ព័ត៌មានអន្ដរជាតិ
លោក Biden ស្នើពលរដ្ឋពាក់ម៉ាសរយៈពេល ១០០ ថ្ងៃពេញ ស្របពេលជនជាតិអាមេរិកម្នាក់ស្លាប់ដោយសារកូវីដ១៩ រៀងរាល់ ៣០ វិនាទីម្ដង
ប្រធានាធិបតីជាប់ឆ្នោត Joe Biden បាននិយាយថា លោកនឹងស្នើសុំឲ្យពលរដ្ឋអាមេរិកាំងពាក់ម៉ាសរយៈពេល ១០០ ថ្ងៃ ដើម្បីការពារការរាលដាលនៃករណីឆ្លងថ្មី ក្រោយពេលការសច្ចាប្រណិធានចូលកាន់តំណែងរបស់ខ្លួន។

ក្នុងនោះប្រធានាធិបតីថ្មីរូបនេះ ក៏នឹងស្នើឱ្យវេជ្ជបណ្ឌិត Anthony Fauci ធ្វើជាប្រធានផ្នែកវេជ្ជសាស្រ្តដើម្បីគ្រប់គ្រងការរាតត្បាតនៃជំងឺកូវីដ១៩ផងដែរ។

“នៅថ្ងៃដំបូងដែលខ្ញុំឡើងកាន់តំណែង ខ្ញុំនឹងស្នើឲ្យសាធារណជនពាក់ម៉ាសរយៈពេល ១០០ ពេញ” នេះបើតាមលោក បៃដិន ថ្លែងប្រាប់ទូរទស្សន៍ Jake Tapper របស់ទូរទស្សន៍ CNN កាលពីថ្ងៃព្រហស្បតិ៍។
លោកថា វិធីសាស្ត្រនេះអាចនឹងកាត់បន្ថយការចម្លងរោគ ក៏ដូចជាចូលរួមប្រយុទ្ធប្រឆាំងនឹងវីរុសកូវីដ១៩បានច្រើន ខណៈរបាយការណ៍ពី CDC របស់អាមេរិកបង្ហាញថា រៀងរាល់ ៣០ វិនាទីម្ដង មានពលរដ្ឋអាមេរិកាំងម្នាក់បានស្លាប់។ ទន្ទឹមនឹងនោះ តួលេខនៃការស្លាប់កាលពីថ្ងៃពុធ មានចំនួន ២,៨០៤ នាក់ឯណោះ ត្រឹមរយៈពេល ២៤ ។ នៅថ្ងៃដដែលអ្នកជំងឺចូលសម្រាកព្យាបាលនៅមន្ទីរពេទ្យបានកើនឡើងដល់ជាង ១០ ម៉ឺននាក់ជាលើកដំបូង ធ្វើឲ្យចំនួនករណីថ្មីបានកើនឡើងលើស ២០០,០០០ នាក់ក្នុងមួយថ្ងៃ។

ស្របពេលសេចក្ដីថ្លែងការណ៍របស់លោក ចូ បៃដិន ពលរដ្ឋមួយចំនួនបែរចាត់ទុកគោលកាណ៍លោកប្រធានាធិបតីថាជាការបំបាត់សិទ្ធិសេរីភាព ដោយពួកគេនិយាយថា ពួកគេមិនចង់ត្រូវបាន “បង្ខំ” ឱ្យពាក់ម៉ាសទេ។
ទោះយ៉ាងណា វេជ្ជបណ្ឌិតនិងអ្នកជំនាញនានាលើកឡើងថា ការអនុវត្តតាមការស្នើសុំរបស់ប្រធានាធិបតី បៃដិន អាចជួយទប់ស្កាត់ការកើនឡើងនៃករណីឆ្លងនៅទូទាំងសហរដ្ឋអាមេរិក៕
ប្រែសម្រួល៖ សន្យា
ប្រភព៖ dailymail
ចុចអាន៖ ចំនួនអ្នកស្លាប់ដោយសារកូវីដ លើលោកកើនដល់ជាង ១.៥ លាននាក់
ចុចអាន៖ ប្រជាជនពាក់កណ្តាលក្នុងពិភពលោកនឹងទទួលបានវ៉ាក់សាំង Sputnik V របស់រុស្ស៊ី

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ