ព័ត៌មានអន្ដរជាតិ
ឃើញហើយរំភើបណាស់! វ៉ាក់សាំងទាំងឡានៗត្រូវបានដឹកចេញពីរោងចក្រយកទៅកម្ចាត់ជំងឺកូវីដ១៩
រថយន្ដធុនធំផ្ទុកវ៉ាក់សាំងប្រឆាំងជំងឺកូវីដ១៩បានចាកចេញរោងចក្រ Pfizer ហើយនៅថ្ងៃនេះបន្ទាប់ពីខ្លួនទទួលបានភ្លើងខៀវសម្រាប់ការប្រើប្រាស់។
ការចាក់ថ្នាំបង្ការចំពោះជនងាយរងគ្រោះនឹងចាប់ផ្តើមនៅសប្តាហ៍ក្រោយស្របពេលចក្រភពអង់គ្លេសបានក្លាយជាប្រទេសដំបូងបង្អស់ដែលបានអនុម័តការចាក់។

រថយន្តទាំងនេះបានចាកចេញពីប្រទេសប៊ែលហ្សិកជាមួយវ៉ាក់សាំងចំនួន៨០០,០០០ដូសខណៈលោក Boris Johnson បានសាទរចំពោះសកម្មភាពដ៏រំភើបនេះ។
ប្រទេសមួយដែលត្រូវបំផ្លាញដោយជំងឺកូវីដ១៩បានចាប់ផ្តើមមានក្តីសង្ឃឹមថានឹងវិលត្រឡប់មករកភាពប្រក្រតីវិញនៅពេលបុគ្គលិក NHS ត្រៀមខ្លួនចាក់វ៉ាក់សាំងដោយចាប់ផ្តើមពីសប្តាហ៍ក្រោយទៅ។

បន្ទាប់ពីនិយ័តករបានផ្តល់ភ្លើងខៀវដល់វ៉ាក់សាំងរបស់ក្រុមហ៊ុន Pfizer/BioNTech, រថយន្តក្លាស្សេ HGV ដឹកវ៉ាក់សាំងចំនួន៨០០,០០០ដូសត្រូវបានគេមើលឃើញថាកំពុងធ្វើដំណើរឆ្ពោះទៅកាន់ប្រទេសអង់គ្លេស។
ហើយមន្ទីរពេទ្យទីក្រុងឡុងដ៍ដ៏ធំមួយត្រូវបានគេរំពឹងថានឹងផ្តល់វ៉ាក់សាំងលើកដំបូងនៅព្រឹកម៉ោង៧ថ្ងៃចន្ទសប្តាហ៍ក្រោយ។

វ៉ាក់សាំងនឹងត្រូវចាក់ឲ្យបុគ្គលិកថែទាំនិងមនុស្សដែលមានអាយុលើស៨០ឆ្នាំជាមួយនឹងការណាត់ជួបដែលរៀបចំរួចទៅហើយ។
លោកវេជ្ជបណ្ឌិត Chaand Nagpaul ប្រធានក្រុមប្រឹក្សាសមាគមវេជ្ជសាស្រ្តអង់គ្លេសបានសាទរចំពោះការទម្លាយភាពទាល់ច្រកនេះដែលជាសមិទ្ធិផលមិនគួរឲ្យជឿនៃវិទ្យាសាស្ត្រទំនើប។

ទីតាំងចាក់ថ្នាំបង្ការត្រូវបានបង្កើតឡើងនៅមន្ទីរពេទ្យចំនួន៥០។ វ៉ាក់សាំងចាំបាច់ត្រូវរក្សាទុកនៅសីតុណ្ហភាពដក៧០អង្សាសេហើយអាចយកចេញបានតែ៥ថ្ងៃប៉ុណ្ណោះ៕
ប្រែសម្រួលដោយ៖ Vann Vann
ប្រភព៖ Mirror
ចុចអាន៖ ទើបតែអនុម័តឲ្យប្រើប្រាស់មិនទាន់បានប៉ុន្មានផង EU និងអង់គ្លេសឈ្លោះគ្នារឿងវ៉ាក់សាំងនេះបាត់ទៅហើយ

-
ចរាចរណ៍៦ ថ្ងៃ ago
ស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
សន្តិសុខសង្គម២ ថ្ងៃ ago
ព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
ព័ត៌មានជាតិ៤ ថ្ងៃ ago
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ៥ ថ្ងៃ ago
សម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ៣ ថ្ងៃ ago
មិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
ព័ត៌មានអន្ដរជាតិ៣ ថ្ងៃ ago
ហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
សុខភាព៧ ថ្ងៃ ago
ដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ៥ ថ្ងៃ ago
លើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន