KPT+

ទីក្រុងខ្មោច ៦កន្លែងដែលត្រូវគេបោះបង់ចោលនៅលើពិភពលោក

បានផុស

៤ years មុន

នៅ

ថ្ងៃពុធ ២៨ តុលា ២០២០

ដោយ

Sonya

សង្គ្រាមបានបំផ្លាញគ្រប់ហេដ្ឋារចនាសម្ព័ន្ធនៃទីក្រុងដែលធ្លាប់តែល្បីល្បាញពីមុនមក។ តួយ៉ាង ដូចជាទីក្រុងខាងក្រោមនេះ បើនិយាយពីកេរ្តិ៍ឈ្មោះវិញ គឺធ្លាប់ល្បីជុំវិញពិភពលោក ប៉ុន្តែមកដល់បច្ចុប្បន្ននេះ ទីក្រុងទាំងនេះត្រូវបានគេបោះបង់ចោល ក្លាយជាទីក្រុងខ្មោចរហូតមកដល់សព្វថ្ងៃនេះ។

១. Dorothy ទីក្រុង Alberta ប្រទេសកាណាដា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានទីតាំងស្ថិតនៅក្នុងតំបន់ Alberta នៃខេត្ត Badlands ទីក្រុងនេះមានប្រជាជនក្នុងតំបន់រស់នៅខ្លះៗដែរ នៅពេលទៅដល់អ្នកនឹងឃើញវត្ថុបុរាណដែលត្រូវបានគេបោះបង់ចោលតាំងពីដើមសតវត្សរ៍ទី ២០ ។ Dorothy ធ្លាប់ជាទីក្រុងល្បីនិងមានប្រជាជនរស់

ច្រើននៅកំពូលភ្នំ អំឡុងទសវត្សឆ្នាំ ១៩២០ ។ ទោះយ៉ាងណាភាពរុងរឿងនោះមានមិនយូរឡើយ ទីបំផុតវាក៏ត្រូវគេទុកចោលដូចគ្នា។

២.Thurmond ទីក្រុង West Virginia សហរដ្ឋអាមេរិក

នៅដើមសតវត្សរ៍ទី ២០ ទីក្រុង Thurmond គឺជាទីក្រុងរីកចម្រើនមួយដែលមានអាជីវកម្មនិងកន្លែងសម្រាប់ពាណិជ្ជកម្មនិងផ្លូវដែក ។ សណ្ឋាគារ Dun Glen ដែលមាន ១០០បន្ទប់បានបើកនៅឆ្នាំ ១៩០១ ហើយបានក្លាយជារមណីយដ្ឋានដែលត្រូវបានគេស្គាល់ទូទាំងប្រទេស។ វាត្រូវបានដុតបំផ្លាញនៅឆ្នាំ ១៩៣០ ជាការចាប់ផ្ដើមនៃការធ្លាក់ចុះនៃវិបត្តិផ្សេងៗដែលបានធ្វើឱ្យ Thurmond ក្លាយជាទីក្រុងខ្មោចនៅទសវត្សឆ្នាំ ១៩៥០។

៣. កំពង់ផែ Arthur ទីក្រុង Tasmania ប្រទេសអូស្ត្រាលី

កំពង់ផែ Arthur ធ្លាប់ជាទីប្រជុំជនតូចមួយនិងជាកន្លែងតាំងទីលំនៅសម្រាប់ផ្តន្ទាទោសនៅ Tasmania ប្រទេសអូស្ត្រាលី។ ចាប់ពីឆ្នាំ ១៨៣៣ ដល់ឆ្នាំ ១៨៥៣ វាជាទិសដៅសម្រាប់ជនល្មើសអង់គ្លេសតែប៉ុណ្ណោះបន្ទាប់ពីត្រូវបានផ្ដន្ទាទោសពីបទឧក្រិដ្ឋ ដែលពួកគេប្រព្រឹត្តនៅពេលមកដល់អូស្ត្រាលី។

៤. Fordlândia ប្រទេសប្រេស៊ីល

ត្រូវបានបង្កើតឡើងក្នុងឆ្នាំ ១៩២៨ ដោយលោក Henry Ford និងក្រុមហ៊ុន Ford Motor ដែលមានគោលបំណងចម្បងរបស់ខ្លួនដើម្បីផលិតកៅស៊ូពីដើមឈើនៅក្នុងព្រៃអាម៉ាហ្សូន។ ទោះជាយ៉ាងណាក៏ដោយគម្រោងរបស់ក្រុមហ៊ុន Ford បានបរាជ័យហើយវាត្រូវបានគេបោះបង់ចោលនៅឆ្នាំ ១៩៣៤ ។

៥. Pyramiden ប្រទេសន័រវែស

ត្រូវបានបង្កើតឡើងជាសហគមន៍រ៉ែធ្យូងថ្មដោយរុស្ស៊ីនៅឆ្នាំ ១៩១០ ទីប្រជុំជនដាច់ស្រយាលនៅប្រជុំកោះ Svalbard មានប្រជាជនជាង ១០០០ នាក់។ នៅឆ្នាំ 1927 វាត្រូវបានលក់ទៅឱ្យសហភាពសូវៀត ដែលបានបន្តការរុករករ៉ែបានដោយជោគជ័យរហូតដល់ឆ្នាំ 1998 នៅពេលដែលធនធានចុងក្រោយត្រូវបានទាញយក។ ទោះយ៉ាងណា វាក៏លែងមានន័យអ្វីបន្តទៀត ក្រោយពីបានទុកចោល។

៦. កោះ Spinalonga ប្រទេសក្រិក

Spinalonga ស្ថិតនៅភាគឦសាន ដំបូងមិនមែនជាកោះនោះទេ ក្នុងកំឡុងពេលកាន់កាប់ វាគ្រាន់តែជាឆ្នេរសមុទ្រសម្រាប់គោលបំណងសាងសង់បន្ទាយមួយតែប៉ុណ្តោះ។ នៅឆ្នាំ ១៧១៥ Ottoman Turksបានកាន់កាប់លើការគ្រប់គ្រងរបស់ Venetian រហូតដល់ការបះបោររបស់ Cretan នៅចុងសតវត្សរ៍ទី ១៩ ហើយចុងក្រោយកោះនេះក៏ត្រូវបានទុកចោលមកដល់សព្វថ្ងៃនេះ ៕

ប្រែសម្រួល៖ សាង ស្រីល័ក្ខ

ចុចអាន៖ ខ្ញុំគួរសង់ផ្ទះក្នុងព្រៃមួយសម្រាប់លំហែរដែរទេ?

ចុចអាន៖ មួយជីវិតមានម្តង ស្ដាយណាស់បើមិនបានទៅដល់កន្លែងទាំងអស់នេះ!

Related Topics:រឿងរ៉ាវប្លែកៗ