Trump រិះរកមធ្យោបាយវាយប្រហារលើរោងចក្រនុយក្លេអ៊ែរដ៏សំខាន់របស់អ៊ីរ៉ង់ នៅសប្តាហ៍ចុងក្រោយនៃតំណែងប្រធានាធិបតី – Kampuchea Thmey Daily
Connect with us
ធនាគារ ហត្ថា

ព័ត៌មានអន្ដរជាតិ

Trump រិះរកមធ្យោបាយវាយប្រហារលើរោងចក្រនុយក្លេអ៊ែរដ៏សំខាន់របស់អ៊ីរ៉ង់ នៅសប្តាហ៍ចុងក្រោយនៃតំណែងប្រធានាធិបតី

Published

on

បើយោងតាមការចុះផ្សាយរបស់កាសែត New York Times បានឲ្យដឹងថា ទីប្រឹក្សារបស់លោកប្រធានាធិបតី Donald Trump ទំនងជាបានបដិសេធមិនឲ្យគាត់ចេញបញ្ជាឲ្យយោធាធ្វើការវាយប្រហារលើអ៊ីរ៉ង់ ដោយព្រមានថា វានឹងបង្កើនជម្លោះដែលកំពុងបន្តរវាងសហរដ្ឋអាមេរិក និងអ៊ីរ៉ង់នៅក្នុងសប្តាហ៍ចុងក្រោយនៃតំណែងប្រធានាធិបតីរបស់លោក Trump ។

ដោយដកស្រង់សម្ដីអតីតមន្ត្រីអាមេរិក កាសែត New York Times បានរាយការណ៍ថា លោក Donald Trump កំពុងរិះរកការវាយប្រហារទៅលើ “ទីតាំងនុយក្លេអ៊ែរដ៏សំខាន់” របស់អ៊ីរ៉ង់នៅក្នុងប៉ុន្មានសប្តាហ៍ខាងមុខនេះ ។ លោក Trump បានសួរទៅកាន់ទីប្រឹក្សារបស់លោកថាតើលោកមានជំរើសបែបនេះដែរឬទេ អំឡុងកិច្ចប្រជុំមួយនៅឯការិយាល័យ Oval កាលពីថ្ងៃចន្ទ ។

ទីប្រឹក្សាដែលក្នុងនោះមានអនុប្រធានាធិបតីអាមេរិកលោក Mike Pence រដ្ឋមន្រ្តីក្រសួងការបរទេស Mike Pompeo រដ្ឋមន្រ្តីក្រសួងការពារជាតិ Christopher Miller និង​ប្រធាន​អគ្គ​សេនាធិការ​ចម្រុះ​លោក Mark Milley ត្រូវបានគេរាយការណ៍ថាបានបដិសេធលោក Trump ពីការវាយប្រហារនេះ ដោយសម្តែងការព្រួយបារម្ភថា វានឹងបង្កើនជម្លោះកាន់តែធំនៅក្នុងសប្តាហ៍ចុងក្រោយនៃតំណែងប្រធានាធិបតីរបស់លោក Trump” ។

របាយការណ៍នេះបានលេចចេញ ចំពេលមានការចោទប្រកាន់ថាលោក Trump កំពុងប៉ុនប៉ងបំផ្លាញរដ្ឋបាលរបស់លោក Joe Biden ខណៈប្រព័ន្ធផ្សព្វផ្សាយនៅសហរដ្ឋអាមេរិកបានប្រកាសថាជាប្រធានាធិបតីជាប់ឆ្នោតនៅសេតវិមាន ទោះបីជាលទ្ធផលនៃការបោះឆ្នោតផ្លូវការនៅតែមិនត្រូវបានប្រកាសក៏ដោយ ខណៈលោក Trump បដិសេធមិនព្រមទទួលស្គាល់លទ្ធផលនេះនោះទេដោយអះអាងថា ការបោះឆ្នោតនេះត្រូវបានគេបន្លំសន្លឹកឆ្នោត ។

យោងតាមកាសែត New York Times បានឲ្យដឹងថា ការវាយប្រហារប្រឆាំងនឹងអ៊ីរ៉ង់ប្រសិនបើត្រូវបានធ្វើឡើងមែននោះ វាពិតជានឹងផ្តោតគោលដៅទៅលើរោងចក្រ Natanz ដែលជារោងចក្រនុយក្លេអ៊ែរអ៊ីរ៉ង់ដែលជាទូទៅត្រូវបានគេចាត់ទុកថាជាទីតាំងកណ្តាលសម្រាប់ការចម្រាញ់សារធាតុអ៊ុយរ៉ានីញ៉ូម ។

កិច្ចប្រជុំនៅការិយាល័យ Oval ត្រូវបានគេដឹងថាធ្វើឡើងមួយថ្ងៃ បន្ទាប់ពីទីភ្នាក់ងារថាមពលបរមាណូអន្តរជាតិ (IAEA) បានរាយការណ៍អំពីការកើនឡើងគួរឲ្យកត់សម្គាល់នៃឃ្លាំងស្តុកអាវុធនុយក្លេអ៊ែរអ៊ីរ៉ង់ ធំជាង ១២ ដងច្រើនជាងការអនុញ្ញាតនៅក្នុងកិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ ២០១៥ ដែលលោក Trump បានដកខ្លួនចេញជាឯកតោភាគីនៅឆ្នាំ ២០១៨ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ត្រាំ គ្រោងបញ្ជាឲ្យដកទ័ពបន្ថែមទៀតចេញពីប្រទេសអាហ្វហ្គានីស្ថាននិងអ៊ីរ៉ាក់

ចុចអាន ៖ បៃដិន ព្រមានថា ប្រជាជនអាមេរិកកាន់តែច្រើនអាចស្លាប់បើ ត្រាំ មិនសហការ

Advertisement

ចុច Like Facebook កម្ពុជាថ្មី

Advertisement
ព័ត៌មានជាតិ21 mins ago

ក្តៅៗ!! មនុស្សជាច្រើននាក់ ពុល​ស្រាស នៅកំពង់​ឆ្នាំង​ និង ៤នាក់​ទៀតកំពុង​សង្គ្រោះបន្ទាន់

ព័ត៌មានជាតិ50 mins ago

សង្ស័យ​ពុល​ស្រាស​បណ្ដាល​ឲ្យ​ស្លាប់​ម្នាក់​ ខណៈ​ពេល​ទៅ​ចូល​រួម​បុណ្យ​សព​អ្នក​ស្លាប់​ដោយ​ពុល​ទឹកអណ្ដូង

ជំនឿ1 hour ago

មនុស្សកើតនៅឆ្នាំ ១៩៩៤ «ច»យោងធាតុទាំងប្រាំក្នុងក្បួនចិនទុកថាជា«ឆ្កែឈើ»

ព័ត៌មានជាតិ2 hours ago

លោកស្រី កុយ ពិសី និង​នាយ​ឧ​ត្ត​ម សេនីយ៍ ខ្វាន់ ស៊ា​ម ចុះ​ត្រួតពិនិត្យ​សំណង់​បង្គោល​ផ្លូវ​ខ្សែក្រវាត់​ព្រំដែន​កម្ពុជា​-​វៀតណាម

ព័ត៌មានជាតិ2 hours ago

លោក ហ៊ុន ម៉ា​នី ​៖​ យុទ្ធនាការ​ភ្នំពេញ​ស្អាត​លើកទឹកចិត្ត​បំផុសស្មារតី​សិស្សានុសិស្ស​ឱ្យ​ចេះ​ស្រឡាញ់​បរិស្ថាន

ព័ត៌មានពេញនិយម