ចរាចរណ៍
ចរាចរណ៍លើផ្លូវ ៦០ ម៉ែត្រ មានរបៀបរៀបរយល្អប្រសើរច្រើនជាងមុន ខណៈរបាំងចែកទ្រូងផ្លូវសម្រេចលទ្ធផលច្រើន
លំហូរចរាចរណ៍ធ្វើដំណើររបស់ប្រជាពលរដ្ឋនៅលើផ្លូវ ៦០ ម៉ែត្រ មានរបៀបរៀបរយឡើងវិញច្រើន ខណៈរបាំងពុះចែកទ្រូងផ្លូវសម្រេចលទ្ធផលបានច្រើន។
បច្ចុប្បន្ននេះគេសង្កេតឃើញថា ដំណើរការ នៃការដាក់ទ្រូងផ្លូវបានអនុវត្តជិតដល់ផ្សារទំនើបអ៉ីអន ៣ ហើយ ដោយក្រុមការងារកំពុងបន្តយកចិត្តទុកដាក់ក្នុងការអនុវត្តការងារនេះជាបន្តបន្ទាប់ ខណៈគំនូសសញ្ញាចរាចរណ៍បានគូសវាសរួចរាល់ទាំងស្រុង ដើម្បីគំនូសចំណាំឱ្យពលរដ្ឋចូលរួមបើកបរគោរពតាមគន្លងធ្វើដំណើររបស់ខ្លួន។
ប្រជាពលរដ្ឋអ្នកដំណើរ មើលឃើញថា មួយរយៈក្រោយមកនេះ ពួកគាត់ពុំសូវសង្កេតឃើញមានគ្រោះថ្នាក់កើតឡើងដូចមុនៗ នោះឡើយ ក្រោយមានការរៀបចំដាក់ទ្រូងផ្លូវ រួមបញ្ចូលទាំងការអនុវត្តច្បាប់របស់សមត្ថកិច្ចចរាចរណ៍ ពិសេសការចូលរួមល្អពីប្រជាពលរដ្ឋអ្នកប្រើប្រាស់ដងផ្លូវសាធារណៈផងដែរ។
ប្រជាពលរដ្ឋ បន្តលើកឡើងទៀតថា បើទោះបីមានការដាក់របាំងពុះចែកទ្រូងផ្លូវក្ដី អ្នកធ្វើដំណើរ និងអ្នកបើកបរ ជាចំណុចសំខាន់ នៃការចូលរួមគោរពច្បាប់ចរាចរណ៍ ដើម្បីកាត់បន្ថយគ្រោះថ្នាក់ចរាចរណ៍ទាំងអស់គ្នា។
គួរបញ្ជាក់ថា របាំងថ្ម និងរបាំងដែក ត្រូវបានរៀបចំដាក់ដោយបែងចែកជា ២ កំណាត់ផ្លូវ ដោយកំណាត់ផ្លូវទី ១ គិតចាប់ពីស្ពានអាកាសមរតកតេជោ ដល់ស្តុបសឺដែស ត្រូវដាក់របាំងដែកពុះចែកទ្រូងផ្លូវ ដោយកំណត់ល្បឿនត្រឹម ៤០km/h។ ដោយឡែកគិតចាប់ពីស្តុបសឺដែស ដល់ផ្លូវជាតិលេខ ២ ត្រូវដាក់របាំងថ្មពុះចែកទ្រូងផ្លូវ ដោយកំណត់ល្បឿនត្រឹម ៦០km/h ប៉ុណ្ណោះ។
ទន្ទឹមនឹងការដាក់ទ្រូងផ្លូវខាងលើនេះដែរ បច្ចុប្បន្ន កម្លាំងសមត្ថកិច្ចរាជធានី និងនគរបាលខណ្ឌពាក់ព័ន្ធ នៅតែបន្តពង្រឹងការអនុវត្តច្បាប់ចរាចរណ៍ ដោយការចាប់ល្បឿននៅពេលថ្ងៃ ហើយអនុវត្តចាប់ជាតិស្រវឹងនៅពេលយប់ ដើម្បីជាផ្នែកសំខាន់មួយក្នុងការកាត់បន្ថយគ្រោះថ្នាក់ដែលតែងបង្កឡើងដោយអ្នកបើកបរយានយន្តទាំងឡាយនៅបន្តការល្មើសច្បាប់ផងដែរ៕
អត្ថបទ ៖ សុភា
ផ្ទាំងទស្សនីយភាពជាច្រើន ត្រៀមបង្ហាញនៅអង្គរសង្ក្រាន្ត
ឱកាសចូលឆ្នាំ៖ អភិបាលខេត្តកណ្ដាលឱ្យកម្លាំងយកចិត្តទុកដាក់ជួយបញ្ចៀសការកកស្ទះចរាចរណ៍
ពងទា១ពាន់គ្រាប់ ត្រូវបានដាក់ឱ្យអ្នកចូលរួមសង្រ្កាន្តស្រុកខ្សាច់កណ្ដាល បរិភោគឥតគិតថ្លៃ
ថ្ងៃចូលឆ្នាំ៖ ទណ្ឌិតចំនួន ៣៤២នាក់ ត្រូវបានបន្ធូរបន្ថយទោស
លោក ស សុខា បញ្ជាក់ពីឆន្ទៈសម្ដេចធិបតី ដើម្បីបង្កលក្ខណៈឱ្យពលរដ្ឋសប្បាយគ្រប់កន្លែងក្នុងថ្ងៃចូលឆ្នាំថ្មី
ថៃ ព្រមាន! យុវជនបង្ហោះរូបស្រាតពេលលេងសប្បាយបុណ្យសង្ក្រាន្ត ប្រឈមជាប់ពន្ធនាគារ៥ឆ្នាំ
កុំភ្លេចទស្សនា! ជើងខ្លាំងកម្ពុជា ៤រូបប្រកួតនៅសហរដ្ឋអាមេរិកស្អែកនេះហើយ
ត្រាំ ថា កិច្ចព្រមព្រៀងសន្តិសុខជាមួយជប៉ុន ដូចធ្ងន់មកខាងអាមេរិកពេកហើយ
ឪពុកក្មេក ម្ដាយក្មេកសម្ដេចធិបតី ទស្សនាកម្សាន្តសិល្បៈនៅផ្លូវថ្មេីរជេីង(Walk Street)
បានរថយន្តក្រុងជិះឥតគិតថ្លៃ ស្រ្តីម្នាក់កាត់បន្ថយចំណាយបានជាង ៣០ ម៉ឺនរៀល ពេលលេងស្រុកម្តងៗឱកាសចូលឆ្នាំ
-
សន្តិសុខសង្គម១ សប្តាហ៍ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៦ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៦ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម១ សប្តាហ៍ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
សន្តិសុខសង្គម៥ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ៣ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៤ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
ព័ត៌មានអន្ដរជាតិ១ សប្តាហ៍ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល