ចំនួនអ្នកស្លាប់ដោយសារព្យុះទីហ្វុង Vamco នៅប្រទេសហ្វីលីពីន កើនឡើងដល់ ៦៧ នាក់ – Kampuchea Thmey Daily
Connect with us

ព័ត៌មានអន្ដរជាតិ

ចំនួនអ្នកស្លាប់ដោយសារព្យុះទីហ្វុង Vamco នៅប្រទេសហ្វីលីពីន កើនឡើងដល់ ៦៧ នាក់

Published

on

ទីភ្នាក់ងារគ្រប់គ្រងគ្រោះមហន្តរាយជាតិបាននិយាយនៅថ្ងៃអាទិត្យនេះថា ចំនួនអ្នកស្លាប់ដោយសារព្យុះទីហ្វុង Vamco ដែលបានវាយប្រហារប្រទេសហ្វីលីពីនបានកើនឡើងដល់ ៦៧ នាក់ ខណៈមនុស្ស ១២ នាក់នៅតែបាត់ខ្លួននៅឡើយ ។ ចំណែកមនុស្ស ២២ នាក់បានរងរបួស ។

ប្រធានាធិបតី Rodrigo Duterte គ្រោងនឹងហោះហើរទៅកាន់ខេត្ត Tuguegarao ភាគខាងជើងដើម្បីវាយតម្លៃស្ថានភាពនៅតំបន់ជ្រលងភ្នំ Cagayan ដែលត្រូវបានជន់លិចយ៉ាងខ្លាំង បន្ទាប់ពីព្យុះទីហ្វុង Vamco បានធ្វើឲ្យមានភ្លៀងធ្លាក់នៅកោះ Luzon ក្នុងនោះមានទាំងទីក្រុងម៉ានីល ផងដែរ ។

អ្នកនាំពាក្យទីភ្នាក់ងារគ្រោះមហន្តរាយលោក Mark Timbal បាននិយាយថា អ្នកស្លាប់ ២២ នាក់គឺនៅក្នុងតំបន់ Cagayan, ១៧ នាក់នៅភាគខាងត្បូងកោះ Luzon, ៨ នាក់នៅតំបន់ Metro Manila និង ២០ នាក់នៅតំបន់ផ្សេងទៀត ។

លោក Timbal បាននិយាយថា ការខូចខាតចំពោះផលកសិកម្មដោយសារទឹកជំនន់ពីព្យុះ Vamco ត្រូវបានគេប៉ាន់ស្មានថា មានចំនួន ១.២ ពាន់លានប៉េសូ (២៥ លានដុល្លារ) ខណៈការខូចខាតហេដ្ឋារចនាសម្ព័ន្ធត្រូវបានប៉ាន់ប្រមាណថាមានចំនួន ៤៧០ លានប៉េសូ (ជិត ១០ លានដុល្លារ) ។ ចំណែកផ្ទះជិត ២៦,០០០ ខ្នងត្រូវបានខូចខាតផងដែរ ។

គួរបញ្ជាក់ថា ព្យុះ Vamco ជាព្យុះទីហ្វុងទី ២១ ដែលវាយប្រហារប្រទេសហ្វីលីពីននៅឆ្នាំនេះ ។ វាបានបោកបក់កាត់កោះ Luzon កាលពីល្ងាចថ្ងៃពុធ និងបង្កជាទឹកជំនន់ដ៏អាក្រក់បំផុតក្នុងរយៈពេលជាច្រើនឆ្នាំនៅក្នុងតំបន់មួយចំនួននៃរដ្ឋធានី ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ ព្យុះ Vamco បោកបក់មកដល់​វៀតណាម​ហើយ ដោយមនុស្ស​ជិត ៥សែននាក់​ត្រូវ​ជម្លៀសទៅកន្លែង​មាន​សុវត្ថិភាព

ចុចអាន ៖ ព្យុះ Vamco សម្លាប់មនុស្សដល់៤២នាក់នៅ ហ្វីលីពីន ខណៈកំពុងធ្វើដំណើរទៅ វៀតណាម

ចុច Like Facebook កម្ពុជាថ្មី

ព័ត៌មានជាតិ8 hours ago

ព្រះមហាក្សត្រ​ តែងតាំង​ ឯកឧត្តម​បណ្ឌិត ពេ​ជ សោភ័ន ជា​រដ្ឋមន្ត្រី​ប្រតិភូ​អម​នាយករដ្ឋមន្ត្រី​បន្ថែម​លើ​មុខងារ​បច្ចុប្បន្ន

ព័ត៌មានជាតិ8 hours ago

ក្មេងទំនើងមួយក្រុម​ ខឹង​ស៊ីផ្លេ​សុំផ្លូវ យក​ដុំថ្មគប់បែក​កញ្ចក់​ឡាន​ ត្រូវ​សមត្ថកិច្ច​ឃាត់​ខ្លួន​

ព័ត៌មានជាតិ9 hours ago

ព្រះមហាក្សត្រ​ តែងតាំង​ ឯកឧត្តម​បណ្ឌិត ពេ​ជ សោភ័ន ជា​រដ្ឋមន្ត្រី​ប្រតិភូ​អម​នាយករដ្ឋមន្ត្រី​បន្ថែម​លើ​មុខងារ​បច្ចុប្បន្ន

ព័ត៌មានជាតិ9 hours ago

ព្រឹកស្អែក​នេះ លោក​ឧបនាយករដ្ឋមន្ត្រី ប្រាក់ សុខុន នឹងចូលរួម​កិច្ចប្រជុំ​ចង្អៀត​រដ្ឋមន្ត្រីការបរទេស​អាស៊ាន

ព័ត៌មានជាតិ10 hours ago

ឧត្តមសេនីយ៍ឯក​ ឌី​ វិជ្ជា​ ៖ ថ្នាក់ដឹកនាំ​អគ្គស្នងការដ្ឋាន​នគរបាល​ជាតិ ​តែង​គិតគូរ​ផ្តល់​ការ​ បណ្តុះបណ្តាល​ចំណេះដឹង​ និង​ជំនាញ​ដល់​នគរបាល​នារី

ព័ត៌មានពេញនិយម