អ្នកតំណាង WHO ប្រចាំប្រទេសរុស្ស៊ីមានសុទិដ្ឋិនិយមអំពីការអនុម័តវ៉ាក់សាំងកូវីដ Sputnik V

អ្នកតំណាងអង្គការសុខភាពពិភពលោក (WHO) ប្រចាំប្រទេសរុស្ស៊ីលោកស្រី Melita Vujnovic បានសម្តែងក្តីសង្ឃឹមថា ទីភ្នាក់ងារសុខភាពពិភពលោកនឹងដាក់វ៉ាក់សាំង Sputnik V របស់រុស្ស៊ីទៅក្នុងបញ្ជីវ៉ាក់សាំងរបស់ខ្លួនដែលត្រូវបានណែនាំប្រឆាំងនឹងជំងឹកូវីដ ១៩ ។

នៅពេលត្រូវបានគេសួរថា តើទីភ្នាក់ងារសុខភាពពិភពលោកបានត្រៀមខ្លួនរួចជាស្រេចហើយឬនៅក្នុងការណែនាំវ៉ាក់សាំងនេះ លោកស្រី Vujnovic បានប្រាប់ប៉ុស្តិ៍ទូរទស្សន៍ Rossiya 24 ថា ក្រុមហ៊ុនផលិតវ៉ាក់សាំងរុស្ស៊ីក៏ដូចជាក្រុមហ៊ុនដទៃទៀតបានអនុវត្តទៅអង្គការសុខភាពពិភពលោក ហើយនីតិវិធីកំពុងតែដំណើរការ ។ ដូច្នេះយើងសង្ឃឹមថានឹងបានទទួលដំណឹងល្អចំពោះវ៉ាក់សាំងឆាប់ៗនេះ ។ ប្រាកដណាស់យើងមានសុទិដ្ឋិនិយមដូចរាល់ដងដែរ” ។

នៅខែសីហា Sputnik V បានក្លាយជាវ៉ាក់សាំងប្រឆាំងជំងឺកូវីដ ១៩ ដំបូងដែលបានចុះបញ្ជីនៅក្នុងប្រទេសរុស្ស៊ី និងពិភពលោក ។ បច្ចុប្បន្នវ៉ាក់សាំងនេះកំពុងស្ថិតក្នុងដំណាក់កាលទី ៣ នៃការសាកល្បងនៅក្នុងប្រទេសរុស្ស៊ីក៏ដូចជានៅក្នុងប្រទេសបេឡារុស្ស អារ៉ាប់រួម និងវេណេស៊ុយអេឡា ។

ទន្ទឹមនោះបើយោងតាមរបាយការណ៍បានឲ្យដឹងថា ប្រទេសឥណ្ឌា និងប្រេស៊ីលក៏គ្រោងនឹងចូលរួមក្នុងការសាកល្បងនេះផងដែរ ។ វ៉ាក់សាំង Sputnik V ត្រូវបានគេអះអាងថាមានប្រសិទ្ធភាព ៩២ ភាគរយដោយផ្អែកលើទិន្នន័យពីអ្នកចូលរួម ១៦,០០០ នាក់ដំបូងដែលទទួលការចាក់វ៉ាក់សាំងពីរដង ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ មានសង្ឃឹមហើយ! វ៉ាក់សាំងកូវីដរបស់ក្រុមហ៊ុន Pfizer និង BioNTech អាចដាក់ឲ្យប្រើប្រាស់មុនបុណ្យណូអែល

ចុចអាន ៖ សមាជិកព្រឹទ្ធសភាសហរដ្ឋអាមេរិកព្យាយាមបញ្ឈប់កិច្ចប្រឹងប្រែងលក់អាវុធរបស់លោក Trump ដល់ប្រទេសអារ៉ាប់រួម