៦ល្បិច​ដោះស្រាយ​ជាមួយ​មនុស្សនិយាយច្រើន បាន​យ៉ាង​មាន​ប្រសិទ្ធភាព – Kampuchea Thmey Daily
Connect with us
ធនាគារ ហត្ថា

KPT+

៦ល្បិច​ដោះស្រាយ​ជាមួយ​មនុស្សនិយាយច្រើន បាន​យ៉ាង​មាន​ប្រសិទ្ធភាព

Published

on

ពេលខ្លះអ្នកជួបជាមួយមនុស្សនិយាយច្រើន ឬដែលយើងហៅថា មនុស្សតាប៉ែមែនអត់? អ្នកប្រហែលជាមិនចង់ស្ដាប់ ឬមិនចង់ជជែកជាមួយគេឡើយ តែក៏មិនដឹងត្រូវធ្វើបែបណាឲ្យសម។

KPT Plus សូមណែនាំវិធីសាស្រ្តខ្លះៗ ដែលអាចជួយអ្នកឲ្យគេចចេញពីមនុស្សទាំងនោះ៖

ស្ដាប់យ៉ាងសុភាពរាបសារ

ជំហានដំបូងត្រូវស្តាប់ដោយអត់ធ្មត់។ ជាការចាំបាច់ផងដែរ ​ក្នុងការរកឱ្យឃើញនូវអ្វី ដែលមនុស្សនេះកំពុងព្យាយាមប្រាប់អ្នក ប្រហែលជាគេកំពុងព្យាយាមបង្ហាញអារម្មណ៍ ឬប្រហែលជាគេចង់ទទួលបានការកោតសរសើរ។ វាជារឿងល្អដែលត្រូវស្ដាប់ មុនវិនិច្ឆ័យ។

ឧស្សាហ៍សួរគេ អ្វីជាគំនិតសំខាន់នៃការសន្ទនានេះ

និយាយគ្នាកាន់តែយូរ ការឃ្លាតឆ្ងាយប្រធានបទនិយាយកាន់តែច្រើន ពីអ្វីដែលមិនទាក់ទង។ ក្នុងករណីនេះ ជាការល្អ ក្នុងការរំឮកគេពីអ្វីដែលជាចំណុចសំខាន់នៃការសន្ទនារបស់អ្នកទាំង២។ អ្នកអាចសួរគេពីរឿងដែលកំពុងជជែកនោះ ដូច្នេះគេអាចនឹងឈប់រវើរវាយចាកប្រធានបទទៀត។ វាល្អដែរ ដែលបង្ហាញដល់គេថា គេត្រូវគោរពពេលវេលា ដោយមិនគួរអូសបន្លាយពេលរបស់អ្នកឡើយ។

បង្វែរប្រធានបទ

បន្ទាប់ពីមិនអាចបញ្ឈប់គេបានភ្លាមៗអ្នកត្រូវ “បង្វែរប្រធានបទ” ។ ជំនួសឱ្យការបញ្ឈប់ការសន្ទនាទាំងស្រុង អ្នកអាចលើកនិយាយពីនេះពីនោះដូចជា រឿងរ៉ាវខ្លួនអ្នក សត្វចិញ្ចឹម ឬមិត្តរបស់អ្នក ដែលវាពិតជាមានឥទ្ធិពលជាវិជ្ជមាន។ ធ្វើបែបនេះ នឹងធ្វើឱ្យពួកគេមានអារម្មណ៍ថា គេនិយាយច្រើនតែម្នាក់ឯង ហើយពួកគេអាចនឹងឈប់និយាយ។

ប្រាប់គេថាអ្នកគ្មានពេលទេ

ពេលខ្លះអ្នកគួរតែ ប្រាប់ពួកគេថា អ្នកមិនមានពេលវេលាដើម្បីស្តាប់ពួកគេទៀតទេ។  ប្រាប់គេថា អ្នករវល់ណាស់នៅពេលនេះ ។

ក្នុងករណីខ្លះទៀតអ្នកក៏អាចត្អូញត្អែរអំពីកង្វះពេលវេលា និងកិច្ចការជាច្រើនដែលត្រូវធ្វើ។ ប្រាប់ពួកគេថា អ្នកមានកាលវិភាគកិច្ចការយ៉ាងស្កេកស្កះ ព្រោះនេះក៏អាចធ្វើល្បិចល្អមួយបានដែរ។

ប្រាប់គេពីអ្វីដែលអ្នកមិនចូលចិត្ត

ប្រសិនបើគ្មានល្បិចណាមួយ ដើម្បីបញ្ឈប់ការនិយាយជាមួយគេទេ អ្នកអាចបង្ហាញថាអ្នកមិនចូលចិត្តស្ថានភាពបែបហ្នឹង។ ប្រើភាសាកាយវិការ រួមជាមួយទឹកមុខគួរឱ្យរំខានរបស់អ្នក នឹងបង្ហាញពួកគេថា ការនិយាយរបស់ពួកគេមិនត្រូវបានស្វាគមន៍ទៀតទេ។

ដើរចេញតែម្ដង

ទង្វើនេះ ហាក់មិនថ្លៃថ្នូរប៉ុន្មានទេដែលត្រូវដើរចេញភ្លាមៗ ប៉ុន្តែវាមានប្រសិទ្ធភាព។ ប្រសិនបើឈានដល់ចំណុចដែលពួកគេកំពុងបញ្ឈប់អ្នកមិនឱ្យបំពេញភារកិច្ច​ ហើយព្រងើយកន្តើយនឹងភាសារាងកាយរបស់អ្នកទៀត នោះគឺដល់ពេលហើយដែលត្រូវចាកចេញតែម្ដង ៕

ប្រែសម្រួល៖ សន្យា

ចុចអាន៖ ៣យ៉ាងគួរ​ធ្វើ បើ​សិន​បណ្ដាញសង្គម​ធ្វើ​ឲ្យ​យើងឈឺចាប់ព្រោះរឿងដែលមិនចង់ឃើញ

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម