​មនុស្ស​ស្រី​ចរិត​ឆ្នាសឆ្នើម តាម​ពិត​មាន​លក្ខណៈ​ពិសេស​បែបនេះ​ – Kampuchea Thmey Daily
Connect with us
ធនាគារ ហត្ថា

KPT+

​មនុស្ស​ស្រី​ចរិត​ឆ្នាសឆ្នើម តាម​ពិត​មាន​លក្ខណៈ​ពិសេស​បែបនេះ​

Published

on

ពាក្យ​ស្លោក​មួយ​ពោល​ថា “កុំ​វិនិច្ឆ័យ​សៀវភៅ​ដោយសារ​គម្រប” មិន​ខុស​អី​នឹង​អត្ថន័យ​ដែល​ថា “កុំ​មើល​មនុស្ស​​ពី​សម្បក​ក្រៅ”​ នោះ​ទេ។

ជួនកាល មនុស្សយើង​មិន​អាច​មើល​តែ​ការ​សម្ដែង​ចេញ​ខាងក្រៅ រួច​កាត់​សេចក្ដី​ថា គេ​នោះ​ជា​មនុស្ស​ល្អ​ឬ​អាក្រក់​បាន​ឡើយ។ អ្នកខ្លះ សុភាព ចរិត​មឹះៗ តែ​លាក់កំណួច រី​ឯ​អ្នក​ខ្លះ មាត់​ដាច​កាច​ឆ្នាស តែ​មាន​ចិត្ត​ល្អ​បរិសុទ្ធ។

យ៉ាងណាមិញ មនុស្ស​ស្រី​ឆ្នាស​ឆ្នើម​ក៏​ដូចគ្នា តាមពិត​ពួក​នាង​មាត់​មិន​សូវ​ល្អ​ប៉ុន្មាន​មែន តែ​ចរិត​ពិត​មិន​អាក្រក់​ដូច​មាត់​ខ្លួន​ឡើយ ហើយ​ខាងក្រោម​ជា​លក្ខណៈ​ពិសេស​របស់​នារី​កាចៗ​ទាំងនោះ៖

ភាគច្រើន​មាត់​អាក្រក់​មាន​ចិត្ត​ល្អ

មនុស្ស​ស្រី​កាចៗ​ភាគ​ច្រើន​ ​សម្ដី​គ្មាន​ភាព​ទន់​ភ្លន់​នោះ​ទេ។​ នាង​ជា​មនុស្ស​ឃើញ​បែប​ណា ថា​ឲ្យ​បែប​នោះ ​គឺ​ចំៗ​កណ្ដាល​មុខ​ មិន​ចេះ​លាក់​ឡើយ។ ប៉ុន្តែ​នាង​ជា​នារី​ម្នាក់​ដែល​រមែង​ចេញ​មុខ​​ជួយ​អ្នកដទៃ​ បើ​ខ្លួន​យល់​ថា​គេ​គ្មាន​កំហុស។​ មួយវិញទៀត​មនុស្ស​ស្រី​បែប​នេះ​ច្រើន​តែ​អាណិត​គេ​ ព្រមទាំង​ធ្វើ​បុណ្យ​ដាក់​ទាន​ដោយ​សុទ្ធចិត្ត​បំផុត។ ​

ឆ្នាសឆ្នើម​រមែង​មាន​វិន័យ​ល្អ

​នារីៗ​ដែល​ឆ្នាសឆ្នើម ​ភាគច្រើន​តឹងរ៉ឹង​ណាស់​។ ដោយសារ​មូលហេតុ​នេះ​នាង​ចូលចិត្ត​ធ្វើ​អ្វី​ឲ្យ​បាន​លម្អិត​ផ្ចិតផ្ចង់​ខ្លាំង​ដូចគ្នា​។​ ចំពោះ​ទីណា​ដែល​មាន​មនុស្ស​ស្រី​ប្រភេទ​នេះ​ធ្វើការ​ជាមួយ ​ទីនោះ​រមែង​រីកចម្រើន ព្រោះ​នាង​ហ្មត់ចត់ ហើយ​នឹង​ធ្វើ​ឲ្យ​អ្នក​នៅ​ជុំ​វិញ​ខ្លួន​អភិវឌ្ឍ។​

មានគោលដៅនឹងធឹង

មនុស្ស​ស្រី​កាច ភាគច្រើន​មាន​ភាព​ច្បាស់​លាស់​ ហេតុនេះ​នាង​មាន​ទំនុក​ចិត្ត​ខ្ពស់​ក្នុង​ការ​សម្រេច​កិច្ចការ​នានា ហើយ​កម្រ​​ចុះ​ញ៉ម​នឹង​គំនិត​អ្នកដទៃ។​ ជា​ទូទៅ​នាង​ត្រូវ​បាន​គេ​ស្អប់​ព្រោះ​តែ​ភាព​ជា​ម្ចាស់​ការ​​ និង​ការ​បញ្ចេញ​យោបល់​របស់​ខ្លួន​ទៅ​លើ​រឿង​អ្វី​មួយ​ដែល​ខុស​ឆ្គង​របស់​អ្នក​ផ្សេង​។​ ប៉ុន្តែ​ការងារ​ដែល​ដឹកនាំ​ដោយ​មនុស្ស​ស្រី​បែប​នេះ ​រមែង​ទទួល​បាន​ជោគជ័យ​ខ្ពស់​ច្រើន៕

ប្រែសម្រួល៖ សន្យា

ប្រភព៖ ​Bright Side

ចុចអាន៖វិធីជ្រើសរើសអំណោយដ៏ល្អសម្រាប់តារានិករទាំង១២

ចុចអាន៖ឧស្សាហ៍រងា​ខុស​ធម្មតា គួរតែមើលពីមូលហេតុនិងវិធីទប់ស្កាត់ទាំងនេះ

Advertisement

ចុច Like Facebook កម្ពុជាថ្មី

Advertisement

ព័ត៌មានពេញនិយម