KPT+
៥ ចំណុចកម្រមានគេដឹងពីកំពូលអ្នកនិពន្ធសោកសង្រេងSHAKESPEARE
លោក William Shakespeare ជាអ្នកនិពន្ធល្បីល្បាញមួយរូបរបស់ចក្រភពអង់គ្លេសនាសតវត្សរ៍ទី ១៦។ លោកជាអ្នកនិពន្ធឆ្នើមផ្នែកអក្សរសិល្ប៍ ប្រលោមលោក និងប្រវត្តិសាស្ត្រផងដែរ។ ពីក្រោយកេរ្តិ៍ឈ្មោះរន្ទឺ មានរឿងមួយចំនួនដែលយើងមិនធ្លាប់បានដឹងពីកវីរូបនេះឡើយ។
តើមានអ្វីខ្លះទៅ ដែលយើងមិនទាន់ដឹងពីអ្នកនិពន្ធជើងខ្លាំង William Shakespeare?
១. លោកបានរៀបការជាមួយស្ត្រីចំណាស់ជាងខ្លួន
ក្នុងវ័យ ១៨ ឆ្នាំ នៅខែវិច្ឆិកា ឆ្នាំ ១៥៨២ លោក William បានរៀបការជាមួយ Anne Hathaway ដែលជាកូនស្រីកសិករម្នាក់ មានអាយុលើសខ្លួន ៨ ឆ្នាំ។ អាពាហ៍ពិពាហ៍អ្នកទាំងពីរមិនបានប្រារព្ធធំដុំទេ ដោយគ្រាន់តែចូលប្រកាសក្នុងព្រះវិហារប៉ុណ្ណោះ។
៦ខែ ក្រោយរៀបការ William បានស្វាគមន៍កូនស្រីម្នាក់ឈ្មោះ Susunna ហើយនៅខែកុម្ភៈឆ្នាំ ១៥៨៥ លោកទទួលបានកូនភ្លោះគឺ Hamnet និង Judith ។ មិនសូវមានអ្នកដឹងពីទំនាក់ទំនងរវាងប្ដីប្រពន្ធមួយគូនេះទេ ព្រោះពួកគេរស់នៅបែកគ្នា។
២. លោកបាត់ដំណឹងរវាងឆ្នាំ ១៥៨៥-១៥៩២
William Shakespeare បាត់ពីកំណត់ត្រាប្រវត្តិសាស្ត្រក្នុងរវាងឆ្នាំ ១៥៨៥-១៥៩២ ។ ក្នុងកំលុងពេល ៧ ឆ្នាំដែលលោកបាត់ដំណឹង ប្រវត្តិវិទូខ្លះបានប៉ាន់ស្មានថា លោកទៅធ្វើការជាគ្រូបង្រៀន អ្នកខ្លះថា លោករវល់សិក្សាផ្នែកច្បាប់ និងខ្លះទៀតថា លោកបានធ្វើដំណើរជុំវិញទ្វីបអឺរ៉ុបនិងបានចូលរួមជាមួយក្រុមសម្ដែងនៅឯ Stratford។ យោងតាមទិន្នន័យមួយនាសតវត្សរ៍ទី ១៧ បានឲ្យដឹងថា អ្នកនិពន្ធរូបនេះភៀសខ្លួនបាត់ពីស្រុកកំណើត ក្រោយការរំខានពីអ្នកនយោបាយក្នុងស្រុក។
៣. លោកគ្មានប្រជាប្រិយក្នុងចំណោមអ្នកសិក្សា
អ្នកនិពន្ធនិយមបញ្ចប់រឿងបែបសោកសៅរូបនេះ មានគូប្រជែងនិងមនុស្សច្រណែនច្រើនក្នុងវិស័យរបស់ខ្លួន ជាពិសេសអ្នកនិពន្ធនិងដឹកនាំរឿងលោក Robert Greene។ លោក Robert តែងតែច្រានចោលស្នាដៃ ព្រមទាំងប្រជាប្រិយភាពរបស់ William ថាមិនសមឈរឈ្មោះក្នុងសង្គម និងថាលោកជាមនុស្សគ្មានចំណេះដឹងត្រឹមត្រូវ។
៤. លោកជាសេដ្ឋីមួយរូប
ក្រៅពីល្បីល្បាញលើការនិពន្ធ លោកក៏ជាសេដ្ឋីមួយរូបនៅជំនាន់នោះ។ ទ្រព្យប៉ាន់ស្មាន នាគ្រានោះមានប្រមាណ ១.៤ លានដុល្លារ។ William ក៏មានវិមានដ៏ស្កឹមស្កៃមួយនៅទីក្រុង Stratford-upon-Avon ចក្រភពអង់គ្លេសផងដែរ។
៥. ស្នាដៃល្បីៗ
រឿងដែល William សរសេរឡើងទទួលបានការគាំទ្រយ៉ាងសន្ធឹកពីអ្នកអានពីគ្រប់ទិសទី។ ជាពិសេសស្នាដៃរបស់លោកត្រូវបានយកផលិតជាល្ខោនសម្ដែង និងបញ្ចូលជាអក្សរសិល្ប៍ថែមទៀតផង។ ស្នាដៃល្បីៗរបស់លោកបែងចែកជាបីផ្នែករួមមាន សៀវភៅបែបកំប្លែង (រឿង The Taming of the Shrew និងរឿង Twelfth Night) សៀវភៅប្រវត្តិសាស្ត្រ (Henry IV, Henry V និង Richard III) និងប្រលោមលោកសោកនាដកម្ម (រឿង Hamlet រឿង King Lear រឿង Othello និងរឿង Romeo and Juliet) ។
អ្នកនិពន្ធ William Shakespeare បានទទួលមរណៈភាពនាថ្ងៃទី ២៣ ខែមេសា ឆ្នាំ១៦១៦ ក្នុងវ័យ ៥១ ឆ្នាំ នៅឯក្រុង Stratford-upon-Avon៕
ប្រែសម្រួល៖ សន្យា
ប្រភព៖ HISTORY
ចុចអាន៖ជីវិតដ៏អាថ៌កំបាំងរបស់កូនស្រីប្រធានាធិបតី វ្លាឌីមៀពូទីន ដែលគ្រប់គ្នាមិនធ្លាប់បានដឹង
សម្ដេច ហ៊ុន ម៉ាណែត អំពាវនាវដល់តួអង្គពាក់ព័ន្ធបន្តសហការគ្នាអនុវត្តឯកសារគតិយុត្តគោល ទាក់ទងនឹងវិទ្យាសាស្រ្ដ បច្ចេកវិទ្យា និងនវានុវត្តន៍
ខេត្តកែប បានបញ្ចប់ការវាស់វែងចុះបញ្ជីដីធ្លីមានលក្ខណៈជាប្រព័ន្ធឱ្យពលរដ្ឋ រួចរាល់ ១០០%
សាលាមធ្យមវិចិត្រសិល្បៈ ត្រូវបានជ្រើសរើសជាទីតាំងទស្សនកិច្ចរបស់ប្រតិភូស្ត្រីចក្រវាឡអន្តរជាតិ ២០២៤
នាយករដ្ឋមន្ត្រី៖ ការរៀបចំព្រឹត្តិការណ៍ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ នឹងជួយបណ្ដុះស្មារតីស្រលាញ់វិទ្យាសាស្រ្ដ
សេចក្ដីជូនដំណឹង ស្ដីពី ការអញ្ជើញចូលរួមដេញថ្លៃ គម្រោងជួសជុល និងស្ដារឡើងវិញជាបឋមនូវបណ្ដាញខ្សែកាបអុបទិកឆ្អឹងខ្នង (Backbone) នៅតាមបណ្ដោយផ្លូវជាតិលេខ២, ២២, ៣, ៣២, ៣៣, ៤ និងលេខ៧២
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១៥ ម៉ោង agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)