ជីវិតកម្សាន្ដ

ល្បីចេញពីប៉ុស្តិ៍លេខ ៧ថៃភ្លាម! Min Pechaya ទទួលបានស្គ្រីបរឿងជាង ១០ ក្នុងដៃពីផលិតករល្បីៗ

បានផុស

៤ years មុន

នៅ

ថ្ងៃសុក្រ ២៧ វិច្ឆិកា ២០២០

ដោយ

ដូចដែលទស្សនិកជនមួយចំនួនបានដឹងហើយថា ថ្មីៗនេះខាងព័ត៌មានកម្សាន្តថៃបានចុះផ្សាយពីតារាប្រុសស្រី ៥រូបដែលនឹងផុតកុងត្រាជាមួយប៉ុស្តិ៍លេខ ៧ថៃ ហើយបន្តធ្វើជាតារាសម្ដែងឯករាជ្រម្ដង ក្នុងនោះយើងក៏ឃើញមានវត្តមានតារាស្រីជួរមុខនាង Min Pechaya ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ Min បានផ្តល់បទសម្ភាសន៍ទៅកាន់អ្នកសារព័ត៌មានថា ចាប់តាំងពីនាងក្លាយជាតារាសម្ដែងឯករាជ្រមក បច្ចុប្បន្ននាងកំពុងមានស្រ្គីបរឿងថ្មីចំនួនជាង១០រឿងនៅក្នុងដៃ ពីផលិតករល្បីៗប្រចាំប៉ុស្តិ៍ទូរទស្សន៍ផ្សេងៗគ្នា។ តារាសម្ដែងស្រីរូបនេះបានបន្តថា នាងនិងអ្នកចាត់ការកំពុងពិនិត្យអានស្គ្រីបទាំងអស់នោះបណ្តើរៗហើយ។

ក្នុងនោះ ខាងសារព័ត៌មានថៃក៏បានចោទជាសំណួរទៅកាន់ Min ថានាងនឹងមានរឿងភាគថ្មីជាមួយ Boy Pakorn ដែរទេ? នាងតបថា នាងក៏បានទទួលស្គ្រីបរឿងមួយពីខាងប៉ុស្តិ៍ទូរទស្សន៍លេខ ៣ថៃដែរ តែមិនទាន់ដឹងច្បាស់ទាក់ទងទៅនឹងតួសម្ដែងប្រុសជានរណានោះទេ។ Min បន្ថែមថា នាងនិង Boy ក៏ធ្លាប់បានជួបគ្នាម្ដងម្កាលនៅក្រៅផងដែរ គាត់ជាមនុស្សពូកែកំប្លែងលេងសើចច្រើនជាមួយអ្នកជុំវិញខ្លួនឱ្យបានសើចសប្បាយ៕