ចរាចរណ៍

អនុភូមិបានបើកម៉ូតូទៅបុកដើមត្រសេកដុះអមផ្លូវបណ្តាលឲ្យបាក់.ក ស្លាប់នៅនឹងកន្លែង

បានផុស

៤ years មុន

នៅ

ថ្ងៃព្រហស្បតិ៍ ១ មេសា ២០២១

ដោយ

បន្ទាយមានជ័យ ៖ អនុភូមិអំពិល បានបើកម៉ូតូទៅបុកដើមត្រសេកដុះអមផ្លូវ បណ្តាលឲ្យបាក់.ក ស្លាប់នៅនឹងកន្លែង ក្បែរផ្លូវលំសង្ស័យស្រវឹងស្រា។

ហេតុការណ៍នេះ កើតឡើងនៅវេលាម៉ោង១១និង៣០នាទីព្រឹកថ្ងៃទី១ ខែមេសា ឆ្នាំ២០២១ ត្រង់ចំណុចខាងត្បូងផ្លូវចូលភូមិម៉ៅប្រហែល ២៥០ម៉ែត្រ ស្ថិតក្នុងភូមិផ្គាំ ឃុំផ្គាំ ស្រុកស្វាយចេក ខេត្តបន្ទាយមានជ័យ។

នគរបាលមូលដ្ឋាន បានឲ្យដឹងថា ជនរងគ្រោះឈ្មោះ យឹម ព្លឿន ភេទប្រុស អាយុ៦០ឆ្នាំ ជាអនុភូមិអំពិល មានទីលំនៅភូមិអំពិល ឃុំផ្គាំ ស្រុកស្វាយចេក ខេត្តបន្ទាយមានជ័យ។ នគរបាលបានបញ្ជាក់ឲ្យដឹងទៀតថា មុនពេលកើតហេតុនោះជនរងគ្រោះបានបើកម៉ូតូម៉ាកហុងដាទ្រីមស៊េរីឆ្នាំ២០១៨ពាក់ស្លាកលេខ បន្ទាយមានជ័យ 1T-6290 ពីជើងទៅត្បូងលុះបើកដល់ចំណុចកើតហេតុបើកម៉ូតូជ្រុលទៅបុកដើមត្រសេកបណ្តាលឲ្យដួលបាក់.កស្លាប់ នៅនឹងកន្លែង។ សមត្ថកិច្ចថាជនរងគ្រោះសង្ស័យបើកម៉ូតូក្នុងស្ថានភាពស្រវឹង សពត្រូវបានប្រគល់ជូនក្រុមគ្រួសារយកទៅចាត់ចែងធ្វើបុណ្យតាមប្រពៃណីនៅផ្ទះសពតែម្តង៕

ដោយ ៖ វ៉ាន់ ណាង

Related Topics:គ្រោះថ្នាក់ចរាចរណ៍