ព័ត៌មានអន្ដរជាតិ
កសិករកំពុងច្រូតស្រូវ ខ្មាន់កាំភ្លើងចូលបាញ់រះក្នុងវាលស្រែ ស្លាប់១១០នាក់នៅ នីហ្សេរីយ៉ា
អង្គការសហប្រជាជាតិបាននិយាយថា ការសម្លាប់រង្គាលដ៏រន្ធត់លើកសិករនៅភាគឦសានប្រទេសនីហ្សេរីយ៉ាបានសម្លាប់មនុស្សយ៉ាងតិច១១០នាក់។
ការសម្លាប់នេះបានកើតឡើងកាលពីរសៀលថ្ងៃសៅរិ៍នៅក្នុងភូមិ Koshobe និងសហគមន៍ជនបទដទៃទៀតក្នុងតំបន់រដ្ឋាភិបាលមូលដ្ឋាន Jere ក្បែរទីក្រុង Maiduguri នៃរដ្ឋ Borno។
អ្នកសម្របសម្រួលផ្នែកមនុស្សធម៌របស់អង្គការសហប្រជាជាតិប្រចាំនៅប្រទេសនីហ្សេរីយ៉ាលោក Edward Kallon បាននិយាយនៅក្នុងសេចក្តីថ្លែងការណ៍មួយថា “ខ្មាន់កាំភ្លើងជិះម៉ូតូបានបើកការវាយប្រហារយ៉ាងសាហាវទៅលើបុរសនិងស្ត្រីស៊ីវិលដែលកំពុងច្រូតស្រូវ”។
លោកបានបន្ថែមថា “ជនស៊ីវិលយ៉ាងតិច១១០នាក់ត្រូវបានសម្លាប់យ៉ាងរន្ធត់ហើយមនុស្សជាច្រើននាក់ទៀតបានរងរបួសនៅក្នុងការវាយប្រហារនេះ”។ លោកបានកត់សម្គាល់ថា គេជឿថា ស្ត្រីជាច្រើនត្រូវបានចាប់ជំរិត”។
លោកបន្តថា “ឧប្បត្តិហេតុនេះគឺជាការវាយប្រហារហិង្សាបំផុតប្រឆាំងនឹងជនស៊ីវិលស្លូតត្រង់នៅឆ្នាំនេះ។ ខ្ញុំសូមអំពាវនាវឲ្យអ្នកបង្កអំពើដ៏សាហាវនេះត្រូវនាំយកមកផ្តន្ទាទោស”។
ទោះបីជាយ៉ាងណាក៏ដោយ មិនទាន់មានការអះអាងទទួលខុសត្រូវចំពោះការវាយប្រហារនេះនៅឡើយទេប៉ុន្តែក្រុមប្រដាប់អាវុធ Boko Haram និងក្រុមបំបែកខ្លួន រដ្ឋឥស្លាមនៅខេត្តអាហ្វ្រិកខាងលិច (ISWAP) បានធ្វើការវាយប្រហារយ៉ាងសាហាវជាច្រើនលើកនៅក្នុងតំបន់នេះក្នុងរយៈពេលប៉ុន្មានឆ្នាំថ្មីៗ។
ក្រុមទាំងពីរបានធ្វើសកម្មភាពនៅក្នុងតំបន់នេះដោយបានសម្លាប់មនុស្សជាង៣០,០០០នាក់ក្នុងមួយទសវត្សរ៍កន្លងមកនេះ។ យុទ្ធនាការប្រដាប់អាវុធមួយនេះបានផ្លាស់ទីលំនៅប្រជាជនចំនួន២លាននាក់និងបានរាលដាលដល់ប្រទេសជិតខាងរួមមាននីហ្សេរ ឆាដនិងកាមេរូន៕
ប្រែសម្រួលដោយ៖ Vann Vann
ប្រភព៖ Al Jazeera
ចុចអាន៖ ផ្ទុះគ្រាប់បែកនិងការបាញ់ប្រហារក្នុងបាតុកម្មនៅប្រទេស ថៃ
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)