រថយន្តធុនធំបុករះម៉ូតូ៣គ្រឿងទាំងព្រឹកនៅផ្លូវ៦០ម៉ែត្រ

បុរសម្នាក់បេីករថយន្តធុនធំម៉ាក ហុីយ៉ាន់ដាយ លឿនជ្រុលបុករះម៉ូតូចំនួន៣គ្រឿង ខណៈកំពុងឈប់រង់ចាំភ្លេីងស្តុបតែសំណាងល្អមិនមានអ្នករងរបួសធ្ងន់។ ករណីនេះបង្កការភ្ញាក់ផ្អេីលកាលពីវេលាម៉ោង៨ព្រឹក​ ថ្ងៃទី៥​ ខែមីនា​ ឆ្នាំ២០២៥​ ស្ថិតនៅចំណុចស្តុប៦០ម៉ែត្រ សង្កាត់ជេីងឯក ខណ្ឌដង្កោ រាជធានីភ្នំពេញ។

តាមប្រភពព័ត៌មានបានឲ្យដឹងថា​ មុនពេលកេីតហេតុគេបានឃេីញម៉ូតូចំនួន៣គ្រឿងមានម៉ាក PCX មួយគ្រឿង​ ស្កូបពីមួយគ្រឿង ​និងឃ្លីកមួយគ្រឿង កំពុងឈប់រង់ចាំភ្លេីងស្តុបក្រហម​ ទិសដៅពីលិចទៅកេីត​ បន្ទាប់មកស្រាប់តែមានបុរសម្នាក់បេីករថយន្តម៉ាកហ៉ីយ៉ាន់ដាយ​ ពណ៌ស​ ពាក់ផ្លាកលេខ ភ្នំពេញ 3F-7780​ ធ្វេីដំណេីរមកពីក្រោយជ្រុលបុករះបណ្តាលឲ្យម៉ូតូខូចខាត សំណាងល្អអ្ននជិះម៉ូតូរងរបួសស្រាល។

ក្រោយកេីតហេតុភាគីទាំងសងខាងបានធ្វេីការសម្របសម្រួលគ្នាមិនត្រូវ ទេីបសមត្ថកិច្ចជំនាញចរាចរណ៍ចុះវាស់វែងអូសយកម៉ូតូ និងរថយន្តទៅរក្សាទុកនៅអធិការដ្ឋាននគរបាលខណ្ឌដង្កោ រង់ចាំដោះស្រាយនាពេលក្រោយ៕

អត្ថបទ៖ សុខា