ចរាចរណ៍

រថយន្តធុនយក្ស ក្រឡាប់សង្កត់មនុស្ស ស្លាប់៤នាក់ យ៉ាងរន្ធត់

បានផុស

៤ years មុន

នៅ

ថ្ងៃអង្គារ ៣០ មីនា ២០២១

ដោយ

បាត់ដំបង ៖ យ៉ាងហោចណាស់ក៏មានមនុស្សចំនួន៤នាក់ ដែលបានស្លាប់នៅនឹងកន្លែង គួរឲ្យតក់ស្លុតជាទីបំផុត ខណៈដែលអ្នកបើកបរខ្វះការប្រុងប្រយ័ត្ន។

ហេតុការណ៍ដ៏រន្ធត់នេះ បានកើតឡើង នៅថ្ងៃទី៣០ ខែមីនា ឆ្នាំ២០២១ វេលាម៉ោង ២ និង០៥នាទី រសៀល នៅចំណុចលើកំណាត់ផ្លូវជាតិលេខ ៥៩ ក្នុងភូមិថ្នល់បត់ ឃុំអូររំដួល ស្រុកភ្នំព្រឹក ខេត្តបាត់ដំបង។

តាមប្រភពនៅទីនោះបាននិយាយថា ករណីនេះគឺបាន បង្កឡើងដោយខ្លួនឯង ដោយរថយន្តម៉ាកហ៊ីយ៉ាន់ដាយ ពណ៌ទឹកប្រាក់ ពាក់ស្លាកលេខត្បូងឃ្មុំ 3A 0409 របស់ក្រុមហ៊ុន ( អក្សរ ខេ K )ក្នុងនោះ មានអ្នកបើកបរម្នាក់ និងអ្នករួមដំណើរ ចំនួន ០៣ នាក់ មិនទាន់ស្គាល់អត្តសញ្ញាណ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពដដែលបានបន្តថា ក្រោយពេលរថយន្តខ្នាតយក្សក្រឡាប់រួចមក គេសង្កេតឃើញថា មនុស្សទាំង៤នាក់ បានកប់នៅក្រោមរថយន្ត និងត្រូវស្លាប់ទាំងអស់ ដោយរថយន្តនេះបើកបរទិសដៅពីជើង ទៅត្បូង ដល់ចំណុចកើតហេតុផ្លូវកោង ទំនងជាដាច់ហ្វ្រាំងទើបក្រឡាប់តែម្ដង។

ជុំវិញបញ្ហានេះដែរ លោកអធិការ ហេង បារាំង ពុំបានបកស្រាយអ្វីនោះឡើយ ក្រោយពីពាក្យថា លោករវល់៕

ដោយ ៖ សោ និយមរ័ត្ន