កម្មករជាច្រើននាក់ស្លាប់ក្នុងអណ្ដូងរ៉ែភាគនិរតីប្រទេសចិន

ទីភ្នាក់ងារសារព័ត៌មានចិនស៊ីនហួបាននិយាយនៅថ្ងៃសៅរ៍នេះថា យ៉ាងហោចណាស់មនុស្ស ១៨ នាក់បានស្លាប់ បន្ទាប់ពីត្រូវបានជាប់នៅក្នុងអណ្តូងរ៉ែមួយក្នុងទីក្រុង Chongqing ភាគនិរតីប្រទេសចិន ហើយវាជាឧប្បត្តិហេតុទី ២ របស់តំបន់នេះក្នុងរយៈពេលតែជាងពីរខែប៉ុណ្ណោះ ។

ទីភ្នាក់ងារបាននិយាយថា អ្នកស្លាប់ស្ថិតក្នុងចំណោមមនុស្ស ២៤ នាក់ដែលជាប់នៅក្រោមដីដោយសារការធ្លាយកម្រិតឧស្ម័នកាបូនម៉ូណូអុកស៊ីដច្រើនពេកនៅអណ្តូងរ៉ែធ្យូងថ្ម Diaoshuidong ។

ឧប្បត្តិហេតុកាលពីថ្ងៃសុក្រដែលបានកើតឡើងនៅម៉ោងប្រហែល ៥ ល្ងាចនៅក្នុងអណ្តូងរ៉ែដែលបិទអស់រយៈពេលជាងពីរខែ ដោយសារតែក្រុមហ៊ុនបានរុះរើឧបករណ៍ក្រោមដី កំពុងត្រូវបានស៊ើបអង្កេត ។

ហេតុការណ៍ពាក់ព័ន្ធនឹងអណ្តូងរ៉ែរបស់ប្រទេសចិនស្ថិតក្នុងចំណោមប្រទេសដែលមានការស្លាប់ច្រើនជាងគេបំផុតនៅលើពិភពលោក បន្ទាប់ពីមានអ្នកស្លាប់ចំនួន ១៦ នាក់កាលពីចុងខែកញ្ញា ដោយសារការធ្លាយកម្រិតខ្ពស់នៃកាបូនម៉ូណូអុកស៊ីដក្នុងអណ្តូងរ៉ែ Songzao នៅទីក្រុង Chongqing ។

ទីភ្នាក់ងារស៊ីនហួបាននិយាយថា អណ្ដូងរ៉ែ Diaoshuidong ត្រូវបានសាងសង់ក្នុងឆ្នាំ ១៩៧៥ ។ ដំណើរការតាំងពីឆ្នាំ ១៩៩៨ ក្នុងនាមជាសហគ្រាសឯកជនអណ្តូងរ៉ែនេះគឺជាអណ្ដូងរ៉ែដែលមានកម្រិតឧស្ម័នហ្គាសខ្ពស់ និងមានសមត្ថភាពផ្ទុកធ្យូងថ្ម ១២០,០០០ តោនក្នុងមួយឆ្នាំ ។

នៅក្នុងឆ្នាំ ២០១៣ មនុស្ស ៣ នាក់បានស្លាប់ និង ២ នាក់រងរបួសនៅក្នុងឧប្បត្តិហេតុពុលអ៊ីដ្រូសែនស៊ុលហ្វីតនៅក្នុងអណ្តូងរ៉ែ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ

ចុចអាន ៖ ព្រះមហាក្សត្រថៃលើកលែងទោសអ្នកជាប់ពន្ធនាគាររាប់ម៉ឺននាក់