ព័ត៌មានអន្ដរជាតិ

សហរដ្ឋអាមេរិក ដកខ្លួនចេញពីសន្ធិសញ្ញា Open Skies ជាផ្លូវការ

បានផុស

៤ years មុន

នៅ

ថ្ងៃចន្ទ ២៣ វិច្ឆិកា ២០២០

ដោយ

ក្រសួងការបរទេសអាមេរិកបាននិយាយកាលពីថ្ងៃអាទិត្យថា សហរដ្ឋអាមេរិកបានដកខ្លួនជាផ្លូវការចេញពីសន្ធិសញ្ញាបើកចំហមេឃ (Open Skies) ដែលការចាកចេញនេះបានកើតឡើង៦ខែបន្ទាប់ពីលោកប្រធានាធិបតី Donald Trump ប្រកាសពីការសម្រេចចិត្តរបស់គាត់។

អ្នកនាំពាក្យ Cale Brown បាននិយាយក្នុងសេចក្តីថ្លែងការណ៍មួយថា “នៅថ្ងៃទី២២ខែឧសភាឆ្នាំ២០២០ សហរដ្ឋអាមេរិកបានអនុវត្តសិទ្ធិរបស់ខ្លួនដោយយោងតាមកថាខ័ណ្ឌទី២នៃមាត្រាទី១៥របស់សន្ធិសញ្ញា Open Skies ដោយផ្តល់សេចក្តីជូនដំណឹងដល់ភាគីសន្ធិសញ្ញានិងរដ្ឋជាភាគីទាំងអស់នៃសេចក្តីសម្រេចដកខ្លួនចេញពីសន្ធិសញ្ញានេះដោយមានប្រសិទ្ធិភាពក្នុងរយៈពេល៦ខែទៀតគិតចាប់ពីថ្ងៃជូនដំណឹងនេះទៅ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍បន្តថា “ពេល៦ខែកន្លងផុតទៅ ការដកខ្លួនរបស់សហរដ្ឋអាមេរិកនឹងចូលជាធរមានហើយសហរដ្ឋអាមេរិកលែងជារដ្ឋភាគីនៃសន្ធិសញ្ញា Open Skies ទៀតហើយ”។

សន្ធិសញ្ញានេះអនុញ្ញាតឲ្យប្រទេសនានាហោះហើរពីលើទឹកដីរបស់គ្នាទៅវិញទៅមកតាមជើងហោះហើរឈ្លបយកការណ៍យោធាដែលជាវិធានការមួយដើម្បីជួយជំរុញទំនុកចិត្តនិងបញ្ជាក់ថា គ្មានប្រទេសណាមួយកំពុងត្រៀមរៀបចំធ្វើសង្គ្រាមនោះទេ។

ប្រទេសចំនួន៣៤គឺជាភាគីនៃសន្ធិសញ្ញានេះរួមមានរុស្ស៊ី ទួរគី បណ្តាប្រទេសអឺរ៉ុបជាច្រើននិងកាណាដាផងដែរ។