ព័ត៌មានជាតិ
លោក ជា ចាន់តូ ចូលរួមកិច្ចប្រជុំតុមូលថ្នាក់រដ្ឋមន្ត្រីហិរញ្ញវត្ថុនិងទេសាភិបាលធនាគារកណ្តាលអាស៊ាន
លោក ជា ចាន់តូ ទេសាភិបាល ធនាគារជាតិនៃកម្ពុជា បានចូលរួមកិច្ចប្រជុំតុមូលថ្នាក់រដ្ឋមន្ត្រីហិរញ្ញវត្ថុនិងទេសាភិបាលធនាគារកណ្តាលអាស៊ាន ប្រចាំឆ្នាំ២០២០ ដោយមានការចូលរួមពីលោកស្រី Kristalina Georgieva នាយិកាគ្រប់គ្រងមូលនិធិរូបិយវត្ថុអន្តរជាតិ (IMF) តាមរយៈ Video Conference។
កិច្ចប្រជុំដែលបានធ្វើឡើងនៅថ្ងៃទី២២តុលា ត្រូវបានរៀបចំឡើងក្នុងគោលបំណងផ្តល់ឱកាសដល់ថ្នាក់ដឹកនាំវិស័យហិរញ្ញវត្ថុអាស៊ាន បានផ្លាស់ប្តូរយោបល់និងពិភាក្សាពីបញ្ហាប្រឈម ការអនុវត្តគោលនយោបាយ ព្រមទាំងស្នើសុំជំនួយទៅ IMF។
នៅឆ្នាំ២០២០នេះ កិច្ចប្រជុំបានពិភាក្សាអំពីការអនុវត្តនយោបាយចម្រុះ ក្នុងនោះរួមមាននយោបាយរូបិយវត្ថុ នយោបាយអត្រាប្តូរប្រាក់ នយោបាយម៉ាក្រូប្រុងប្រយ័ត្ន និងវិធានការគ្រប់គ្រងលំហូរមូលធន ជាដើម ដើម្បីទប់ទល់នឹងវិបត្តិ ក៏ដូចជាស្តារសេដ្ឋកិច្ចឡើងវិញ ក្រោយពីវិបត្តិកូវីដ១៩។ តាមរយៈបទពិសោធន៍ពីការអនុវត្តនយោបាយចម្រុះកន្លងមក នៅក្នុងប្រទេសចំនួន ៧ (ប្រេស៊ីល ឥណ្ឌូនេស៊ី សាធារណរដ្ឋកូរ៉េខាងត្បូង ម៉ិកស៊ិក ប៉េរូ ថៃ និងម៉ាឡេស៊ី) មូលនិធិរូបិយវត្ថុអន្តរជាតិ បានចងក្រងជាឯកសារស្រាវជ្រាវមួយសម្រាប់បម្រើដល់ការអនុវត្តនយោបាយចម្រុះ ឲ្យមានប្រសិទ្ធិភាព ទៅតាមស្ថានភាពប្រទេសនីមួយៗ។
ជារួម រដ្ឋមន្ត្រីហិរញ្ញវត្ថុ និងទេសាភិបាលធនាគារកណ្តាលអាស៊ាន បានវាយតម្លៃខ្ពស់ចំពោះលទ្ធភាពនៃការស្រាវជ្រាវរបស់មូលនិធិរូបិយវត្ថុអន្តរជាតិ និងបានស្នើឲ្យមូលនិធិរូបិយវត្ថុអន្តរជាតិបន្តជួយប្រឹក្សាលើការអនុវត្តនយោបាយ ជាពិសេសការផ្តល់ការសម្របសម្រួលលើការអនុវត្តនយោបាយឆ្លងប្រទេស ដោយសារតែកន្លងមកការអនុវត្តនយោបាយ នៅក្នុងប្រទេសមួយអាចមានឥទ្ធិពលដល់ប្រទេសដទៃទៀត ជាពិសេសពីប្រទេសអភិវឌ្ឍន៍ទៅប្រទេសកំពុងលូតលាស់។
កិច្ចប្រជុំក៏បានវាយតម្លៃខ្ពស់ចំពោះការអនុវត្តនយោបាយវិត្ថារកម្មទាំងផ្នែកសារពើពន្ធនិងរូបិយវត្ថុ ដើម្បីជួយជ្រោងសកម្មភាពសេដ្ឋកិច្ចឲ្យងើបឡើងវិញ, គាំទ្រឲ្យមានការប្រើប្រាស់នយោបាយម៉ាក្រូប្រុងប្រយ័ត្ននិងវិធានការគ្រប់គ្រងលំហូរមូលធន ក្នុងគោលដៅពង្រឹងស្ថិរភាពហិរញ្ញវត្ថុ និងអត្រាប្តូរប្រាក់ជាដើម។ លើសពីនេះ គោលនយោបាយចម្រុះទាំងនេះ ត្រូវអនុវត្តឡើងដោយមានការសម្របសម្រួល និងពេលវេលាច្បាស់លាស់ ជាពិសេស ការរក្សានូវឯករាជ្យភាពរបស់ធនាគារកណ្តាល។
គួរបញ្ជាក់ថា មូលនិធិរូបិយវត្ថុអន្តរជាតិតែងតែផ្តល់ការគាំទ្រដល់រាជរដ្ឋាភិបាលកម្ពុជា ក៏ដូចជាធនាគារជាតិនៃកម្ពុជា ក្នុងការអភិវឌ្ឍធនធានមនុស្ស ជួយតាមដានស្ថានភាពសេដ្ឋកិច្ច និងផ្តល់ប្រឹក្សាផ្នែកនយោបាយសេដ្ឋកិច្ច។ ក្នុងនាមជាតំណាងកម្ពុជា ក្នុងក្រុមប្រឹក្សាទេសាភិបាល របស់មូលនិធិរូបិយវត្ថុអន្តរជាតិ លោក ជា ចាន់តូ បានពង្រឹងកិច្ចសហប្រតិបត្តិការល្អជាមួយមូលនិធិរូបិយវត្ថុអន្តរជាតិ ហើយកន្លងមក ថ្នាក់ដឹកនាំជាន់ខ្ពស់របស់មូលនិធិរូបិយវត្ថុអន្តរជាតិបានមកបំពេញទស្សនកិច្ចនៅកម្ពុជាជាបន្តបន្ទាប់៕
អត្ថបទ៖ សំអឿន
សូមចុចអាន៖ លោក ប៉ា សុជាតិវង្ស ៖មនុស្សមិនចេះទុកដាក់សំរាមឲ្យបានត្រឹមត្រូវ គេហៅថាមនុស្សសំរាម
ថៃកំពុងបង្ខិតប្រទេសរបស់ខ្លួនឱ្យស្របច្បាប់ចំពោះការស្រឡាញ់ភេទដូចគ្នា
ស្លាប់កម្មករម្នាក់ របួសធ្ងន់ស្រាល៣នាក់ក្នុងករណីបាក់ជញ្ជាំងអាងស្តុកទឹក នៅសង្កាត់គោករកា
លោកបណ្ឌិត លី ធុជ ដឹកនាំកិច្ចប្រជុំតាមប្រព័ន្ធអនឡាញ ដើម្បីជំរុញកិច្ចសហប្រតិបត្តិការ និងពង្រឹងអនុលោមភាពនៃអនុសញ្ញាអូតាវ៉ាក្នុងចំណោមរដ្ឋភាគី
កុំភ្លេចត្រៀម CV! ស្អែកនេះ ឱកាសការងារថ្មីបន្ថែមទៀតជិត ៥០០ កន្លែងក្នុងវេទិកាការងាររបស់ NEA
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលស្តីពីសុវត្ថិភាពអគ្គិភ័យនៅតាមសហគ្រាស គ្រឹះស្ថាន
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ