ព័ត៌មានជាតិ
ពិធីបួងសួងសុំសេចក្ដីសុខ ថ្វាយសព្ទសាធុការ ដល់សម្តេចព្រះសង្ឃរាជ ទេព វង្ស នៅបរិវេណប្រាសាទអង្គរធំ
ពិធីបួងសួងសុំសេចក្ដីសុខ ថ្វាយសព្វសាធុការដល់សម្តេចព្រះសង្ឃរាជ ទេព វង្ស ដើម្បីជាពីរោគានិងពិធីអន្ទងព្រលឹង ដែលបានធ្វើឡើងនៅបរិវេណប្រាសាទអង្គរធំ កាលពីព្រឹកថ្ងៃទី០៨ ខែវិច្ឆិកា ឆ្នាំ២០២០។
ពិធីបួងសួង និង អន្ទងព្រលឹងសុំព្រះព្រលឹងព្រះអង្គយាងនិមន្តចូលព្រះរូបព្រះរាងកាយរបស់ព្រះអង្គ គឺជាពិធីមួយដ៏សំខាន់មិនអាចខ្វះបានឡើយ ដែលបានប្រារព្ធឡើងនៅវត្តទេពប្រណម្យក្នុងបរិវេណប្រាសាទអង្គរធំ ក្នុងខេត្តសៀមរាប ដើម្បីបន់ស្រនសុំសេចក្តីសុខ សេចក្តីចម្រើន ប្រគេនថ្វាយសព្វសាធុការដល់សម្តេចអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចមហាសង្ឃរាជនៃព្រះរាជាណាចក្រកម្ពុជា ដែលមានជំងឺដោយរោគាពាធ សូមឲ្យព្រលឹងព្រះអង្គចូលមកប្រស្និតនៅក្នុងព្រះកាយរបស់ព្រះអង្គ ឲ្យបានដឹងព្រះកាយឡើងវិញ និង បានរួចចាកផុតពីទុក្ខភ័យទាំងឡាយទាំងពួង ដែលកំពុងតែយាយីដោយព្រះរោគាព្យាធិនៃព្រះកាយរបស់ព្រះអង្គ សូមឲ្យទទួលបានតែសេចក្តីសុខសប្បាយ និង ផុតទុក្ខសោករោគាឧបទ្រពចង្រៃ សូមឲ្យវិនាសចេញពីព្រះកាយរបស់ព្រះអង្គ។
ពិធីបួងសួង អន្ទងព្រលឹងនេះ បានធ្វើទៅពីរកន្លែងផ្សេងគ្នា ពេលព្រឹកធ្វើនៅលោកតារាជ មុខប្រាសាទអង្គរវត្ត និង ពេលរសៀលធ្វើនៅវត្តទេពប្រណម្យ ក្នុងបរិវេណប្រាសាទអង្គរធំ ក្រោមការរៀបចំរបស់ព្រះគុណ្ណវិឌោ សន សារិទ្ធ ព្រះសមុខអនុគណក្រុងសៀមរាប និង ជាព្រះគ្រូចៅអធិការវត្តព្រឹន្ទ ដោយមានវត្តមានចូលរួមរបស់ឯកឧត្តម ទេព សំអាន អគ្គរងហិរញ្ញវត្ថុនិងភសភាក្រសួងការពារ និង មន្ត្រីរាជការ ព្រះសង្ឃ សិស្សគុណ ព្រមទាំងពុទ្ធបរិស័ទយ៉ាងច្រើនកុះករ បានអញ្ជើញចូលរួម កាលពីថ្ងៃទី០៨ ខែវិច្ឆិកា ឆ្នាំ២០២០នេះ។
បន្ទាប់ពីធ្វើកិច្ចទៅតាមបែបព្រះពុទ្ធសាសនា និង ព្រហ្មញ្ញសាសនា នឹងព្រលឹងដើមរួចមក លោកអាចារ្យបានប្រកាសអំពាវនាវដល់ពពួកទេវតា អារុកអារក្ស អ្នកសច្ចំបាំងបទ និងវត្ថុស័ក្ដិសិទ្ធិក្នុងលោកនាឱកាសនោះ ដើម្បីអញ្ជើញយាងឲ្យមកសណ្ឋិតនៅក្នុងពិធីបួងសួងនេះ ជាប្រយោជន៍សម្រាប់ប្រគេនថ្វាយព្រះពរសព្វសាធុការ នឹង ប្រោសព្រហ្ម សណ្តោសដល់ព្រះជន្មាយុសង្ខារ និងអន្ទងព្រលឹងសុំព្រះព្រលឹងព្រះអង្គយាងនិមន្តចូលព្រះរូបព្រះរាងកាយ របស់សម្តេចសង្ឃរាជ ទេព វង្ស សូមឲ្យរួចចាកផុតពីទុក្ខភ័យទាំងឡាយទាំងពួង ដែលកំពុងតែយាយីដោយព្រះរោគាព្យាធិនៃព្រះកាយរបស់ព្រះអង្គ សូមឲ្យទទួលបានតែសេចក្តីសុខសប្បាយ និងរួចផុតពីទុក្ខសោករោគាឧបទ្រពចង្រៃ សូមឲ្យវិនាសចេញពីព្រះកាយរបស់ព្រះអង្គ ដែលព្រះអង្គកំពុងសម្រាកព្យាបាលព្រះរាជសុខភាព។
តាមរយៈនៃការប្រារព្ធពិធីបួងសួង និង អន្ទងព្រលឹងព្រះអង្គឲ្យយាងនិមន្តចូលព្រះរូបព្រះរាងកាយរបស់ព្រះអង្គ គឺបានបង្ហាញអំពីវប្បធម៌ ប្រពៃណីរស់នៅរបស់ប្រជាជនខ្មែរ ដែលបានបង្កប់ជ្រៅនៅក្នុងជំនឿនិងសង្គម។ ពិធីបួងសួង ក៏ដូចជាពិធីក្រុងពាលីដែរ គឺជាពិធីដែលស្ថិតក្នុងជំនឿតាមបែបព្រលឹង ដែលប្រជាជនខ្មែរយើង មានជំនឿជឿថា នៅលើលោកនេះ អ្នកខ្លាំងពូកែដែលបានចែកឋានទៅ ពិតជាបានប្រើប្រាស់ព្រលឹងរបស់ខ្លួន នៅតាមថែរក្សាកូនចៅជំនាន់ ក្រោយៗ នឹងមើលការខុសត្រូវដោយឫទ្ធានុភាពជួយគាំទ្រកូនចៅ ដែលឲ្យប្រព្រឹត្តិតែអំពើល្អ និង មានមនសិការស្នេហាជាតិ ស្រឡាញ់ការពារទឹកដីមាតុភូមិ កេរ្តិ៍ដំណែលដូនតាដោយពិតប្រាកដ។ ក្នុងពិធីនេះដែរ ក៏បានបង្ហាញអំពីបេះដូងដ៏ទូលំទូលាយរបស់ប្រជាពលរដ្ឋខ្មែរ ដែលបានរក្សាប្រពៃណីជំនឿនៃជាតិសាសន៍របស់ខ្លួន តាំងតែពីសម័យកាលដ៏រុងរឿងនៃអាណាចក្រអង្គរ ដែលជាសម័យកាលនៃព្រះមហាក្សត្រខ្មែរដ៏ខ្លាំងពូកែ បានធ្វើសមាហរណកម្មរវាងព្រហ្មញ្ញសាសនា និង ការហូរចូលព្រះពុទ្ធសាសនាមកកាន់កម្ពុជាដំបូងគេបង្អស់៕
អត្ថបទ៖ គឿនវេត
សូមចុចអាន៖ សម្ដេច ស ខេង អំពាវនាវឲ្យប្រជាពលរដ្ឋបង្កើនការប្រុងប្រយ័ត្នលើបញ្ហាធំៗ៣
Avian Influenza (AI): ការស្វែងយល់អំពីការគ្រប់គ្រង និងការការពារជំងឺផ្ដាសាយបក្សីក្នុងប្រទេស កម្ពុជា
អ៊ីស្រាអែល ប្រមូលរបស់ទ្រព្យក្រុមហាម៉ាសត្រៀមបើកផ្លូវចូលទីក្រុងភាគខាងត្បូងហ្គាហ្សា
ជើងឯកម៉ុងហ្គោលី Erdene មកដល់កម្ពុជា យប់មិញត្រៀមប្រកួតដណ្តើមខ្សែក្រវាត់
លោកបណ្ឌិត លី ធុជ បញ្ជាក់ពីសារៈសំខាន់នៃការបញ្ជូនរបាយការណ៍តម្លាភាពនៃការអនុវត្តអនុសញ្ញាឆ្នាំ២០២៤
កម្មកររោងចក្រ អ.ជី សប្បាយចិត្តចំពោះការបើកប្រាក់ឈ្នួល និងប្រាក់បំណាច់ផ្សេងៗលឿនជាងការកំណត់
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ agoលម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore