ចរាចរណ៍

រថយន្តក្រុងដឹកអ្នកដំណើរពីភ្នំពេញទៅវៀតណាម ជាប់បារ៉ាស់នៅស្ពានសម្តេចតេជោ

បានផុស

១ សប្តាហ៍ មុន

នៅ

ថ្ងៃពុធ ១៩ មីនា ២០២៥

ដោយ

កំណាត់លើស្ពានសម្តេចតេជោក្បាលថ្នល់ បានកកស្ទះចរាចរណ៍នៅម៉ោងប្រមាណ ១៣ និង ១០ នាទី រសៀលថ្ងៃទី ១៩ ខែមីនា ឆ្នាំ ២០២៥ ដោយសារតែរថយន្តក្រុងដឹកដំណើររបស់ក្រុមហ៊ុនវៀតណាមទើសបារ៉ាស់ចុងស្ពានឆ្លងកាត់ពុំបានដែលបង្កឲ្យកកស្ទះចរាចរណ៍តែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ាន់ សុខ ជាកម្មកររៀបចំចរាចរណ៍លើស្ពានសម្តេចតេជោ ក្បាលថ្នល់ បានឲ្យដឹងថា នៅវេលាម៉ោង ១៣ និង ០០ នាទីរសៀល ថ្ងៃខាងលើ មានរថយន្តដឹកអ្នកដំណើរពីភ្នំពេញទៅប្រទេសវៀតណាមបានបើកបរឆ្លងស្ពានសម្តេចតេជោក្នុងទិសដៅពីក្បាលថ្នល់ឆ្ពោះទៅផ្លូវជាតិលេខ ១ ក៏បានទើសដំបូលរថយន្តត្រង់ចំណុចបង្គោលបារ៉ាស់មិនអនុញ្ញាតឲ្យរថយន្តខ្ពស់ៗ ឆ្លងកាត់ ដែលបង្កការកកស្ទះដោយសារមានរថយន្ត និងម៉ូតូ បើកតាមក្រោយជាប់រដឹក។

លោកបានបញ្ជាក់ថា រថយន្តខ្ពស់មិនអនុញ្ញាតឲ្យបើកបរលើស្ពានបានឡើយ។ ដូច្នេះទើបបង្ខំចិត្តទប់ស្កាត់រថយន្តបើកបរលើស្ពានមួយរយៈត្រង់ផ្លូវចុះទៅក្បាលថ្នល់ក្នុងទិសដៅពីលិចទៅកើត៕

អត្ថបទ ៖ នរា