អាជីព
លក្ខណៈសម្បត្តិនៃបុគ្គលិកឆ្នើម ដែលជាចំណែកធ្វើឱ្យក្រុមហ៊ុនរីកចម្រើន
ក្រុមហ៊ុនដែលមានការរីកចម្រើនតែងពឹងផ្អែកចាំបាច់ ការសហការគ្រប់ផ្នែកទើបដំណើរការល្អបានន័យថា ទាំងមេដឹកនាំ ទាំងបុគ្គលិក ជាចំណែកនៃការអភិវឌ្ឍរបស់ក្រុមហ៊ុន។
ការដែលមានមេដឹកនាំពូកែ ជារឿងល្អមួយ ហើយការដែលមានបុគ្គលិកឆ្នើម នោះរឹតតែអំណោយផលល្អសម្រាប់ក្រុមហ៊ុនទាំងឡាយ។
ប្រសិនបើស្ថាប័នទាំងឡាយណាបានបុគ្គលិកមានលក្ខណៈទាំង ៥ ខាងក្រោមមកធ្វើការ នោះជាសញ្ញាល្អកំពុងជម្រុញក្រុមហ៊ុនឲ្យរីកចម្រើន៖
១. ធ្វើការដោយការពេញចិត្ត
បុគ្គលិកមិនស្រឡាញ់អ្វីដែលខ្លួនកំពុងធ្វើ រមែងមានអារម្មណ៍រងសម្ពាធ ព្រមទាំងមិនបានខិតខំបំពេញការងារឱ្យអស់ពីកម្លាំងកាយចិត្តនោះទេ។ ដូច្នេះក្រុមហ៊ុនមួយដែលមាននិយោជិកស្រឡាញ់ការងាររបស់ខ្លួន មិនយូរស្ថាប័ននឹងរីកចម្រើន ព្រោះបុគ្គលិកស្រឡាញ់ការាងរតែងតែខិតខំបំពេញតួនាទីអស់ពីសមត្ថភាព។
២. ធ្វើការជាមួយគោលដៅច្បាស់
បុគ្គលិកឆ្នើមរមែងព្យាយាមសម្រេចគោលដៅតូចៗទាំងឡាយដែលស្ថាប័នបានដាក់ឲ្យខ្លួនបំពេញបានល្អបំផុត។ ពួកគេមិនធ្វើការដោយសារតែប្រាក់ខែតែមួយមុខនោះទេ តែធ្វើដើម្បីសម្រេចគោលដៅ ក្នុងន័យចង់ឃើញការងាររបស់ខ្លួនក៏ដូចជាក្រុមហ៊ុនទាំងមូលមានការអភិវឌ្ឍកាន់តែប្រសើរ។
៣. ធ្វើការដោយភាពអត់ធ្មត់
នៅក្នុងការបំពេញការងារប្រាកដណាស់ថា បុគ្គលិកនឹងប្រឈមមុខជាមួយនឹងបញ្ហាជាច្រើនជំពូក។ ប៉ុន្តែបុគ្គលិកឆ្នើម ពេលជួបបញ្ហាមិនចូលចិត្តរអ៊ូរទាំច្រើន និងមិនបង្ហាញពីភាពទន់ខ្សោយរបស់ខ្លួនឡើយ។ ជំនួសឱ្យការរអ៊ូរទាំ ពួកគេយកពេលវេលាខិតខំរកដំណោះស្រាយដែលនៅចំពោះមុខ។
៤. ធ្វើការប្រកបដោយទំនួលខុសត្រូវ
បើទោះបីជាពេលនេះ ខ្លួនត្រឹមតែជាបុគ្គលិកសាមញ្ញធម្មតាម្នាក់ក៏ដោយ ប៉ុន្តែពួកគេមានការទទួលខុសត្រូវនូវរាល់កិច្ចការងារដែលខ្លួនបានធ្វើ។ ពួកគេហ៊ានទទួលស្គាល់កំហុសនៅពេលធ្វើខុស ហ៊ានប្ដេជ្ញាចិត្តកុំឱ្យកំហុសកើតឡើងម្ដងទៀត និង ប្ដេជ្ញាចិត្តក្នុងការបង្កើតនូវលទ្ធផលលើសពីការរំពឹងទុករបស់ស្ថាប័ន។
៥. ធ្វើការជាមួយការអភិវឌ្ឍន៍ខ្លួន
បុគ្គលិកដែលមានផ្នត់គំនិតរីកចម្រើន ជាបុគ្គលមិនដែលបោះបង់ការរៀនសូត្រនោះទេ។ ពួកគេនឹងនៅតែបន្តខិតខំសិក្សារៀនសូត្រដើម្បីអភិវឌ្ឍន៍ខ្លួនជាប្រចាំ ដើម្បីធ្វើឱ្យខ្លួនឯងក្លាយជាមនុស្សដែលប្រសើរឡើងជាងមុនជានិច្ច៕
ប្រែសម្រួល៖ សន្យា
ប្រភព៖ Lifehack
ចុចអាន៖ មនុស្សប្រើល្បិចនៅកន្លែងធ្វើការ មិនមែនព្រោះគេខ្លាំងទេតែព្រោះគេភ័យខ្លាច
ចុចអាន៖ គំនិតរឹងរូសទាំង៥ ដែលនាយកប្រតិបត្តិភាគច្រើនប្រកាន់យករហូតបរាជ័យ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ