៩ ​ច្បាប់​មហា​តឹងរ៉ឹង​សម្រាប់​​អ្នក​បម្រើ​ការ​លើ​យន្តហោះដែល​មនុស្ស​ភាគ​ច្រើន​មិន​ដឹង – Kampuchea Thmey Daily
Connect with us

KPT+

៩ ​ច្បាប់​មហា​តឹងរ៉ឹង​សម្រាប់​​អ្នក​បម្រើ​ការ​លើ​យន្តហោះដែល​មនុស្ស​ភាគ​ច្រើន​មិន​ដឹង

Published

on

មនុស្ស​មិនតិចទេ​មាន​ក្ដី​ស្រមៃ​ចង់​ក្លាយ​ជា​អ្នក​បម្រើ​ការ​លើ​តាមយន្តហោះ ​​។ ​ការ​ស្រ​មើ​ស្រមៃ​នេះ ស្ដាប់​មើល​ទៅ​ពិត​ជា​ល្អ​ណាស់ ​ប្រ​សិន​បើ​ពួកគេ​ជាប់​ការ​​សម្ភាសន៍​​! ​ប៉ុន្តែ​​ការ​ពិត​នៃ​ការ​ធ្វើជា​អ្នក​បម្រើ​តាមយន្តហោះ ​ខុស​គ្នា​ពី​អ្វី​ដែល​ពធ្លាប់បាន​មើល​ឃើញ នៅ​ពេល​ដែល​ពួកគេ​នៅ​វ័យ​កុមារ។

ជា​កា​រ​ពិត​ ការ​ងារ​នេះលំបាកបន្តិចហើយ ​ថែម​ទាំង​មាន​ច្បាប់​ជា​ច្រើន​ទៀត​ដែល​បុគ្គលិក​ត្រូវ​ធ្វើតាម ប្រសិន​បើ​ចង់​ទទួល​ជោគជ័យ​លើ​អា​ជីព​មួយ​លើអាកាសា។ បុគ្គលិក​ហោះហើរ​ក៍​ត្រូវ​តែ​អនុវត្ត​តាមច្បាប់​ដ៍​តឹងរ៉ឹង​ ហើយភាគច្រើន​នៃ​ច្បាប់​ទាំងនោះ ​អនុវត្ត​នៅ​ពេល​ដែល​ពួកគេ​កំពុង​ធ្វើការ ប៉ុន្តែ​ទោះបី​ជា​ក្រៅវេន​របស់​ពួក​គេក៏​ដោយ ច្បាប់​មួយ​ចំនួន​នៅតែ​ត្រូវ​​អនុវត្ត​ដដែល។

១. សក់ក្បាល​ត្រូវ​មាន​របៀប​បំផុត

ក្រុមហ៊ុន​អាកាសចរណ៍ នឹងរង​​កេរ្តិ៍​ឈ្មោះអាក្រក់ ​ប្រសិន​បើ​អ្នក​បម្រើ​តាមយន្តហោះ​មើល​ទៅ​មិន​ស្អាតបាត។ ដូច្នេះ​មាន​ច្បាប់​ដ៏តឹងរ៉ឹង​មួយ​នៅ​នឹង​កន្លែងធ្វើការ ដើម្បី​ធ្វើ​ឱ្យ​ប្រាកដ​ថា បុគ្គលិក​ហោះហើរ​ទាំងអស់ ត្រូវតែ​មើល​ទៅ​ល្អ​ឥត​ខ្ចោះ​បំផុត។ ក្រុមហ៊ុន​អាកាសចរណ៍​ជាច្រើន​តែងតែ​មាន​ច្បាប់​ហ្មត់ចត់ណាស់ពី​សក់​ក្បាល​របស់​បុគ្គលិក​ខ្លួន។

២. ​​ថែម​ម្សៅក្រែម​រហូត ប៉ុន្តែ​មិន​អាច​ឲ្យ​អ្នក​ដំណើរ​​ឃើញ​នោះ​ទេ

ពួកគេ​អាច​មិន​ចាំបាច់​ជា​អ្នក​ផាត់​មុខ​​មាន​សមត្ថភាព​ដើម្បី​ក្លាយ​ជា​អ្នក​បម្រើការ​តាម​យន្តហោះ​នោះ​ទេ ប៉ុន្តែ​​ត្រូវ​តែ​ដឹង​ពី​របៀប​ផាត់​មុខ​ដោយ​ខ្លួនឯង។ នោះ​គឺ​ដោយសារ​តែ​ក្រុមហ៊ុន​អាកាសចរណ៍​មួយ​ចំនួន​តម្រូវ​ឱ្យ​ធ្វើការ​តុបតែង​មុខ​​អំឡុង​ពេល​ហោះហើរ ជាមួយ​នឹង​ការបម្រើ​អាហារ ​ព្រមទាំងភារកិច្ច​ផ្សេងៗ​ទៀត។ មូលហេតុនេះក៏​អាច​ធ្វើឲ្យ​អ្នក​ដែល​ពាក់ eyeliner ក្នុង​កំឡុង​ពេល​បំពេញ​ការងារ​ជួបកាលបាកផងដែរ។ ខណៈ​​ដែល​អ្នក​បម្រើ​ការ​ហោះ​ហើរ​ជា​ស្ត្រី ត្រូវបាន​តម្រូវ​ឱ្យ​មានផាត់​មុខ​ថែម​រហូត ក្នុង​អំឡុង​ពេល​ហោះហើរ ប៉ុន្តែ​ពួកគេ​មិន​ត្រូវ​បាន​អនុញ្ញាត​ឱ្យ​ធ្វើ​បែប​នេះ​នៅ​ចំពោះ​មុខ​អ្នកដំណើរ​ណា​ម្នាក់​ឡើយ។

៣. ហាមចង​​​​អាវ​ជុំវិញ​ចង្កេះ​

នៅ​តាម​ក្រុមហ៊ុន​អាកាសចរណ៍​ភាគច្រើន ការ​ធ្វើជា​បុគ្គលិក​​ហោះហើរ ប្រៀបបាននឹងរៀននៅ​សាលាដែលមាន​ច្បាប់​​ដ៍​​តឹង​រឹង​មួយដូចច្នោះដែរ ​នោះគឺ បុគ្គលិកគ្រប់គ្នា​ត្រូវ​ប្រកាន់ខ្ជាប់​ដោយ​ស្លៀកពាក់​ឯក​សណ្ឋាន​ជានិច្ច។ ដោយសារ​តែ​អ្នក​បម្រើ​ជើង​ហោះហើរ​គឺ​តំណាង​ឱ្យ​ក្រុម​ហ៊ុន​អាកាសចរណ៍​ ដូច្នេះ​នៅ​ពេលណា​ដែល​ពួកគេ​ស្ថិត​ក្នុង​ឯកសណ្ឋាន​របស់​ក្រុមហ៊ុន​ ពួកគេ​ត្រូវតែ​មើល​ទៅ​រៀបរយ​គ្រប់​ពេល​នៅ​លើ​​យន្ដហោះ។ សូម្បី​តែ​បន្ទាប់​ពី​ការ​ផ្លាស់​​ប្តូរ​វេន​ធ្វើការ​​បាន​បញ្ចប់​​ក៏ដោយ។ ជាពិសេសក្នុង​ពេល​ហោះហើរ​ បុគ្គលិកមិន​ត្រូវ​បាន​អនុញ្ញាត​ឱ្យ​ចង​ខ្សែ​​ក្រ​វ៉ាត់​​បូ​នៅ​ជុំវិញ​ចង្កេះ​ទេ។ ពួកគេ​គ្រាន់តែ​ដាក់​វា​នៅ​ជុំវិញ​ស្មា​​តែ​​ប៉ុណ្តោះ។

៤. ហាមទទួល​យក​លុយ​ធីប​ពី​អ្នក​ដំណើរ​

លោក​អ្នកអាចធ្លាប់គិតថា បុគ្គលិកអាកាចរណ៍មាន​​ទម្លាប់​​ទទួលលុយធីប​​មិនខាន។ ប៉ុន្តែ​យោង​ទៅ​តាម​សារ​ពត៍​មាន Reader’s Digest អ្នកបម្រើជើង​ហោះហើរទាំងអស់​មិន​ត្រូវ​បាន​អនុញ្ញាត​ឱ្យ​ទទួលយក​ធីប​ ឬអំណោយ​អ្វី​នោះ​ទេ បើ​ទោះបី​ជា​ពួកគេ​បាន​ផ្ដល់​សេវាកម្ម​ពិសេស​យ៉ាង​ណា​ក៏ដោយ។

ពេលខ្លះ​ពួកគេ​អាច​ទទួល​យក​បាន ប្រសិន​បើ​អ្នក​ដំណើរ​ទទូច​ចង់​ឲ្យ​ទៅ​ពួកគេ។ បុគ្គលិក​ក្រុមហ៊ុន​ខ្លះ​អាច​ទទួល​យក​បាន តែ​​ជា​កាត​ជូនពរ ឬ​អំណោយ​ផ្សេងៗ ប៉ុន្តែ​មិនមែន​ជា​សាច់​ប្រាក់​សុទ្ធ​នោះ​ទេ។

៥. ហាមប្រើ​​ថ្នាំ ឬឧបករណ៍​វេជ្ជសាស្ត្រ​លើ​យន្តហោះ​

គ្រប់យន្តហោះ​តែងតែឧបករណ៍​វេជ្ជសាស្ត្រ​នៅ​លើ​នោះ ក្នុង​ករណី​មាន​​អាសន្ន​ណាមួយ។ សមាជិក​បុគ្គលិក​ក្នុង​ការ​ហោះហើរ មាន​ការ​បណ្ដុះបណ្ដាល​ពិសេស ដូច្នេះ​ពួកគេ​ដឹង​ពី​អ្វី​ដែល​ត្រូវ​ធ្វើ ក្នុង​ករណី​មាន​អាសន្ន ប៉ុន្តែ​ក្នុង​ពេល​តែ​មួយ​ពួកគេ​មិនមែន​ជា​វេជ្ជបណ្ឌិត​ដែល​មាន​លក្ខណៈ​សម្បត្តិ​គ្រប់​គ្រាន់​ទេ។ នេះ​មានន័យថា មាន​របស់​ខ្លះ​នៅ​ក្នុង​​ឧបករណ៍​ពេទ្យ​ដែល​ពួកគេ​មិន​ត្រូវ​បាន​អនុញ្ញាត​ឱ្យ​ប្រើ។

ឧទាហរណ៍​ ពួកគេ​មិន​ត្រូវ​បាន​អនុញ្ញាត​ឱ្យ​ប្រើ​ស៊ឺ​រាំង​ចាក់​បញ្ចូល​ក្នុង​ស៉េ​រ៉ូម​ឡើយ លុះ​ត្រា​តែ​ពួកគេ​ត្រូវ​បាន​បណ្ដុះបណ្ដាល​​ជា​ផ្លូវ​ការ​សិន។ ប៉ុន្តែ​សូម​កុំ​បារម្ភ​អី ប្រសិន​បើ​អ្នក​កើត​មាន​ជំងឺ​ក្នុង​ពេល​ហោះហើរ ​ពេលនោះនឹងមាន​គ្រូពេទ្យ​នៅ​លើ​យន្តហោះ ឬ​បុគ្គលិក​ផ្សេងទៀតដែល​មាន​លក្ខណៈសម្បត្តិ​គ្រប់គ្រាន់​ក្នុង​ការ​ព្យាបាល។

៦. ពួកគេ​មិន​អាច​សុំ​ជំនួយ​ទេ ​ពេល​លើក​របស់​ធ្ងន់ៗ

ក្នុង​នាម​ជា​អ្នក​បម្រើ​តាម​យន្តហោះ​ ជួន​កាល​ពួកគេ​ត្រូវ​ធ្វើការ​ធ្ងន់​បន្តិច។

បើ​ទោះ​បី​អ្នក​ដំណើរ​ មាន​ទំ​​នួល​ខុស​ត្រូវ​ក្នុង​ការ​លើក​ឥវ៉ាន់​ផ្ទាល់​ខ្លួន​ចូល​ក្នុង​កាប៊ីន​ខាងលើ​របស់​ពួក​គេ​ក៏​ដោយ ប៉ុន្តែ​ចៀសមិន​ផុត​ទេ ពេល​ខ្លះ​ការងារ​​នេះ​នឹង​ធ្លាក់​ទៅលើ​បុគ្គលិក​ហោះហើរ​នៅ​ពេល​អ្នក​ដំណើរ​មិន​អាច​ធ្វើ​បាន​ដោយ​ខ្លួនឯង។​ លើស​ពី​នេះ​ទៅទៀត​មាន​របស់​ជា​ច្រើន​ទៀត​ក្នុង​កំឡុង​ពេល​ហោះហើរ ដែល​ពួកគេ​ប្រហែល​ជា​ត្រូវ​លើក។ ប៉ុន្តែ​វា​នឹង​ខុស​ច្បាប់​ក្រុមហ៊ុន បើ​ពួក​គេ​​ហ៊ាន​ស្នើ​សុំ​ជំនួយ​ពី​អ្នកដំណើរ។

៧. មិនត្រូវឲ្យគេឃើញស្នាម​សាក់​ដាច់ខាត

ខណៈ​​បុគ្គលិក​​កំពុង​បំពេញការងារ ពួកគេ​ត្រូវ​តែ​លាក់​ស្នាម​សាក់​របស់​ខ្លួនពី​អ្នក​ដំណើរ។ នេះ​មាន​ន័យ​ថា ទាំង​ការ​ចាក់​សាក់​ដែល​អាច​មើល​ឃើញ​លើស្បែក ឬតុប​តែង​មុខ ​ឬលេចតិចតួចតាម​​សម្លៀក​បំពាក់​ក្ដី។​ ក្នុង​ករណី​ខ្លះ​បុគ្គលិក​ក្រុមហ៊ុន​អាកាសចរណ៍ នឹង​មិន​ត្រូវ​បាន​សម្ភាសន៍​ជាប់​នៅ​កន្លែង​ធ្វើការ​ដំបូង​ឡើយ ប្រសិន​បើ​ពួកគេ​មាន​ស្នាម​សាក់​នៅ​តាម​ដង​ខ្លួន ដែល​អាច​ឲ្យ​អ្នក​ដំណើរ​មើល​ឃើញ។ ​ ជា​ពិសេស​ក្រុមហ៊ុន​អាកាសចរណ៍​អង់គ្លេស British Airways មិន​​អនុញ្ញាត​ឱ្យ​បុគ្គលិក​ក្នុង​ការ​ហោះហើរ​ចាក់​សាក់​ជើងដាច់ខាត​ ​សូម្បី​ប្រើ​ស្រោម​ជើង​បិត​បាំង​ក៏ដោយ។ ដូច្នេះ ​ជា​ការ​ប្រសើរ​ ប្រសិន​បើ​ពួកគេ​មិន​មាន​ស្នាម​សាក់​នៅ​ប្រអប់ជើង។

៨. ​ត្រូវ​បិទបាំង​ស្នាម​មុន​ឲ្យ​ជិត

ក្រុមហ៊ុន​អាកាសចរណ៍ ក៏​មិន​ខុស​គ្នា​ជាមួយ​និង​ក្រុមហ៊ុន​ហូលីវូដ​​ដែរ។ ដើម្បី​រក​ប្រាក់​ចំណេញ ពួកគេ​ត្រូវ​តែ​សម្លឹង​មើល​អ្នកដាក់ពាក្យ​ដោយ​ផ្អែក​លើ​មុខ​មាត់​ស្រស់​ស្អាត​ជានិច្ច។

ឧទាហរណ៍​ក្រុមហ៊ុន Jet Airways ត្រូវ​ការ​ឲ្យបុគ្គលិក​​ទាំងអស់ ចាំបាច់​មាន​មុខមាត់​ស្រស់​ស្អាត និងមិន​ឲ្យ​ឃើញ​មុន​សូម្បី​មួយ​គ្រាប់ ខណៈ​ពេល​ពួកគេ​កំពុង​តែ​បំពេញ​ការងារ​របស់​ខ្លួន។

៩. ហាម​ផឹក​គ្រឿងស្រវឹងលើយន្តហោះ សូម្បី​តែ​ពេល​ចប់​វេន​ក៏​ដោយ

គ្មាន​អ្វី​គួរ​ឱ្យ​ភ្ញាក់​ផ្អើល​ទេ​ដែល​បុគ្គលិក​ក្នុង​យន្តហោះ​មិន​ត្រូវ​បាន​អនុញ្ញាត​ឱ្យ​ផឹកស្រា​នៅ​ពេល​ពួកគេ​កំពុង​ធ្វើការ។ ​ការ​ហោះហើរ​នឹង​​មាន​សុវត្ថិភាព សម្រាប់​អ្នក​ដំណើរ ​ប្រសិន​បើ​​ពុំ​មាន​ករណី​អ្វី​កើតឡើង។ ប៉ុន្តែ​អ្វី​ដែល​គួរ​ឲ្យ​ចាប់​អារម្មណ៍​នោះ​គឺ​ថា បុគ្គលិក​​ហោះហើរ​ក៏​មិន​ត្រូវ​បាន​អនុញ្ញាត​ឱ្យ​ផឹក​អ្វី​ទាំង​អស់ សូម្បី​នៅ​ពេល​ចប់​វេន​របស់​ពួក​គេ​ក៏ដោយ ៕

ប្រែសម្រួល៖ សាង ស្រីល័ក្ខ

ចុចអាន៖ កំពូលម៉ូឌែលស៊ីថ្លៃបំផុត៥រូប ក៏ជាសេដ្ឋីនីប្រចាំឆ្នាំ ២០២០

ចុច Like Facebook កម្ពុជាថ្មី

ព័ត៌មានជាតិ3 hours ago

ប្រមុខ​ការទូត​កម្ពុជា ៖ ទោះបី​មានការ​ចាក់​វ៉ាក់សាំង​ជំងឺ​កូ​វីដ​១៩​ក៏ដោយ គេ​ពុំទាន់​មើលឃើញ​ប្រក្រតីភាព នៃ​ដំណើរការ​សេដ្ឋកិច្ចពិភពលោក​នៅឡើយ​ទេ

ព័ត៌មានជាតិ3 hours ago

ឆ្នាំ​២០២០​រដ្ឋាភិបាល​ បាន​ចំណាយ​ថវិកា​៣៨​លាន​ដុល្លារ​ជួយ​ដល់​មន្ទីរពេទ្យ​គន្ធបុប្ផា​ទាំង​៥

ព័ត៌មានជាតិ3 hours ago

សង្ស័យ​ចុះ​ជួយ​សត្វ​ឆ្កែ​ធ្លាក់​ទឹក បែរជា​លង់ទឹក​ស្លាប់​២​នាក់​ម្តាយកូន​យ៉ាង​អាណោចអាធ័ម​

ព័ត៌មានជាតិ4 hours ago

ឆេះ​ឃ្លាំង​ស្តុក​សម្ភារៈសំណង់ និង​ខ្សែភ្លើង សំណាង​មិន​មាន​គ្រោះថ្នាក់​ដល់​មនុស្ស

ព័ត៌មានជាតិ4 hours ago

លោក សុខ ទូច​ ៖ ដើម្បី​ឲ្យ​រោងចក្រ និង​សង្វាក់​ផលិតកម្ម​នៅ​ឧទ្យាន​ជាតិ​តេ​ជោ​សែន​ឫស្សី​ត្រឹប អាច​ដើរ​បាន យើង​ត្រូវការ​គោ​ទឹកដោះ​ចំនួន​៣០០​ក្បាល

ព័ត៌មានពេញនិយម