KPT+
ជីវិតដ៏អាថ៌កំបាំងរបស់កូនស្រីប្រធានាធិបតី វ្លាឌីមៀពូទីន ដែលគ្រប់គ្នាមិនធ្លាប់បានដឹង
ចាប់តាំងពីផ្ដើមជីវិតរៀបការដំបូងមកម្ល៉េះ ដែលមានរបាយការណ៍ថា កំពូលបុរសដ៏មានអំណាច លោក វ្លាឌីមៀ ពូទីននិងរដ្ឋបាលរបស់លោកបានតស៊ូយ៉ាងខ្លាំងក្លា ក្នុងការរារាំងប្រព័ន្ធផ្សព្វផ្សាយពិភពលោកនានា មិនឲ្យបានដឹងពីជីវិតផ្ទាល់ខ្លួន និងកូនស្រីទាំងពីរ។
ប្រធានាធិបតី វ្លាឌីមៀពូទីន បានខិតខំប្រឹងប្រែងការពារកូនៗ ពីការចាប់អារម្មណ៍នានា រហូតធ្វើឲ្យមនុស្សជាច្រើនឆ្ងល់ថា តើពូទីនពិតជាគ្មានកូនទាល់តែសោះ?
ទោះយ៉ាងណា ពាក្យចចាមអារ៉ាមបានរត់រសឹបពេញរុស្សីថា លោកពូទីនមានកូនស្រីពីរនាក់ជាមួយអតីតភរិយា ។
ក្នុងជីវិតអាពាហ៍ពិពាហ៍ដំបូងជាមួយអតីតអ្នកបម្រើតាមយន្តហោះ គឺលោកស្រី Lyudmila Shkrebneva រយៈពេល ៣ ទសវត្ស មុនពេលលែងលះគ្នាក្នុងឆ្នាំ ២០១៣ ពួកគេមានចំណងដៃ ជាកូនស្រី២នាក់ គឺ Maria និង Katerina ។
កូនច្បងនាង Maria កើតនៅ Leningrad ក្នុងឆ្នាំ ១៩៨៥ និងនាង Katerina កើតនៅអាល្លឺម៉ង់ក្នុងឆ្នាំ ១៩៨៦ពេលដែលក្រុមគ្រួសារបានត្រូវរស់នៅទីនោះកំឡុងពេលដែលឪពុកនាងធ្វើការនៅ KGB។
ទោះយ៉ាងណា ក្មេងស្រីទាំងពីរត្រូវបានដាក់ឈ្មោះតាមជីដូនដោយមាន ឈ្មោះហៅក្រៅរបស់ Maria គឺ Masha និងឈ្មោះហៅក្រៅរបស់ Katerina គឺ Katya។
នៅពេលក្រុមគ្រួសារផ្លាស់ទៅទីក្រុងមូស្គូវិញក្នុងឆ្នាំ ១៩៩៦ ក្មេងស្រីទាំងទ្វេបានចូលរៀនភាសាអាល្លឺម៉ង់ ហើយគេរាយការណ៍ថា ក្រោយមកក៏ត្រូវដកចេញពីសាលារៀនភ្លាមៗ នៅពេលដែលពូទីនក្លាយជាប្រធានស្ដីទី។
លោក Lyudmila បាននិយាយនៅក្នុងសម្រង់សម្ដីនៅលើគេហទំព័ររដ្ឋាភិបាលរបស់ពូទីនថា ” គ្មានឪពុកណាស្រឡាញ់កូនដូចលោកប្រធានាធិបតី វ្លាឌីមៀពូទីនទេ ដោយតែងតែនាំកូនស្រីឲ្យខូច ខណៈពេលដែលខ្លួនគឺជាអ្នកដែលមានតួនាទីដាក់វិន័យអប់រំពួកគេក្រោយឪពុកចេញផុត ” ។
Maria បានសិក្សាជីវវិទ្យានៅមហាវិទ្យាល័យ ហើយបានបន្តទៅសាលាពេទ្យនៅទីក្រុងមូស្គូ ចំណែកឯ Katerina មានមុខជំនាញសិល្បៈ។ កូនស្រីទាំងពីរនាក់បានចូលរៀននៅសាកលវិទ្យាល័យក្រោមអត្តសញ្ញាណមិនពិត។
បច្ចុប្បន្ន កូនស្រីច្បង គឺ នាង Maria មានអាយុ ៣៥ ឆ្នាំ ជាអ្នកស្រាវជ្រាវផ្នែកវេជ្ជសាស្ត្រ ហើយរស់នៅទីក្រុងមូស្គូជាមួយស្វាមីជនជាតិហូឡង់ ឈ្មោះ Jorrit Faassen ដោយមានកូនម្នាក់ដែលបណ្ដាញព័ត៌មានសរសេររថា មានជីតាដែលមិនសូវបានស្និទ្ធស្នាលជាមួយចៅ។
ទន្ទឹមនឹងនេះដែរ Katerina ត្រូវបានគេរាយការណ៍ថា មានជីវិតរបៀបហៃសូជាអ្នករាំរបាំកាយវិការដែលទទួលបានជោគជ័យខ្លាំងជាមួយមុខតំណែងជាន់ខ្ពស់នៅឯសាកលវិទ្យាល័យ al-mater ។ ពីឆ្នាំ២០១៣នាង Katerina បានរៀបការជាមួយមហាសេដ្ឋីរុស្ស៊ីឈ្មោះ Kirill Shamalov ប៉ុន្តែបានលែងលះគ្នាវិញនៅឆ្នាំ ២០១៨ ដោយមានទ្រព្យសរុបតម្លៃប៉ាន់ប្រមាណជា ២ ពាន់លានដុល្លារអាមេរិក។
មកទល់បច្ចុប្បន្ននេះមានការជជែកវែកញែកខ្លះៗអំពីឈ្មោះពិតប្រាកដរបស់កូនស្រីរបស់លោក ប្រធានាធិបតីដ៏មានអំណាច ព្រោះតែពូទីនតែងតែការពារកូនស្រីដោយវិធីបន្លំឈ្មោះតាំងពីពួកគេនៅតូចៗ។
ពូទីនបានព្យាយាមទាញកូនៗ ចេញពីប្រព័ន្ធផ្សព្វផ្សាយ ដោយមិនឲ្យពួកគេមានជីវិត ជាមួយឆាកនយោបាយ ដើម្បីឲ្យកូនស្រី អាចរស់នៅក្នុងជីវភាពមួយ សាមញ្ញដូចគេឯង។
ទោះបីជាមានអាថ៌កំបាំងនិងរៀបចំជីវិតបុគ្គល យ៉ាងប្រុងប្រយ័ត្នក៏ដោយ Katerina បានបង្ហាញខ្លួនជាលើកដំបូងនៅទូរទស្សន៍រដ្ឋរបស់រុស្ស៊ី ក្នុងនាមជាអ្នកជំនាញជីវវិទ្យានៅខែ ធ្នូ ឆ្នាំ ២០១៨ ។ ការបង្ហាញមុខរបស់នាងមិនបានរាប់បញ្ចូលការអត្ថាធិប្បាយដែលថា នាងទាក់ទងអ្វីនឹងលោកប្រធានាធិបតីពូទីននោះទេ រហូតដល់មួយឆ្នាំបន្ទាប់មក ទើបមាន អ្នកប្រកួតប្រជែងខាងរាំម្នាក់ ដែលបានលាតបញ្ជាក់ពីអត្តសញ្ញាណរបស់នាងថា ជាកូនស្រីរបស់ពូទីន។
ទោះយ៉ាងណា រឿងរ៉ាវលំអិតនៃជីវិតរបស់កូនស្រីទាំងពីរនៃបុរសមហាអំណាច នៅតែស្ថិតក្នុងអាថ៌កំបាំង ដែលលោកពូទីនមិនដែលមានចំណងណាមួយក្នុងការបង្ហើបដល់អ្នកណាឡើយ៕
ប្រែសម្រួល៖ សាង ស្រីល័ក្ខ
ប្រភព៖businessinsider
ចុចអាន៖ទំនោរសង្គមដែលចង់ជោគជ័យហួសហេតុពេក មនុស្សក្លាយជាបរាជ័យជាមួយបីយ៉ាងនេះ
អ្នកវិទ្យាសាស្រ្តរកឃើញថ្នាំ ជួយអ្នកខ្ជិលហាត់ប្រាណ ឲ្យឡើងសាច់ដុំដូចគេដូចឯង
រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ
អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ