អាស៊ាន អំពាវនាវឲ្យបង្កើនតួនាទីរបស់ស្ត្រី ស្របពេលមានជំងឺរាតត្បាតកូវីដ ១៩ – Kampuchea Thmey Daily
Connect with us

ព័ត៌មានអន្ដរជាតិ

អាស៊ាន អំពាវនាវឲ្យបង្កើនតួនាទីរបស់ស្ត្រី ស្របពេលមានជំងឺរាតត្បាតកូវីដ ១៩

Published

on

សមាគមប្រជាជាតិអាស៊ីអាគ្នេយ៍ (អាស៊ាន) កាលពីល្ងាចថ្ងៃព្រហស្បតិ៍បានកោះប្រជុំមេដឹកនាំស្ត្រីអាស៊ានលើកដំបូងដែលមិនធ្លាប់មានតាមរយៈវីដេអូខនហ្វើរេន ដោយពិភាក្សាអំពីតួនាទីរបស់ស្ត្រីក្នុងការអភិវឌ្ឍប្លុកនេះ ចំពេលមានជំងឺកូវីដ ១៩ ។

ព្រឹត្តិការណ៍នេះត្រូវបានធ្វើឡើងនៅក្នុងក្របខ័ណ្ឌនៃកិច្ចប្រជុំកំពូលអាស៊ានលើកទី ៣៧ និងកិច្ចប្រជុំកំពូលពាក់ព័ន្ធនានាដែលបានផ្តល់ឱកាសដល់មេដឹកនាំក្រុមនេះបាននិយាយជាមួយមេដឹកនាំស្ត្រីនៅក្នុងតំបន់ និងនៅអង្គការអន្តរជាតិអំពីវិធីដើម្បីលើកកម្ពស់តួនាទីរបស់ពួកគេបន្ថែមទៀតនៅក្នុងដំណើរការនៃការកសាងសហគមន៍អាស៊ាន បន្ទាប់ពីជំងឺរាតត្បាតកូវីដ ១៩ ។

ថ្លែងនៅក្នុងព្រឹត្តិការណ៍នេះនាយករដ្ឋមន្រ្តីវៀតណាមលោក Nguyen Xuan Phuc បានពិពណ៌នាថា ស្ត្រីជាផ្នែកមួយដែលមិនអាចខ្វះបាននៃដំណើរការកសាងសន្តិភាព និងសន្តិសុខប្រកបដោយចីរភាព ។

មេដឹកនាំវៀតណាមរូបនេះបានជូនពរថា កិច្ចប្រជុំកំពូលនឹងផ្តល់នូវទិសដៅសំខាន់ៗដើម្បីជួយស្ត្រីអាស៊ានចូលរួមចំណែកយ៉ាងទូលំទូលាយ និងមានប្រសិទ្ធភាពដល់ដំណើរការកសាងសហគមន៍អាស៊ានក៏ដូចជាចូលរួមយ៉ាងសកម្មក្នុងការធានាសន្តិភាព សន្តិសុខ និងការអភិវឌ្ឍប្រកបដោយចីរភាព និងរួមនៅក្នុងតំបន់ ។

នៅក្នុងព្រឹត្តិការណ៍ដដែលនេះប្រធានរដ្ឋសភាវៀតណាមលោកស្រី Nguyen Thi Kim Ngan បានអំពាវនាវឲ្យធានានូវផលប្រយោជន៍សេដ្ឋកិច្ច និងសុខភាពស្របច្បាប់សម្រាប់ស្ត្រីតាមរយៈវិធានការប្រកបដោយប្រសិទ្ធភាព និងទាន់ពេលវេលា ។ អាស៊ានត្រូវការដាក់ស្ត្រីឲ្យផ្តោតការយកចិត្តទុកដាក់លើការកសាង និងការស្តារឡើងវិញ បង្កើនភាពជាអ្នកដឹកនាំ និងការបញ្ចេញមតិរបស់ស្ត្រីក្នុងការសម្រេចចិត្ត និងបង្កើនស្ថានភាពសេដ្ឋកិច្ចដើម្បីបង្រួមគម្លាតអភិវឌ្ឍន៍ និងពង្រឹងភាពធន់របស់សហគមន៍អាស៊ានប្រឆាំងនឹងវិបត្ដិខាងក្រៅ ។

លោកស្រីបានអំពាវនាវឲ្យអាស៊ានត្រូវប្រកាន់យកនូវវិធីសាស្រ្តថ្មីៗប្រកបដោយការច្នៃប្រឌិត និងមានប្រសិទ្ធភាពដើម្បីលើកកម្ពស់តួនាទីរបស់ស្ត្រីលើគ្រប់វិស័យជាពិសេសទាក់ទងនឹងអត្ថប្រយោជន៍ពីបច្ចេកវិទ្យាឌីជីថល ។

លោកស្រី Ngan ក៏បានប្រកាសផងដែរថា វៀតណាមនឹងរៀបចំវេទិកាជាន់ខ្ពស់អាស៊ានស្តីពីតួនាទីរបស់ស្ត្រីក្នុងការស្តារឡើងវិញពេញលេញប្រកបដោយចីរភាពនៅឆ្នាំក្រោយ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ ទីបំផុត ចិន អបអរសាទរប្រធានាធិបតីជាប់ឆ្នោតអាមេរិកលោក Joe Biden

ចុចអាន ៖ ចិន​ គំរាមអាមេរិកបន្ទាប់ពីលោក Pompeo និយាយរឿងមួយពាក់ព័ន្ធ កោះតៃវ៉ាន់

ចុច Like Facebook កម្ពុជាថ្មី

ព័ត៌មានជាតិ47 mins ago

ការបង្ក​សម្លេង​រំខាន ទោះបី​មិន​សម្លាប់​ជីវិត​មនុស្ស​ក៏ដោយ តែ​បង្ក​ផលប៉ះពាល់​ដល់​អ្នកដទៃ ជាពិសេស​អ្នកជំងឺ​តាម​មន្ទីរពេទ្យ​

ព័ត៌មានជាតិ51 mins ago

ក្រុម​ការងារ​គណៈ​ក​ម្មា​ធិ​ការ​ជាតិដោះស្រាយ​ជនអនាថា​លើកឡើង​នូវ​វឌ្ឍនភាព​ខណៈ​ចុះ​អង្កេត​រហ័ស​ទូទាំងប្រទេស

ព័ត៌មានជាតិ2 hours ago

សិស្ស​និស្សិត​ត្រូវ​លះបង់​នូវ​ពាក្យ​ចំនួន​៥​យ៉ាង ដែល​មិនគួរ​និយាយ

ព័ត៌មានជាតិ2 hours ago

កម្ពុជា​និង​ឥណ្ឌា​ឯកភាព​គ្នា​លើ​ការ​ពង្រឹង​យន្តការ​ប្រឆាំង​ការសំអាត​ប្រាក់​និង​ហិរញ្ញប្បទាន​ភេរវកម្ម​

ព័ត៌មានជាតិ3 hours ago

ក្រុមប្រឹក្សា​ខេត្ត​ត្បូងឃ្មុំ មាន​យុទ្ធសាស្ត្រ​ដោះស្រាយ​បញ្ហា​ដី​ធ្លី​តាមរបៀប​មួយ ដែល​មាន​ប្រសិទ្ធភាព

ព័ត៌មានពេញនិយម