Connect with us

ចរាចរណ៍

រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល

បានផុស

នៅ

ទូរថភ្លើងចំនួន៣ បានក្រឡាប់ធ្លាក់ចេញពីផ្លូវដែកបង្កឲ្យមានការភ្ញាក់ផ្អើលយ៉ាងខ្លាំង ដែលរហូតមកដល់ពេលនេះនៅមិនទាន់មានប្រភពណាមួយអះអាងអំពីមូលហេតុនៅឡើយ ប៉ុន្តែជាសំណាងល្អពុំមានប៉ះពាល់ដល់អាយុជីវិតនរណាម្នាក់ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រជាពលរដ្ឋដែលរស់នៅក្បែរចំណុចកើតហេតុបានបញ្ជាក់ថា ហេតុការណ៍នេះបានកើតឡើងនៅចំណុចភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង ដែលនៅមុនពេលកើតហេតុគេសង្កេតឃើញមានរថភ្លើងមួយខ្សែ បើកបរក្នុងទិសដៅពីបាត់ដំបងទៅខេត្តបន្ទាយមានជ័យ លុះទៅដល់ចំណុចកើតហេតុក៏ស្រាប់តែមានទូចំនួន៣ បានផ្អៀងទៅឆ្វេង ហើយក៏ក្រឡាប់ធ្លាក់ចេញពីផ្លូវដែកតែម្ដង ដែលជាសំណាងល្អនៅក្បែរផ្លូវពុំមានមនុស្ស ហើយក៏ជាទូដឹកស្រូវពេញៗផងដែរ ដែលពុំបានបង្កឲ្យមានគ្រោះថ្នាក់ដល់នណាម្នាក់ឡើយ។

ក្រោយពេលកើតហេតុ កម្លាំងជំនាញពាក់ព័ន្ធ និងកម្លាំងគ្រឿងចក្រនៃអង្គភាពអយស្ម័យយានបាត់ដំបង បានចេញប្រតិបត្តិការ ធ្វើការជួសជុលផ្លូវមួយខ្សែត្រង់ចំណុចកើតហេតុ ដោយធ្វើការផ្លាស់ប្ដូរដែករ៉ៃ និងធ្វើការស្ទូចទូរថភ្លើងទាំងនោះឡើងមកលើផ្លូវរថភ្លើងវិញ ដោយករណីមិនទាន់មានប្រភពណាមួយអះអាងអំពីមូលហេតុនៅឡើយទេ៕

អត្ថបទ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម