-5319 បើកមកពីកន្លែងហូបចុកជាមួយមិត្តភ័ក្ដិនៅហាងជិតកន្លែងកើតហេតុ ដើម្បីធ្វើដំណើរទៅកន្លែងស្នាក់នៅម្តុំផ្សារសាំហាន់ ខណ្ឌឫស្សីកែវ ក៏ជួបរឿងអកុសលបែបនេះ។
ក្រោយពេលកើតហេតុសមត្ថកិច្ចនគរបាលជំនាញចរាចរណ៍ខណ្ឌទួលគោក បានធ្វើលិខិតប្រគល់សពជូនក្រុមគ្រួសារ ដើម្បីយកទៅធ្វើបុណ្យតាមប្រពៃណី៕
អត្ថបទ ៖ ម៉េង
យុវជនម្នាក់ បើកម៉ូតូឆ្លងផ្លូវត្រូវរថយន្ត ១ គ្រឿង បុកអូសជាច្រើនម៉ែត្រ ស្លាប់ភ្លាមៗ នៅកន្លែងកើតហេតុ
សហព័ន្ធបាល់ទះកំណត់លក្ខខ័ណ្ឌថ្មីសម្រាប់ពានមហាជន៤ទល់៤
គណៈកម្មការការពារទប់ស្កាត់ និងបង្ក្រាបបទល្មើសធនធានធម្មជាតិខេត្តកំពង់ធំ កម្ទេចសាច់អួនខុសច្បាប់ ជាង២៥០០០ម៉ែត្រ
ហាម៉ាស ចេញមុខឆ្លើយតបទៅ Trump ក្រោយបង្ហោះវីដេអូ អំពីគម្រោងកែប្រែតំបន់ហ្គាហ្សា
ចិន៖ ចំណងមិត្តភាពរវាងក្រុងប៉េកាំង និងក្រុងមូស្គូ នឹងមិនរងផលប៉ះពាល់ព្រោះអាមេរិកឡើយ
Breaking News៖ អគ្គិភ័យកំពុងឆេះរោងចក្រផលិតពូក នៅខណ្ឌពោធិ៍សែនជ័យ
ត្រាំ ប្រាប់អង់គ្លេសថា បើកងទ័ពបញ្ជូនទៅអ៊ុយក្រែន ប៉ះទង្គិចជាមួយរុស្ស៊ី ដោះស្រាយខ្លួនឯងទៅ!
Update៖ ករណីអគ្គិភ័យឆេះរោងចក្រផលិតពូកនៅខណ្ឌពោធិ៍សែនជ័យ ឆេះអស់ទាំងស្រុង
ប្រតិភូរាប់សិបនាក់ នាំគ្នាងើបដើរចេញ ពេលរុស្ស៊ីថ្លែងសុន្ទរកថានៅអង្គការសហប្រជាជាតិ
នាយករដ្ឋមន្ត្រីថៃនឹងទៅព្រំដែនជាប់ប៉ោយប៉ែត ពិនិត្យមើលសកម្មភាពឆបោកតាមអនឡាញ
-
សេចក្ដីជូនដំណឹង៦ ថ្ងៃ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ២ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៥ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ២ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
ចរាចរណ៍១ សប្តាហ៍ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
-
សន្តិសុខសង្គម៣ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៤ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
ព័ត៌មានអន្ដរជាតិ១ សប្តាហ៍ agoរុស្ស៊ី បានដៃ បាញ់មីស៊ីលស្រោចលើអ៊ុយក្រែន ចំពេល ត្រាំ និង ហ្សេលេនស្គី កំពុងឈ្លោះគ្នា