ចេញមិនបានប៉ុន្មានថ្ងៃផង! ខ្សែភាពយន្តថ្មីរបស់ Bella រកប្រាក់ចំណូល បានរហូតដល់ខ្ទង់លានបាត

ខ្សែភាពយន្តថ្មីរបស់ Bella Ranee ដែលបានអូសបន្លាយការចាក់បញ្ចាំងតាំងពីថ្ងៃទី ៨ ខែ មេសា ឆ្នាំ២០២០ លើកមកចាក់​នៅ​ថ្ងៃទី ១៩ ខែ វិច្ឆិកាវិញ ដោយសារ​មានបញ្ហាកូវីដ១៩។

យ៉ាងណាមិញ បើយ៉ោងទៅតាម Major Group ប្រទេសថៃបានរាយការណ៍មកថា ខ្សែភាពយន្កថ្មីនេះ ទទួលបានការចាប់​អារម្មណ៍ និងមានការកោតសរសើរពីសំណាក់ទស្សនិកជនយ៉ាងច្រើន។ ពិសេសខ្សែភាពយន្តនេះ ជាការសម្ដែងពី​តារាស្រីលំដាប់​ជួរ​មុខ​នាង Bella Ranee ដែលក្នុងសាច់​រឿងនាងប្តូរ​អត្តចរិតថ្មី ១៨០ដឺក្រេ ខុសប្លែក​ពីរឿងមុនៗ មានទាំងឈុតឆាតកំប្លែង រាំ​ច្រៀង ជិះក្របី និងឈុត​ប្រយុទ្ធគ្នាជាដើម។

គួរបញ្ជាក់ផងដែរថា ខ្សែភាពយន្តរឿង «E-Riam Sing» ត្រឹមតែរយៈពេល ២ថ្ងៃអាចរកប្រាក់ចំណូល បានរហូតដល់ ១២លាន​បាត ដែលជាសមទ្ធផលជាទីគាប់ចិត្តសម្រាប់ក្រុមការងារក្នុងរឿងទាំងមូល។

ខ្សែភាពយន្តខាងលើ ក៏មានការចូលរួមសម្ដែងពីតារាប្រុស ស្រីឆ្នើមៗ និងតារាពូកែកំប្លែងស្ងួតប្រទេសថៃមួយចំនួនផងដែរ ដូចជា Pat Napapa, Oat Pramote និង Kom Chauncheun ជាដើម៕

អត្ថបទផ្ដល់ដោយ៖Porman

ចុចអាន៖Davika Hoorne មានលុយ ៥.៥ លានដុល្លារនៅក្នុង​វ័យ ២៨ ឆ្នាំ

ចុចអាន៖ដំណើរ​លើ​វិថីសិល្បៈរបស់ Aum Patcharapa មុន​ក្លាយ​ជា​កំពូល​តារា​ល្បីប្រចាំប្រទេស